Përse Lulzim Basha u detyrua ta zhvlerësonte procesin e votimit?

Nga Mero Baze

Lulzim Basha ngjan i penduar për garën skualifikuese për kandidatët për deputetë dhe po e zhvlerëson atë, duke urdhëruar gjithë degët, të mos eleminojnë më asnjë kandidat nga gara.

Deri më tani, në të gjithë degët ku zhvillohen votime paraprake, procesi po i ngjan një formaliteti të dështuar, pasi nuk është skualifikuar asnjë kandidat, përveç Astrit Veliajt në Berat, që me sa duket ka qenë orientim i Bashës.

Të gjithë të tjerët po qëndrojnë në garë, përjashto rastin e Durrësit, ku nga procesi i skualifikimit, në vend që të binte një kandidat, u shtua dhe një më shumë, çka e bën dhe qesharak procesin.

Po përse Lulzim Basha u detyrua ta zhvlerësonte procesin e votimit paraprak?

Arsyeja kryesore, është se objektivi real nuk ka ndonjë seleksionim liste, por krijimi i një mekanizmi, që të mbajë të lidhur me PD, kandidatët deri ditën e shpalljes së listës.

Duke qenë se Lulzim Basha, ka problem me besueshmërinë për ekipin e PD-së, pasi ka thyer rekorde duke mos mbajtur fjalën për kandidatët, ai ka shpikur një mekanizëm votimi fallco, që t’i mbajë kandidatët të lidhur me PD dhe të mos shpërndahen tek partitë e tjera, pas skualifikimit.

Për këtë arsye ai ka urdhëruar që tani e tutje, të mos skualifikohet asnjë, pasi i ikin tek partitë e tjera.

Mekanizmi si e realizon është rritja fiktive e trupës votuese, me qëllim që askush të mos dalë nën dhjetë për qind.

Ndërkohë numri i kandidatëve që kanë hyrë në garë, është afërsisht pesë herë më i madh se numri i kandidatëve që i duhen PD-së, dhe ata mund të mbahen me gënjeshtra deri muajin e fundit.

Kështu, pas këtij votimi do të ketë prapë votim muajin tjetër për performancën politike të tyre, duke vazhduar t’i mbajë lidhur me një garë fallco.

Por pavarësisht kësaj manovre, Basha do ballafaqohet me skualifikimet, pasi në fund duhet të vendosë për listën.

Të parët që do goditen nga kjo histori janë pesë partitë aleate që kanë prej vitit 2015 që kanë hequr dorë nga zgjedhjet dhe ndjekin Bashën. Ata do të jenë të rrezikuarit e parë për të qenë në këtë listë.

Pas tyre vijnë disa faktorë lokalë elektoralë brenda PD-së, por që mund të eleminohen për shkak të profilit të tyre jo politik dhe mungesës së afërsisë me Bashën.

Një prej tyre, Dashamir Tahiri në Vlorë, ish- deputet i PD-së si pjesë e komunitetit çam, është larguar ndërkohë dhe po bën planet e tij, për të kandiduar me të tjerë.

Astrit Veliaj po ashtu ka reaguar ashpër, duke denoncuar këtë proces, si një farsë për të mbajtur kandidatët me shpresa deri para zgjedhjeve.

E gjitha bëhet thjesht se kandidatët nuk i besojnë premtimit të Bashës që do jenë në lista dhe mbahen të lidhur pas një gare fallco.

Nga ana tjetër, ky proces është një diskretitim real dhe për Komisioni “Ruli-Nishani”, i cili ka rekomanduar që shumë nga këta emra që po garojnë, të skualifikohen, por Basha ka nguruar t’i heqë nga listat dhe i ka rifutur në garë.

Kështu ka ndodhur me djalin e Fahri Balliut në Korçë, Salianjin, Tritan Shehun, Dhurata Çupin etj. Praktikisht rekomandimi i Komisionit “Ruli – Nishani”, nuk është përfillur nga Basha, pasi ai nuk do të prodhojë pakënaqësi me procesin, por t’i mbajë të gjithë në lojë deri në fund.

Kështu PD deri në fillim të marsit, kur duhet të dalë lista, do vazhdojë të bëjë sikur voton rekomandimet e Komisionit “Ruli – Nishani”, një herë duke gjykuar biografinë shoqërore, një herë atë politike, e në fund atë financiare, që do vendosë.

Deri atëhere mos prisni të ketë një listë. Lista do jetë përsëri më 12 të natës së fundit, me qëllim që të pakënaqurit të mos kenë ku të shkojnë më. Dhe në fakt, ata që nuk e kuptojnë deri atë ditë më 12 të natës, nuk është se i duhen njeriu, përveç Lulit.

Kompromiset në heshtje të Edi Ramës, me Kodin Zgjedhor

19:25 Editorial

Përse nuk duam të na mbrojë askush, nga Ilir Meta?

18:23 Editorial

Partia që ende ka kriter për karrierën, Gërdecin

18:15 Editorial

Presidenti si “këshilltar” dhe si shembull për kryetarët e bashkive

18:08 Editorial

Mos u bini borive të alarmit dhe të fitores njëkohësisht

19:32 Editorial

Presidenca si Teatër pa spektatorë

19:52 Editorial

Përse Berisha pranon të dëshmojë vetëm para Fevziut?

19:02 Editorial

Kur Gjykata shndërrohet ne spektakël Uniformash

19:00 Editorial

“Detoksi” i Bashës me kandidaturat për deputetë

18:24 Editorial

Ajo që ndjen dhe ajo që ëndërron Berisha

19:17 Editorial