Përplasja Greqi-Shqipëri në Hagë, Xhezair Zaganjori: Duket e parakohshme

Vendimi i sotëm i Shqipërisë dhe Greqisë që çështja e diskutueshme e përcaktimit të kufijve detarë t’i besohet një mekanizmi ndërkombëtar si Gjykata Ndërkombëtare e Drejtësisë në Hagë, është për Profesorin shqiptar të së Drejtës ndërkombëtare Xhezair Zaganjori “i mirë, por duket i parakohshëm”. I pyetur nga Zëri i Amerikës, zoti Zaganjori, i cili ka qenë dhe relatori i çështjes së marrëveshjes së detit më Greqinë në vitin 2009, në Gjykatën Kushtetuese, shprehet se sipas tij “është shumë shpejt për të nisur një procedurë të tillë”.

Profesor Zaganjori, sjell shembullin e mosmarrëveshjes mes Kroacisë dhe Sllovenisë për ndarjen e hapësirave detare në Gjirin e Piranit, ku dërgimi çështjes në një gjykatë arbitrazhi “është dashur të kalojë fillimisht përmes miratimit respektivisht me referendum në Slloveni dhe në Parlament, në rastin e Kroacisë, sepse sovrani duhet ta dijë se përse bëhet fjalë. Cilat janë pretendimet konkrete të palëve dhe ku e përse lind mosmarreveshja apo konflikti mes tyre që shtron nevojën për të shkuar në një mekanizëm ndërkombëtar”

“Këtë – shpjegon zoti Zaganjori – kërkon në fakt edhe vetë Gjykata Ndërkombëtare e Drejtësisë, pra Gjykata e Hages. Ajo duhet të ketë marreveshjen mes palëve për gjykimin e konfliktit, ku të përcaktohen qartësisht pozicionet e palëve si dhe pyetjet konkrete të cilave ajo duhet t’i kthejë përgjigje. Përndryshe – nënvizon Profesor Zaganjori – nuk ka se si ta pranojë kërkesën e tyre. Ajo nuk është dhe nuk mund të jetë një instrument për të shkarkuar ngarkesat politike e “patriotike” apo konfliktet e brendshme ose të jashtme të palëve”.

Zoti Zaganjori është i mendimit se “duhet bërë e qartë ku qëndron problemi dhe ku dallojnë palët në qëndrimet e tyre, e nëse nuk ka rrugë tjetër, ky interpretim i ndryshëm i Konventës, me marrëveshje mes palëve i paraqitet Gjykatës. Nga ana tjeter – nënvizon Zaganjori – duhet ditur se për cilën hapësirë detare bëhet fjalë”, pasi sipas tij “është e diskutueshme çështja e Shelfit Kontinental dhe Zonës Ekonomike Ekskluzive, por jo edhe ajo e ujërave territoriale në zonën e Kanalit të Korfuzit. Për këtë çështje – thekson ai – besoj se flitet qartësisht edhe në vendimin e Gjykatës Kushtetuese”, përfundon zoti Zaganjori duke shtuar se “sidoqoftë, le të presim një informacion më të plotë e zyrtar nga të dy palët”.

Basti i madh i Ramës jashtë e brenda Shqipërisë (kryeministri i ka lënë sërish të gjithë pas, të habitur dhe me duar ne xhepa)

17:43 Politika

Fatmir Mediu flet për koalicionin e opozitës: Nuk shkoj pas dëshirës së zotit Basha, unë s’punoj si punëtor për ndonjë tjetër

17:39 Politika

Petrit Vasili thirrje qytetarëve: Tregohuni të papërgjegjshëm

17:08 Politika

Spiropali ‘pagëzon’ koalicionin opozitar me emrin e veçantë "Aleanca Aritmetike", publikon videon me gafat e Bashës, Kryemadhit e Bardhit

15:44 Politika

Gjermania, Zingraf: Shqipëria ka marrë “PO”-në për bisedimet për anëtarësimin në BE, dyert janë të hapura

15:33 Politika

VIDEO/ Pas "ankesës" për Erdogan, Rama falenderon Dendias në shqip, greqisht e turqisht: Faleminderit, efkaristo dhe ejvallah

14:34 Politika

Shpëtim Idrizi tregon detajet e aksionit para kryeministrisë: Shpresova shumë që shishja e ujit që hodha të zinte në kokën e ministrit grek, unë flas në emër të shqiptarëve

14:20 Politika

Çështja e detit përfundon në Hagë, Rama: Kemi rënë dakord që t’i drejtohemi drejtësisë ndërkombëtare, më vjen keq për "patriotët e detit" që presin pushtimin që do na bëjë Greqia

14:11 Politika

Ministri grek Dendias: Me urdhër te Mitsotakis do e zgjidhim ligjin e luftës, integrimi i Shqipërisë në BE objektiv i përbashkët

14:05 Politika

“Greqia fqinj i çmuar”, Rama me kollare me flamurin shqiptar në takimin me ministrin grek: Mbledhje të përbashkët mes dy qeverive, së shpejti heqim ligjin e luftës

13:50 Politika