Te fundit
Dorëheqja e Thaçit: Vjosa Osmani merr zyrtarisht detyrën e presidentes së Kosovës
5 Nëntor 2020, 15:06Rajoni
TEMA
Vjosa Osmani është emëruar zyrtarisht spresidente e Kosovës, pas dorëheqjes së Hashim Thaçit. Lajmi është bërë e ditur përmes një njoftimi për media.
Në njoftim thuhet se detyrën e ka marrë nga stafi i presidencës, ndërsa njoftohet se Osmani do t’i drejtohet sot qytetarëve në orën 17.00.
Njoftimi:
“Dr.Vjosa Osmani zyrtarisht merr funksionin e u.d. të presidentes së Kosovës Në përputhje me obligimet kushtetuese, pas dorëheqjes së presidentit të vendit z.Hashim Thaçi, Kryetarja e Kuvendit të Kosovës, dr.Vjosa Osmani, sot ka marrë zyrtarisht funksionin e u.d. të presidentes së Kosovës. Ceremonia e pranim- dorëzimit është bërë në prezencën e stafit të Presidencës dhe kryetares së Kuvendit të Kosovës. U.d. e presidentes do t`i drejtohet sot qytetarëve me një adresim në orën 17:00.”
Hashim Thaçi dha dorëheqjen nga posti i Presidentit të Republikës së Kosovës duke e lënë bosh atë pozicion. Tani, siç përcakton edhe Kushtetuta, do të jetë kryeperlamentarja Vjosa Osmani ajo që ushtron detyrën e Presidentit.
Sic e parasheh Kushtetuta e Kosovës, nëse Presidenti largohet nga zyra e tij brenda mandatit, atëherë kompetencat e tij i kalojnë kryeparlamentares.
Kushtetuta e Kosovës e saktëson se si zgjidhet presidenti i shtetit. Sipas nenit 86, presidenti zgjidhet në Kuvend të Kosovës, me votim të fshehtë.
Në këtë pozitë mund të nominohet si kandidat, ai apo ajo që siguron nënshkrimet e të paktën 30 deputetëve të Kuvendit, derisa saktësohet se deputetët e Kuvendit mund të nënshkruajnë vetëm për një kandidat për president.
Zgjedhja e kreut të shtetit bëhet me dy të tretat e votave të të gjithë deputetëve.
“Nëse asnjëri kandidat nuk merr shumicën prej dy të tretave (2/3) në dy votimet e para, organizohet votimi i tretë në mes të dy kandidatëve të cilët kanë marrë numrin më të lartë të votave në votimin e dytë dhe kandidati që merr shumicën e votave të të gjithë deputetëve, zgjidhet President i Republikës së Kosovës. Nëse në votimin e tretë, asnjëri kandidat nuk zgjidhet President i Republikës së Kosovës, shpërndahet Kuvendi dhe shpallen zgjedhjet e reja, të cilat duhet të mbahen brenda dyzet e pesë (45) ditësh”, saktësohet në Kushtetutë, në nenin që flet për zgjedhjen e presidentit.
6 komente në “Dorëheqja e Thaçit: Vjosa Osmani merr zyrtarisht detyrën e presidentes së Kosovës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po pse e dha doreheqjen or aman, kete na thoni! Cna duhet se si zgjidhet presidenti?!
Vjosa presidente dhe Albini kryeminister eshte opsioni me i mire per Kosoven.Ramushat dhe kaushat jane per stallier kuajsh.
Urimeeeeeeeeeeeeeeeeeeeeeee, beni zgjedhje te lira dhe filloni nga e para.
E quditshme sa paska pjelle serbe ne kosove,shifni serbine se si feston sepse sot ka du gezime;
Nje qe arrestohen ata qe dikur i ka denuar ne mungese dhe qe ka 21 vjet qe kerkon ti arrestoj dhe e dyta se pas 21 vitesh merr pushtetin ne kosove,pushtet qe e humbi me lufte, sot serbia ka 100% pushtetin ne kosove me osmanken presedniqe e hotin perviminister, e sa kohe te kemi kopila te serbise ne kosove aq do vazhdoj sundimi i saj.
Kosova eshte ne udhëkryq, s’ka më Clinton që e shpëton me bomba. Shume vende ne Europë i ka kundër. Pak ose aspak aleatë. Ndërkohë Beogradi fluturon duke menduar se një ditë do ia arrijë, por kjo mund të ndodhi pas disa shekujve.
Kosova po kthehet ne serbi.Osmanka ka miqet ne beligrade..