"Sido që të jetë fati i 4 zyrtarëve të Kosovës në Hagë lufta e UÇK-së nuk preket"

Analisti Ben Andoni, u shpreh se është i shqetësuar për faktin se, “sa forcë do të kenë zoti Krasniqi, zoti Thaçi dhe zyrtarët e tjerë të Kosovës për t’i përballur teknikisht akuzat”.

“Presioni shumë i madh për ta ngritur gjykatën ka shkuar në përpjesëtim të zhdrejtë me përgatitjen e Kosovës, që ka ndihmuar vetë që të bëhet kjo gjykatë. Thaçi dhe Veseli i kanë bërë presion njerëzve të tyre që ta votonin këtë institucion. Nga të katër zyrtarët e parë të lartë, Krasniqi është njeriu më i larguar nga akuzat, pasi funksioni i tij ka qenë zëdhënës. Duhet të jemi të bashkuar në këtë moment dhe retorika përçarëse në Shqipëri është e frikshme. Lufta e UÇK-së nuk preket, sido që të jetë fati i këtyre 4 individëve. Në këto momente, këta njerëz kanë nevojë për qetësi dhe këshilla. Zoti Krasniqi më duket pak i papërgatitur për situatën. Mendoj se pozicioni i tij është larg akuzave që janë ngritur kundër tij”, tha Andoni.

“Si ka mundësi që në kohën ku jetojmë, me rrjete sociale, me Kosovën që ka njerëz të arsimuar, është e papërgatitur? Nuk është vetëm fuqia e Serbisë, por pasiviteti. Ka dhe diçka tjetër: në Kosovë, nën zë, ka një lloj dashamirësie që këta njerëz janë në atë pozitë sot sepse u leverdis shumë për situatën politike. Ka pasur disa që kanë thënë se “gjarpri iku nga Kosova”, shtoi Andoni.

Andoni nënvizoi se “pastërtia e luftës së UÇK-së është vijë e kuqe për të gjithë shqiptarët, pastërtia e asaj lufte është patërtia e njerëzve të thjeshtë”. Por, Andoni pati kritika për Thaçin.

“Ata ishin të gjithë idealistë dhe ajo ishte luftë e pastër. Në gjithë këtë kohë, Thaçi kishte të gjitha mundësitë të pastronte veten e vet dhe të përgatitej. Atë që i thuhej shpesh “Ti do të jesh në Hagë”, nuk mund ta negocionte në kurriz të Kosovës. Sado që Thaçi e ka mohuar ndryshimin e territoreve, vetë Bolton ka thënë se ideja për këtë ndryshim ka qenë e ditur prej tij. Është e lehtë që t’u tregosh njerëzve pastërtinë e luftës dhe nga ana tjetër të kërkosh mbrojtje për pozicionin tënd. Më besoni, i vetmi njeri që nuk e dinte, ishte zoti Krasniqi. Në sallën e gjyqit, ai foli si mësues dhe edukator. Krasniqi është prekur te vlerat morale bazë të individit shqiptar. Sot, gjendet në një institucion ku kanë qenë kriminelët më të mëdhenj serbë. Ai nuk e pranon dot në mendjen e tij se si një individ si ai të jetë në të njëjtën bankë të akuzuarish”, u shpreh Ben Andoni.

Kur u pyet se si e sheh fundin e kësaj historie, Andoni tha: “Procesi ka për të zgjatur sepse edhe mënyra se si është përgatitur ka marrë shumë kohë. Mënyra si u paraqit akuza tregon se do të marrë shumë kohë si çështje. Besoj se pala shqiptare nuk mund të ndahet mirë, 100%”.(A2)

Shifra alarmante në Kosovë: 13 viktima dhe 637 raste të reja me COVID-19 në vetëm 24 orë

15:12 Rajoni

Bregu: Qeveritë e Ballkanit të mbajnë përgjegjësi për Tregun e Përbashkët Rajonal

15:09 Rajoni

REPORTAZHI: Në Kroaci, gratë shqiptare luftojnë paragjykimin dhe normat patriarkale

15:00 Rajoni

Çfarë pret Greqia nga Biden? Shpresat e Athinës te lidhjet e tij me lobin grek në SHBA

14:47 Rajoni

“Rexhep Selimi prapa vrasjes së Xhemajl Mustafës”, a do ta zbulojë të vërtetën shokuese në Gjykatën Speciale?

14:38 Rajoni

“Përbindëshat”, media serbe shkrim për liderët e Kosovës në Gjykatën Speciale

14:24 Rajoni

Kosova thyen 'akullin', i bashkohet tryezës së ‘Shengenit Ballkanik

11:58 Rajoni

Jakup Krasniqi, fjalim në Hagë: Më është bërë padrejtësi e madhe, por njeriu është më i fortë se guri

11:48 Rajoni

Jakup Krasniqi shfaqet i prekur në Gjykatën e Hagës: Serbinë e kam luftuar politikisht, fyese t’i ndani shqiptarët në katolikë e myslimanë. Isha në shërbim të lirisë

11:40 Rajoni

Rëndohet situata e Covid-19 në Greqi, mijëra të infektuar në 24 orë

11:38 Rajoni