Mediu thirrje grave: Refuzoni të jeni thjesht numra që zbukurojnë shëmtinë e pushtetit dhe të anti-vlerave. Flisni fort kundër politikave që ju përbuzin dhe fyejnë

Përfaqësimi i grave në politikë nuk duhet të bëhet thjesht për të plotësuar kuotat gjinore, por duhet të rritet roli i saj në vendimmarrje. Është ky mesazhi që dha kreu i republikanëve Fatmir Mediu gjatë mbajtjes së Forumit Kombëtar të Grave Republikane.

“Rama dhe regjimi i tij i korruptuar kërkon që ju të heshtni dhe të mos flisni si sot, të ulni kokën. Kërkon që ju të harroni se kush jeni dhe çfarë doni. Rama dhe sekti që është krijuar sot në politikën shqiptare kanë bindjen se shqiptarët duhet të jenë kokëulur dhe me ta mund të bëjnë çdo gjë.

Ata si shqiptarë mund të tallen, mund të dhunohen, mund të rrihen, të shtypen, keqpërdoren, arrestohen, burgosen. Mund t’i lesh papunë, pa arsim dhe pa të ardhme, sepse sipas tyre shqiptarët nuk kanë forcë për t’u ngritur, sepse Rama dhe regjimi i korruptuar që ka ndërtuar, kanë bindjen dhe mendojnë se kanë në dorë jetën, lirinë dhe të ardhmen tonë. Jetën, lirinë dhe ndërtimin e lumturisë, të gjithë ne na i ka falë Zoti.

Juve duhet të jeni kudo që flitet; kur flitet për Shqipërinë dhe kur flitet për ju, për të sotmen dhe për të ardhmen. Mbi të gjitha, mos lejoni që të tjerët të flasin për ju, por flisni ju për veten tuaj, duke mos pranuar hipokrizinë dhe keqpërdorimin. Nuk ka vlerë vetëm një femër me pushtet, por ka vlerë pushteti i femrës, duke krijuar së pari pushtet mbi veten tuaj, mbi atë që doni të arrini.

Mos pranoni t’ju përdorin për numra, për kuota, që të zbukurojnë shëmtinë e pushtetit dhe të anti-vlerave. Qëndroni më shumë me njëra-tjetrën dhe pranë njëra-tjetrës. Flisni fort dhe hapur kundër politikave që në radhë të parë përçajnë, përbuzin dhe urrejnë e fyejnë. Nga përbuzja, nga përçarja, nga fyerja, nuk ka asnjë gjë të mire”, tha në fjalën e tij Fatmir Mediu.

Forumi u përshendet nga Euro Deputete, deputete nga Kosova, Maqedonia, Auatria dhe Bullgaria si dhe kryetarja e grave demokrate Albana Vokshi, e cila theksoi se të gjitha gratë duhet të luftojnë për të liritë dhe të drejtat e tyre.

Por edhe në këtë takim të Partisë Republikane, u vu re mosrespektimi i aktit normativ për ndalimin e grumbullimeve mbi 10 persona. Republikanët kanë deklaruar se nuk do të respektojnë vendimin e Komitetit të ekspertëve, madje disa ditë më parë, e kanë dërguar edhe në Gjykatën Kushtetuese vendimin për të ndaluar mbledhjet partiake, duke e parë si një përpjekje të Ramës për të dëmtuar opozitën në prag të fushatës elektorale.

Vjosa Osmani u mbyt në Vjosë!

11:13 Politika

Erion Braçe i përgjigjet Metës: Merru me malin e Tomorrit, se e bëtë copash për pllaka me lekë

10:23 Politika

Agron Duka: I kam kërkuar Bashës të jem në listën e fituesve, se i kam aq vota sa për të dalë deputet

09:45 Politika

Dëshmia e të birit të Ndue Marashit: Enver Hoxha s’ka gisht në eliminimin e babait tonë

09:33 Politika

Vjosa Osmani me bidon benzine në Tiranë, paraqitje skandaloze. Desh të dukej më Albin se Albini

23:32 Politika

Basha: Po negocioj që vendet që kanë porositur shumë vaksina t’i sjellin në Shqipëri!

23:01 Politika

Agron Duka: I kam kërkuar Bashës të jem në listën e fituesve! Megjithëse fyhem kur ma përmendin këtë gjë

22:31 Politika

Agron Gjekmarkaj përjashton Metën e Berishën si organizatorë të protestave: Eshtë Albin Kurti, Edi Rama e ka goditur disa herë. Ia bëri për inat

22:21 Politika

Basha njoftim të papritur: Bashkëshortja ime e ka kaluar COVID-19! Unë, vajzat dhe prindërit jemi mirë!

22:11 Politika

Ilir Meta i mahnitur nga ish kryeministri: Doktor Berisha ka një diksion zëri të paparë

21:59 Politika