Skeda e pasurisë së deklaruar e Gent Cakajt: Ish ministri i Jashtëm burime të pamjaftueshme financiare për të mbuluar shpenzimet e tij në vitin 2018

Ish-ministri për Europën dhe Punët e Jashtme, Gent Cakaj rezulton me burime të pamjaftueshme financiare për të mbuluar shpenzimet e tij në vitin 2018.

Gent Cekaj u emërua ministër për Europën dhe Punët e Jashtme nga kryeministri Edi Rama në dhjetor 2018, por ai e ushtroi funksionin si i komanduar, pasi nuk u dekretua nga presidenti i Republikës, Ilir Meta. Cakaj shërbeu në kabinetin e Ramës për dy vjet dhe u largua me dorëheqje në dhjetor 2020.

Gent Cakaj ka lindur në Prishtinë më 6 korrik 1990 dhe është shkolluar në Kosovë, Belgjikë dhe Hungari. Cakaj mban pesë diplomime në fushat e filozofisë, drejtësisë dhe shkencave politike.

Gjatë viteve të shkollimit, Gent Cakaj është angazhuar si konsulent dhe analist për çështje politike, si dhe është autor e bashkë-autor i disa punimeve në këto fusha. Ai iu bashkua kabinetit të kryeministrit Edi Rama në janar 2018 si këshilltar politik dhe në të njëjtën kohë, ka shërbyer edhe si Koordinator Kombëtar i Republikës së Shqipërisë për Zonën Rajonale Ekonomike për Ballkanin Perëndimor.

Në qershor 2018, Gent Cakaj u emërua zv.ministër në Ministrinë për Evropën dhe Punë të Jashtme, ndërsa në janar 2019 u komandua si ministër. Cakaj e motivoi dorëheqjen nga kabineti i Ramës me zgjedhjet në prag, ku ai nuk synon të kandidojë si deputet.

Ky raport është prodhuar nga BIRN pas administrimit të deklaratave të pasurisë nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasuritë e anëtarëve të Këshillit të Ministrave.

Skeda grafike e mëposhtme paraqet pasurinë e deklaruar nga ish-ministri për Europën dhe Punët e Jashtmë që prej fillimit të detyrës publike dhe deri në fund të vitit 2018.  [Kliko për skedën në PDF]

Skeda e pasurisë së deklaruar nga ish-ministri për Europën dhe Punët e Jashtme, Gent Cakaj.

Në deklaratën e dorëzuar para fillimit të detyrës në vitin 2018, Cakaj deklaronte pasuri familjare me vlerë 48.7 milionë lekë, e cila i përket prindërve të tij, me përjashtim të një llogarie personale prej 157 mijë lekësh. Në fund të vitit 2018, pasuria familjare kap vlerën e 49.6 milionë lekëve.

Pasuritë e patundshme të familjes Cakaj kapin vlerën e 43 milionë lekëve, e ndjekur nga likujditetet bankare prej rreth 5.4 milionë lekësh dhe automjeteve me vlerë 1.1 milion lekë.

Të ardhurat e Z. Cakaj gjatë vitit 2018 kanë qenë 1.2 milionë lekë me burim 100% nga funksioni i tij.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik për 1 vit të deklarimit, i cili rezultoi me probleme.

Në deklaratën vjetore për vitin 2018, Z. Cakaj deklaron shtesa në llogari bankare në vlerën e 240 mijë lekëve, blerjen e një makine me vlerë 5 mijë euro dhe shpenzime qiraje prej 5170 euro. Të ardhurat vjetore të deklaruara rezultojnë të pamjaftueshme për të mbuluar këto shpenzime në shumën e rreth 240 mijë lekëve.

Deklarata Para Fillimit të Detyrës

Deklarata e pasurisë së vitit 2018  

FOTO: Tensionet e Bashës në PD për listat e koalicionet detyrojnë Berishën të rikthehet në selinë blu pas shumë kohësh. Ja ç’po ndodh mes demokratëve

13:15 Politika

"U pranoi në listat e PD"! Acarohet Agron Duka: Çfarë është kjo?! Ne e pranuam njëri-tjetrin, nuk na pranoi Basha, kemi mbështetësit tanë

12:57 Politika

Basha arrin marrëveshje me Shehin e Ndokën, do jenë në listat e PD. Ngërç me Mediun, Idrizin e Dulen! LSI jashtë

12:45 Politika

Rama shpërndan videon për kryeopozitarin Basha e pasurimin e tij në kohë krize. Topalli: Si u bë me dy vila gjatë tërmetit. Kryeministri: E pra, çudi!

12:38 Politika

Projektet më të guximshme njerëzore në histori: Ja cilat janë “strukturat gjigande” të së ardhmes

14:15 Politika

VIDEO/ Rudina Hajdari, "kokë më kokë" me Monika Kryemadhin në Elbasan: Të rebelohemi ndaj klasës së vjetër. S'jemi të varfër, jemi të vjedhur!

11:53 Politika

Në 10 vjetorin e videopërgjimit nga Dritan Prifti, Meta përgjigjet me video-konferencë për shpopullimin: Kemi kaluar dhe Sirinë e Irakun

11:39 Politika

Ish kreu i SHISH Bahri Shaqiri fillon fushatën për LSI: Të lihet propaganda boshe e punëve imagjinare dhe të sigurohet që Durrësi të mos përmbytet

11:33 Politika

Cili do të jetë tani fati i Donald Trump-it

11:06 Politika

Kryemadhi ngre problemin e trafikut të “tmerrshëm” në Tiranë: M'u deshën 2 orë e gjysëm për të ardhur deri në Fresk

10:44 Politika