Te fundit
Gjuhë diskriminuese ndaj shqiptarëve, Gjykata e Lartë ‘i jep të drejtë’ Vulinit! Reagon Kamberi: Kjo s'ka ndodhur as në kohën e Millosheviçit!
8 Shkurt 2021, 21:01Rajoni
TEMA
Gjykata e Lartë në Beograd i ka dhënë të drejtë ministrit serb, Aleksander Vulin, i cili përdori gjuhë fyese dhe diskriminuese ndaj shqiptarëve, duke iu drejtuar me termin ofendues “šiptari”.
Lajmin e ka bërë me dije deputeti shqiptar në parlamentin serb, Shaip Kamberi. Ai ka thënë se gjykata ka refuzuar ta shpallë fajtor Vulinin, i cili vazhdimisht përdor këtë terminologji fyese për shqiptarët.
“GJYKATA SERBE I JEP TË DREJTË FYERJES INSTITUCIONALE NDAJ SHQIPTARËVE!TË REAGOJNË BE, SHBA DHE VENDET E RAJONIT, NDAJ KËTIJ PRECEDENTI TË RREZIKSHËM PËR MINORITETET NË BALLKAN.
Sot, Gjykata e Lartë në Beograd ka refuzuar ta shpallë fajtor Ministrin Aleksandër Vulin për diskriminim, fyerje dhe gjuhë të urrejtjes ndaj shqiptarëve.
Siç dihet, ish-zëdhënësi i Mira Markoviçit dhe Ministri i sotëm i Brendshëm i Aleksandër Vuçiçit, përdor vazhdimisht terminologjinë fyese “šiptari” në vend të terminologjisë zyrtare në Serbi: “albanci””, ka shkruar Kamberi.
Ai ka thënë se gjykata i ka dhënë fuqi juridike institucionalizmit të kësaj gjuhe fyese e përçmuese në Serbi, ndërsa ka theksuar se “kjo nuk ka ndodhur as në kohën e Sllobodan Millosheviçit”.
“Duke e cilësuar padinë e Këshillit Kombëtar Shqiptar si të pabazuar, Gjykata i ka dhënë tashmë edhe fuqi juridike institucionalizimit të gjuhës së urrejtjes, mosdurimit dhe ksenofobisë ndaj shqiptarëve në përgjithësi, e atyre në Serbi në veçanti.
Kjo nuk ka ndodhur as në kohën e Sllobodan Millosheviqit! Në cilësinë e shefit të Grupit Parlamentar “Lugina e Bashkuar-SDA Sanxhak”, unë kam filluar ndërmarrjen e veprimeve institucionale në nivel shtetëror dhe ndërkombëtar”, ka shkruar ai.
Kamberi i ka ftuar autoritetet ndërkombëtare që të reagojnë për këtë vendim.
“Ftoj autoritetet e Bashkimit Evropian, Shteteve të Bashkuara të Amerikës dhe të vendeve të rajonit, që të reagojnë ndaj Beogradit për ta ndaluar institucionalizimin tashmë edhe juridik të gjuhës së urrejtjes ndaj minoriteteve në Serbi.
Vendimi i sotëm i Gjykatës së Lartë në Beograd është precedent tepër i rrezikshëm për minoritetet në Serbi, por edhe në tërë Ballkanin Perëndimor”, ka shkruar Kamberi.
6 komente në “Gjuhë diskriminuese ndaj shqiptarëve, Gjykata e Lartë ‘i jep të drejtë’ Vulinit! Reagon Kamberi: Kjo s’ka ndodhur as në kohën e Millosheviçit!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kujt I plasi kallami cfare te quan nje cetnik qe sdi cfare rrace eshte.. Quaje cetnik dhe je nje rregull..
Ja kemi bërë me dije shtëpis së barrdhë në Washington DC që të shkëpus luginën e Preshevës nga vrasësit e 1500 fëmijëve me kombesi shqiptare në 1999-ën. Mbase një ditë President i SHBA-ve do jetë ndonjë nga Shqipëria që ta bëjë realitet kerkesën.
po pse mo ,a nuk je shiptar ku eshte e keqja qe ta marrim vesh
Ja vllezerit e Ramskit, vllazrim bashkim, mini shengen
Une nuk jam dakord me ty zoti Kamberi. Ai shkjau mund ta perdori termin sqiptar me percmim por ne jemi shqiptar dhe duhet ta mbrojme kete te vertet.
Shkjet nuk e dijne cfare jane dhe kjo I ben te ndihen inferjor.
Shkijet jane bij kur..vash qe nuk dine cfare jane.
I kane baballaret avare, Shqiptare, turq dhe sllav