Punishte guri mes të lagjes, pronari: Banorët të vënë kufje, nëse i bezdis zhurma!

Fiks Fare denoncoi veprimet e disa institucioneve, të cilat kanë lejuar një punishte guri në mes të një lagje në Kuçovë. Në redaksinë e emisionit investigativ u ankuan banorët e lagjes “Postbllok”, të cilët pohojnë se jetesa iu është bërë e vështirë për shkak të kësaj punishteje, e cila pret gurë të mëdhenj.

Ata thonë se fabrika ka sharra të mëdha që bëjnë zhurmë dhe pluhur, pasi vendi ku priten nuk është i izoluar.

“Në këtë lagje jemi disa familje dhe pranë banesave tona është një punishte guri. Bën zhurmë të madhe. Pret gurë të mëdhenj. Bën pluhur dhe institucionet nuk marrin masa” thotë një banor.

Një tjetër pohon se “është bërë e pamundur të jetosh nga zhurma që zgjat deri në 12 orë”. Pronari i një servisi ngjitur me fabrikën thotë se është sëmurë nga pluhuri dhe zhurma, teksa po mendon që të mbyllë biznesin. “Jemi ankuar kudo, te Bashkia Kuçovë që na thotë se është bërë biznes i vogël.

IKMT e pezulloi disa muaj ndërsa AKM-ja na përgjigjet se janë në ristrukturim dhe nuk marrin dot masa” shtojnë banorët. Ata pohojnë se “kjo është me keq se Covidi”. Në momentin që banorët ankohen për punishten, në sfond dëgjohet një zhurmë e madhe, pasi në punishte janë të instaluara disa sharra të mëdha.

Pas ankesës, gazetarët shkojnë te punishtja dhe bisedojnë me pronarin dhe punëtorët. Një punonjës thotë se fillimisht kanë qenë të pezulluar disa muaj.

Pyetjes nëse biznesi ka apo jo leje mjedisore, thotë se “nuk kemi”, ndërsa aludojnë se ndoshta ka pasur subjekti që ka qenë në të njëjtin vend më përpara, por pa na treguar dokumente. Gazetarët e pyesin se si punojnë pa një leje mjedisore, pronari thotë se kanë filluar me një vendim prokurorie. Në fakt, vendimi i prokurorisë për të pushuar hetimet është vetëm për pluhurat dhe jo për zhurmat. Gazetarët e pyesin për zhurmën e madhe që krijojnë, ndërsa pronari dhe punonjësit u kthejnë përgjigje se “banorët të vendosin kufje”.

Fiksi bisedoi edhe me Drejtorin e Mjedisit në Bashkinë e Kuçovës, i cili tha se janë bërë disa inspektime, referime nga IKMT dhe nga Policia. Sipas tij, subjekti pretendon se pret më pak se 5 metër kub në ditë gurë dhe s’duan leje mjedisore.

Drejtori pohon se vendimmarrjen duhet ta marrë Agjencia Kombëtare e Mjedisit, por nga këta të fundit ka marrë një përgjigje se janë në ristrukturim dhe s’ka asnjë vendimmarrje. Gazetarët e pyesin drejtorin nëse biznesi do apo jo leje mjedisore për ndotje dhe zhurma dhe ai përgjigjet se “për mendimin tim po”.

COVID-19 në Shqipëri: 801 raste të reja dhe 15 humbje jetë në 24 orët e fundit. Shkon në 1,582 numri i viktimave që nga fillimi i pandemisë

17:36 Sociale

Anulimi i gjobës në KAS, reagon Veliaj: Gjobat ishin absurde, puna nuk mund të ndalet

16:35 Sociale

Niko Peleshi: FA pranë banorëve të prekur nga përmbytjet në zonën e Nënshkodrës, shpërndamë 35 ton koncentrat për bagëtitë në Dajç

15:59 Sociale

Denoncimi i LSI, KAS anulon gjobën e KQZ-së për Veliajn

15:48 Sociale

VIDEO/ Rama në Shtëpinë e të Moshuarve, takon gruan që kishte frikë nga vaksina dhe bën batuta: Të thanë që do vija unë dhe je veshur si nuse

12:08 Sociale

REPORTAZHI: Mbyllja e doganës së Kapshticës zhyt në krizë me dhjetëra biznese në Korçë

12:07 Sociale

Kushi: 710 studentë ekselentë të punësuar deri tani në administratën publike falë Paktit për Universitetin

11:30 Sociale

Gjykata holandeze rrëzon Becchetti-n, zhbllokohen zotërimet e Shqipërisë te kompania Shell

11:30 Sociale

“Me shëndet doktor”, Rama ndjek procesin e vaksinimit të bluzave të bardha në Shkodër. Manastirliu: Të enjten nis dhe në Vlorë

11:13 Sociale

Voltana bllokon stadiumin "Loro Boriçi", nis në Shkodër në pallatin e sportit "Qazim Dervishi" vaksinimi me Pfizer! Rama merr pjesë gjatë procesit të "imunizimit" të mjekëve

10:59 Sociale