Te fundit
Dy shpejtësitë tragjike të PD
9 Mars 2021, 13:35Blog
TEMA
Nga Frrok Çupi
Mbrëmë në mesnatë, Partia Demokratike mbërriti në pikën e ‘vlimit’; ishte momenti më i fundit kur brenda në trupin e ethshëm u përplasën shpejtësia e ulët dhe nxitimi, ballë përballë. Nxitimi për të plotësuar sa më shpejt listat për deputetët e ardhshëm- dhe ndërkohë- vonesa në dërgimin e emrave në KQZ. Si në një akt mortor, kur brenda familjes disa rendin për të kapur orën e shpallur; ndërsa të tjerë tentojnë ta mbajnë ‘edhe pak, edhe pak’ njeriun që nuk do të jetë më.
Partia Demokratike i dërgoi listat e kandidatëve 7 minuta pas orës 12.00 të natës. Në një akt kaq të fundit, brenda shtatë minutave, u shfaq gjithë tragjedia e dy shpejtësive brenda në Partinë Demokratike.
Cila ishte shpejtësia e lartë?
Kryetari legal i PD, Basha, prej kohësh ka hapur një derë të pasme në seli nga ku hyn e del për t’u fshehur jo vetëm nga gazetarët. Mbrëmë e përdori ‘tunelin’ ndërkohë që udhëheqësi i tij, Berisha, kishte humbur vigjilencën duke u ngulur në një ekran televizioni në tentativë për fshehur të vërtetën mbi listat. Në këtë copë kohe ndodhi shumëçka: U hoqën disa emra të lidhur ngushtë me Berishën dhe aktet e tij; u sajuan disa të rinj, njërin prej tyre as e kishin njoftuar se po e vinin në listë; u paketuan kandidatët dhe u dërguan në KQZ. Kush nxitonte kundër kujt. Në nxitim e sipër disa u lanë pa emër babai, ose pa ditëlindje, ose pa gjini…. Atëherë kthimi pas për në seli!- Ja kjo ishte vonesa ose ulja e shpejtësisë. Mëngjesi u hap i mugët për PD. Kush mund t’i besojë kësaj qenieje që edhe ditën e fundit nuk di ku ka emrin, ku ka byzylykët, ku ka rimelin dhe me cilin do të martohet. PD kishte tetë vjet në opozitë, 3 vjet malit jashtë Parlamentit, 30 vjet në luftë me të vetët.., dhe më në fund prapë me vonesë.
Dy shpejtësitë kanë qenë tragjike për vetë PD-në dhe për fatet e vendit gjatë tre dekadave.
Shpejtësia e fillimit për të fshirë veprën ‘socialiste’.
Kjo nisi menjëherë sa nisi kompozimi i Partisë Demokratike, në vitin 1991. Objektivi i parë i saj ishte eliminimi i veprave industriale, i fermave, i vreshtave, i ndërmarrjeve, i fabrikave…, gjithçka duhej fshirë. Nisi mbi gjithçka ishte ndërtuar gjatë pesë dekadave në vend, mbi 5000 vepra; ose u dogjën, ose u. Aktet e dhunës u mbështollën me një zarf ideologjik: ‘Të mos lihet më këmbë asgjë nga Partia e Punës’. Udhëtimi i llahtarshëm i rrënimit të ekonomisë vazhdoi me të njëjtën shpejtësi edhe në fushën e ligjeve: U ngrit Universiteti Juridik i Plepave me 6 muaj, u përpilua ligji 7501 që fundosi pronën e shqiptarëve edhe për dhjetë shekuj të tjerë.
Ja kështu nisi: Shpejt dhe ngadalë.
Shpejtësia e ‘kapitalizmit shqiptar’.
Edhe kjo ‘makinë’ i ndezi motorët në mars, por në marsin e vitit 1993. Një grua me emrin ‘Sude’ ngriti kompaninë e parë të mashtrimit financiar me moton ‘më jep dy lekë, të të kthej gjashtë’. Presidenti i Republikës inauguroi aktin ‘kapitalist’ në një mbrëmje Gala me ambasadorë e personalitete në hotel Dajti, duke e shpallur këtë si ‘kapitalizmi shqiptar’. Pas kësaj rendën disa të tjerë dhe ndërtuan skemën piramidale mashtruese ‘Ponzi’. Gjithçka u krye më një shpejtësi marramendëse: Shteti vetë lau paratë e grumbulluara në kontrabandë, individët shitën shtëpitë dhe i sollën në ferr, birra e gosti pa fund… Derisa vendi ra në gropën më të thellë, 1997. Aty PD kreu aktin e luftës së armatosur kundër popullit dhe aktin monstruoz të armatosjes së gjysmës së popullsisë kundër gjysmës tjetër. Këtu ndali ora e njeriut.
Shpejtësia për mbledhur gjithë qilimin e pushtetit.
Objekti ‘qilim’ më erdhi në kujtesë nga akti i ish presidentit Berisha që kur doli nga Presidenca mori me vete edhe qilimin e zyrës. Por Partia Demokratike është e vetmja gjë që nuk bëhet më-siç thonë disa dashamirës naiv ‘ta ribëjmë PD-në’ siç mund të ri thuret një qilim. Vetë PD nxiton kur ka si qëllim të bëjë ndonjë të keqe për vendin; dhe ndalon shpejtësinë në kohën kur vendit i duhet shpejtësi. U shpejtua për në Konferencën Islamike në vitin 1992, por i vuri shulin derës së OSBE dhe Amerikës. U nxitua për të dalë sa më shpejt nga Parlamenti në vitin 2019, por vuri gjithë pengesat kundër Reformës në Drejtësi dhe Amerikës. Dhjetë vjet më parë, në vitin 2009, PD u nxitua që të merrte zvarrë popullin e vet drejt qendrave të votimit në favor të 17 kullave që po ngriheshin nga dhëndëri i ish- kryeministrit në kompleksin Partizani me 150 milionë euro përfitim…Po të mos fitonte PD, kullat nuk bëheshin…. Pasi u mor malli, aty u ndal shpejtësia: U shkarkuan gjeneralët, u shty presidenti i vjetër, u kap presidenti i ri, u firmosën letrat, u krye krimi…, ja kjo ishte shpejtësia. Në gjithë jetën PD ka punuar për mirëqenien e liderit…
Herën e fundit, dmth., mbrëmë në mesnatë, ishin të gjithë të paqartë mbi shpejtësitë, secili për vete.
16 komente në “Dy shpejtësitë tragjike të PD”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
No comment. Brilliant
Fantastik si perhere, z Çupi.
Tani prit reagimet e kukudheve,Taulant e kompani.
Kjo eshte radiografia brilante e PD.
Te lumte! Ka nevoje ky popull se e ka memorien te shkurter.
Ku je bre dhenderi i sekretarit te Pare, ku je o Frrok kamunisti antikamunist. Te lumte bytha se mire e ke. Me gjej nje njeri qe ja ka pare sherrin servilizmit amator, jo me servilizmit profesionist sic je ti. E ke cuar ne perfeksion se ke nje jete qe e aplikon.
Ja ka pare soji yt I bythqireve.Aq u shtuar duke u ngrene shqiptareve dhe kockat saqe she amerika po heq te zinjte e ullirit per tju shfarosur.
Frrok Cupi je pene e madhe. Kam qeshur me vehten time me menyren si shkruan dhe krahason bemat e PD. Shkrim “shkatrues” per situaten reale ku ndodhet PD.
Jam I sigurte se nuk do te kuptojne, dhe shumica e komenteve do jene negative.
Nga ana ime: komplimente.
Shkrim shume I goditur!
Ok. me ju,Z. Çupi këto janë shpejtësitë antisens të asaj që quhet PD , veçse të promovosh në listat për rotacion politik S.B që gjithë jetën e tij ja ka kushtuar çështjes serbe si bir e dhëndër besnik i tyre është ku thërret qameti për shqiptarët me gjakun e të cileve kjo pjellë e ëndrrës çubrilloviciane nuk u nginj asnjëherë për 30 e kusur vjet turp.
Medi Gërdecin që republikanëve të të ndjerit Godo ju bëri m.. dhe me urdhër të bacës mori 26 jetë të pafajshme për interesa të nenit e të vetat turp.
Lulushin të cilit as bashkëshortja nuk e voton,pasi është hollandeze,dhe e ka për turp të quhet shqiptare,dhe që më 21 janar mori 4 jetë të pafajshme po me urdhër të bacës e për karrike e bacës,turp.
Dash Shehi tash 30 vjet deputet tu honger plonca e tu pi raki,aferim prap oshte ma i miri ,nuk është gjakpirës si baca e kompani.
Duken e krimit,Alla Klani i Zemunit ,punë Serbie i di mirë baca këto punë ai e ka pagëzuar,turp.
Ndok axhustatori pa problem,sa të jetë baca që e bëri ministër aty është,dhe në fund të listës mirë është,nuk ba zë ,bukë e kos do ai,turp.
Qirje Dule e z.Shpytim njeri do kufine në Shkumbin e tjetri në Selanik,ska problem për lulushin e bacën janë vëllezër siameze turp.
E çturpe të tjera të të them z. Çupi ,pa folur për të tjera ca janë pa Gjini,e ca pa atësi e memesi,thërret shqupi rrofsh parti,asgjë nga marsi 91 nuk ka ngelë sot tek ti.
Ata qe nuk kane gjinine ne lista duhet te jene gay se ata jane edhe meshkuj edhe femra.
Kurse saliu e mori qilimin se ishte me lesh dhie nga vicidoli kur ai ishte bari.
O Çuppppp ha ha mu…….
Je fantastik Çupi. I pa krahasueshëm me analistët gomerë që kanë kanalet televizive Shqiptare,janë vërtet të neveritshëm. Të admiroj shumë mënyrën se si analizon dhe shkruan për situatën. Je i pa përsëritshëm.
Ky shkrim eshte bijo nuk eshte me shiring.
FRROK CUPI bravo te qofte ky shkrim i juaj duhet te rije ne faqen e pare te gazetes Tema dhe mos te hiqet deri sa ky popull ti rrenjoset ne mendje se kushe eshte sali berisha dhe jo vetem por me kompanine e tije e shkateroj shqiperine.Ne 92 shin
Ramiz Alija i vari ujkut melcit, dhe ky ujk I babzitur filloj shkaterimin e vendit tone.nuk i haroje ato dite
kurr. Qe istaloj ne cdo qytet grup kreminelesh dhe legalizoj prostitucionin ne te gjitha qytetet e shume e shume bema te tjera qe do nje nate dimeri te tregosh poshtersirat e sali berisha kreminelit. Nuk e di qe ti
hedhesh vote kesej partije eshte krim kundera vetes, familjes, e shoqerie! sali berisha nuk ta fale dijegjen e shqiperise ne 97 ten sa te jem gjalle .Respekte pa fund FRROK CUPIT.
Kryevepèr Frok Cupi.Mendoji qè nuk mundet ta kuptojin tè gjith.
SUPER FRROK ÇUPI !!! BRLIANT dhe i MREKULLUESHËM FRROK ÇUPI ???????????????? RROFTË FRROK ÇUPI dhe e PAVDEKSHME qoftë PENA e tij e ARTË ???????????????????????
Frrok, je poeti i gazetarise
Te Uroj per vertesine fakteve qe sjell ,duhet publikuar ne te gjithe skajet me te thella te vendit tone te Bukur qe ta njohin i madh e i Ri ,qe Kur te jete para luride se votimit te shprehe urrejtjen Kunder berishes e Lei.