Te fundit
Nga Bjeshkët në veri, te kanionet në Labëri, ëndrrat tona s’përkojnë më me ato të Sali Berishës e Ilir Metës
19 Mars 2021, 22:33Blog
TEMA
Nga Alba Malltezi
Të themi të vërtetën. Cili shqiptar apo shqiptare e 2021 mund ta identifikojë veten apo të përfaqësohet nga stili Sali Berisha dhe Ilir Meta?
Me të parin, për shkak të cilësisë së gjuhës së përdorur, urrejtjes me shumicë, e sidomos shpifjeve dhe sajimeve aspak të denja për cilindo njeri të thjeshtë, komshi, koleg, tregtar, nëpunës, mik në facebooku apo një të panjohuri në rrugë, imagjinoni për një lider, drejtues partie, disa herë drejtues Shteti.
I dyti, gjithashtu, me kalimin e viteve, në vend që të grumbullonte një eksperiencë, dituri, maturi, ekuilibër, në vend që të bëhej si vera që përmirësohet me kalimin e viteve, po tregon përditë të kundërtën.
Por bota, përgjithësisht, ajo pjesë që nuk është e ndëshkuar nga vuajtjet e luftës, ecën përpara, përmirësohet. Po kështu edhe ne shqiptarët. Nuk jemi të dënuar të bëjmë ecjen mbrapsht.
Ja pra. Këta dy liderë politikë, sot janë kapur përdore dhe kërkojnë të kapin sa më shumë shqiptarë të bëjnë ecjen në të shkuarën, në atë që nuk duam ta përjetojmë më. Një popull që ka kaluar 50 vite dikaturë, që përjetoi emigrimin e dhimbshëm të ambasadave dhe të anijeve, nuk mund ta rinjohë sot vetveten tek dy liderë primitivë.
Italia anembanë, Greqia, Gjermania, Franca, Europa, SHBA dhe Kanadaja, përditë e më shumë, si një dallgë e padukshme, por realisht e prekshme, janë dëshmitarë të një integrimi mbresëlënës të shqiptarëve. Në Itali, jemi dëshmitarë: shqiptarët janë mjeshtër në ndërtime, në mirëmbajtje, nëpër piceri e restorante, mjekë e infermierë në spitale, studentë të shkëlqyer, përfaqësues elitarë në arte, mësimdhënie.
Kudo në Itali, nga Jugu në Veri, sheh evolucionin dhe revolucionin e madh të shqiptarëve. Nuk ka sektor të mos takosh bashkëatdhetarë dhe sa herë që ndodh fjalët e vendasve janë të jashtëzakonshme.
Atëherë, çfarë kërkojnë nga shqiptarët Sali Berisha dhe Ilir Meta? Si mund të kenë akoma kurajon të pretendojnë prej nesh të mos zhvillohemi, të mos evoluojmë, vetëm pse ata të dy, dukshëm, nuk janë zhvilluar.
Një popull që të ardhmen e sheh kaq të bukur, emocionuese aq sa janë prekëse malet e Bjeshkëve, kenionet e Labërisë, vallet me vibrimet me palat e fustanellës dhe toket mbi opinga. Gratë e burrat që bënë e qendisën xhubletën, pasardhësit e vëllezërve Frashëri, Cajupit, Fishtës, Konicës, Poradecit, Migjenit, Kutelit, Agollit, Kadaresë, si mund të frymëzohen nga ky Sali e ky Ilir demode’. Etika dhe estetika e tyre, tashmë, është e papranueshme.
7 komente në “Nga Bjeshkët në veri, te kanionet në Labëri, ëndrrat tona s’përkojnë më me ato të Sali Berishës e Ilir Metës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qytetare!
Eh, Drakula i Vicidolit kerkon gjak te ri.
Bersha dhe Meta kan mbledh grigjerine dhe GD dhe mendojn se ka qytetar qe do i votoje. KURRE KURRE KURRE
shume e vertete dhe shprese dhenese ajo qe ke shkruar.
Jo vetem sjellja ,veprimet prej rrugaci etja per pushtet e vjedhje e shtim i pasuris,percarja dhe luftenxitja tyre prej njerezish te eger por shikoni edhe ecjen e tyre qe akoma nuk kane mesuar por ecin si majmuna,si fshatar te rendomte.
Dhe prit te eci shoqeria nga keta neandertal qe po perpiqen te sjellin kanunin dhe ligjet e egra te arabis saudite nga keta kane origjinen
Ok. Jane primitiv.
E llogjikshme, e thjeshte, e qarte!
Shqipet ndaj berishe-metes qendrojne si Homo sapienset ndaj homo neadertalis!