Te fundit
Zgjedhjet, SPAK bën bilancin: Kemi marrë 33 denoncime
27 Prill 2021, 16:11Kronika
TEMA
Prokuroria e Posaçme kundër Korrupsionit dhe Krimit të Organizuar ka njoftuar sot se po hetohet të gjitha denoncimet që janë bërë lidhur me procesin zgjedhor. SPAK në një njoftim për mediat, siguron të gjithë denoncuesit se hetimet do të kryhen me përparësi, deri në sqarimin e plotë të rrethanave.
“Kushdo që ka të dhëna, fakte apo çdo gjë që mund të ndihmojë në sqarimin e rrethanave të fakteve të kallëzuara është i mirëpritur t’i paraqesë në Prokurorinë e Posaçme, duke i garantuar se do vlerësohen me seriozitetin e duhur dhe do i nënshtrohen hetimit të plotë“, shton struktura e posaçme.
Aktualisht në Prokurorinë e Posaçme janë në hetim 33 procedime penale, të cilët janë regjistruar: 27 procedime penale për veprën penale “Korrupsioni aktiv në zgjedhje”, parashikuar nga neni 328 Kodi Penal; 2 procedime penale për veprat penale “Korrupsioni aktiv në zgjedhje” dhe “Korrupsioni pasiv në zgjedhje”, parashikuar nga nenet 328 dhe 328/b Kodi Penal.
2 procedime penale për veprën penale “Përdorimi i funksionit publik për veprimtari politike ose zgjedhore”, parashikuar nga neni 328/a Kodi Penal. (E lidhur me subjekte në kompetencë të Prokurorisë së Posaçme); 1 procedim penal për veprat penale “Shpërdorim detyre” dhe “Korrupsioni aktiv në zgjedhje”, parashikuar nga nenet 248 dhe 328 Kodi Penal; 1 procedim penal për veprat penale “Korrupsioni aktiv në zgjedhje” dhe “Përhapja e sekreteve vetjake”, parashikuar nga nenet 328 dhe 122 Kodi Penal.
1 komente në “Zgjedhjet, SPAK bën bilancin: Kemi marrë 33 denoncime”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Asgje nu do reagoje SPAK qe nga fillimi qe eshte formuar dhe populli nuk ka shpese qe SPAK do te filloje t’i arrestoje te gjithe vrares,kriminel,hajdut sidomos politikane,kryetar komune,gjykates,prokuror,epror,doganier..,me kete para zgjedhjeve parlamentare ne Shqiperi te gjithe kandidatet te regjistruar per deputet te partive politike SPAK eshte deshte te verifikoje pergaditjen profesionale dhe biografine e cdo kandidati dhe nese ndonje kandidat per deputet do ishte i dyshimte dhe i akuzuar per vepra penale te mos lejoje te kandidoje si kandidat per deputet ne parlamentin e Shqiperise,sikurse ne SHBA para zgjedhjeve e kandidateve ne kongres,senat,president te SHBA-ve qe verifikohen nga organet perkatese ne pergaditjen profesionale dhe biografine e cdo kandidati me kete nese ndonje kandidat ka bere vepra kundervajtese sic eshte denim nga shpejtesia me veture ne kohe zgjatje 3 vite ai qytetar nuk mundet te kandidoje si kandidat per kongres,senat dhe president te SHBA-ve?!