Te fundit
FOTOT: Arrestohet “Konti i Zi”, pasardhësi i Papës me një të kaluar plot mister dhe krime
18 Qershor 2021, 09:45Lifestyle
TEMA
I pasur, pinjoll i një prej familjeve më aristokrate italiane, pasardhës i një pape. Por kjo nuk e ka penguar Ranieri Adami Piccolominin të cilësohet nga të gjithë, në Romë, si “konti i zi”.
Një histori, ajo e tij, që më shumë se me madhështinë e pushtetit dhe të dhjetëra pallateve historike dhe kështjellave që mbajnë emrin e familjes së tij, i ngjan skenarit të një filmi thriller.
Konti 48 vjeçar u arrestua ditën e djeshme nga forcat e ligjit italiane pasi iu gjet një pistoletë dhe tre karikatorë në trup teksa po shëtiste në Trastevere, një nga zonat më të populluara nga jeta e natës së kryeqytetit italian.
Policia u angazhua në masë nga sinjalizimi i motrës së Ranierit të tmerrshëm, që denoncoi vëllain që kishte vjedhur armën e babait. Duke ditur të kaluarën e tij, policia me të drejtë u alarmua.
Në vitin 2013, në të njëjtin vend, një pensionist 75-vjeçar pothuajse humbi jetën nga plagët që Piccolomini i dha me një armë të ftohtë, një “yll” katër cepash i përdorur nga ninxhat në Japoni. Pak minuta, më parë, edhe një person tjetër ishte sulmuar, për arsye krejtësisht të panjohura. Ndoshta, thjesht për lojë.
Por e kaluara e tij është edhe më e errët. Emri i aristokratit problematik del edhe si një nga të dyshuarit në një vrasje të ndodhur në 1996 në Viterbo, qytezë afër Romës ku banonte më parë. Një i ri 22 vjeçar, Paolo Segatori, u gjet i vdekur nga plagë arme të ftohtë. Piccolomini u akuzua, madje u arrestua fillimisht por më pas u gjykua si i pafajshëm. Por pasioni i tij patologjik për armët, i shtojnë dyshimet mbi “kontin e zi”, pasardhësin e papës Pio II, një nga papat më të rëndësishëm të kishës katolike.
Konti Ranieri Adami Piccolomini u arrestua nga forcat e ligjit italiane pasi iu gjet një pistoletë dhe tre karikatorë në trup teksa po shëtiste në Trastevere, një nga zonat më të populluara nga jeta e natës së
I pasur, pinjoll i një prej familjeve më aristokrate italiane, pasardhës i një pape. Por kjo nuk e ka penguar Piccolominin të cilësohet nga të gjithë, në Romë, si “konti i zi”
Në vitin 2013, në të njëjtin vend, një pensionist 75-vjeçar pothuajse humbi jetën nga plagët që Piccolomini i dha me një armë të ftohtë, një “yll” katër cepash i përdorur nga ninxhat në Japoni
Ai është pasardhës direkt i papës Pio II, një nga papat më të rëndësishëm të kishës katolike (1405-1464).
Një nga kështjellat e familjes Piccolomini, në Celano
3 komente në “FOTOT: Arrestohet “Konti i Zi”, pasardhësi i Papës me një të kaluar plot mister dhe krime”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I shkreti Pape. Edhe mbas 500 vjet vdekjeje gazetaret e lidhin ate me probleme te pasardhesve te tij!! Edhe pse per 500 vjet nje Zot e di sa e vertete eshte vijimsia e gjakut te tij.
i paska leshu pllumat ky. e ka myll qepenin.
Shume pak foto kni nxjerre nga 36 qe mund te jete minimumi per klikime.Ku shkoni me 5 foto????????????