Shkëlzen Berisha ‘magjistar’ parash, fitoi 432 mijë euro nga një apartament: Historia e dyshimtë që sfidon drejtësinë e re

Nga Adriatik Doçi

Shkëlzen Berisha, tashmë pjesë e listës së zezë së Shteteve të Bashkuara të Amerikës, sfidon edhe magjistarët për shumëfishimin e parave. I biri i ish-kryeministrit Sali Berisha ka fituar 432 mijë euro nga vetëm nga një apartament, në harkun kohor 2013-2916.

Historia është sa e pazakontë aq edhe sfiduese për drejtësinë. Në vitin 2013, Shkëlzen Berisha deklaron se ka blerë një apartament me vlerë 346 mijë euro tek ETC në Tiranë. Për të blerë këtë pasuri, thotë se ka marrë 277 mijë euro kredi me interes 6.5 % në vit, ndërsa 69 mijë euro i ka paguar nga një llogari e tij bankare.

Shkëlzen Berisha duket se ka gjetur menjëherë një qiramarrës, pasi vitin e blerjes së apartamentit, deklaron rreth 32 mijë euro nga qiraja. Në vitin 2014, deklaron 50 mijë euro nga dhënia me qira e apartamentit. Në vitin 2015 deklaron rreth 48 mijë euro nga qiraja.

Rreth 48 mijë euro deklaron edhe në vitin 2016, vit të cilin vendos të shesë apartamentin. Nga viti 2013 deri në vitin 2016, Shkëlzeni deklaron 178 mijë euro nga qiraja e apartamentit, një shifër kjo e pazakontë në raport me tregun imobilar në Shqipëri. Por, çudia nuk mbaron këtu.

Në vitin 2016, Shkëlzen Berisha e shet apartamentin për 600 mijë euro, duke fituar kështu 254 mijë euro me një lëvizje. Vlera e apartamentit të Shkëlzenit në një hark kohor prej 3 vitesh është rritur me rreth 70 %.

Ndërkaq, sipas një Raporti të Bankës së Shqipërisë për vrojtimin e tregut të pasurive të paluajtshme, çmimi i apartamenteve nga viti 2013 deri në vitin 2020, pra në hakun kohor të 7 viteve, është rritur me 48.6 %.

Shkëlzen Berisha ose e ka shitur apartamentin në 2016 me një çmim përtej realitetit të vlerës së tregut ose e ka blerë në 2013 me çmim më të ulët se sa vlera e tregut.

Nga viti 2013 deri në vitin 2016, Shkëlzen Berisha, ka fituar 432 mijë euro nga një apartament, duke përfshirë të ardhurat nga qiratë dhe shitjen me çmim rreth 70 % më të lartë se sa çmimi i blerjes.

Kjo lëvizje për shumëfishimin e parave krijon dyshime të forta për mundësinë e pastrimit të parave ose të favorizimit nga personazhe të lidhura me interesa të caktuara.

Të njëjtën skemë ka zbatuar edhe ish-kryeprokurori Adriatik Llalla për t’u pasuar. Llalla bleu deri në vitin 2017 rreth 25 mijë m2 tokë në rrethinat e Tiranës me vlerë 160 mijë euro.

Më pas e rivlerësoi tokën për 1 milionë euro. Gjykata Speciale ka pranuar një kërkesë të SPAK për sekuestrimin e pronave të Llallës.

Mbetet për t’u para nëse një standard të tillë SPAK do ta zbatojë edhe për të birin e ish-kryeministrit Sali Berisha, Shkëlzen Berisha, për të cilin shit-blerja e dyshimtë e apartamentit është vetëm nja nga format për t’u pasuruar. (Shqiptarja.com)

Çfarë fshihet pas sulmeve ndaj Dritan Lelit

17:17 Politika

Doli nga listat e PD, pas Dukës edhe Idrizi kundër Bashës: Në shtator do shkojmë në parlament pa asnjë dyshim

13:32 Politika

Hapet ankandi për ngritjen e parqeve eolike, Rama: Shqipëria, destinacion interesi për emrat më të mëdhenj në tregun e energjisë

13:21 Politika

"LSI parti e të rinjve", Kryemadhi lë jashtë Parlamentit, Mehmetajn: Zgjedh t'i japë mandatin të "riut" Tit Vasili me 362 vota

12:48 Politika

Bilanci i turpit: Si dështuan Spaho dhe Salianji në Korçë

12:04 Politika

Nënteksti: Kush do e ketë radhën pas Adriatik Llallës?

11:30 Politika

Fakti më i rëndë dhe dëshpërues nga 13 qershori për PD-në dhe pse kështu, nuk fitojmë dot kurrë ndaj Ramës

10:38 Politika

Qendra e PD-së, urdhër bazës për 25 prillin: Na thoni kush punoi kundër nesh

09:38 Politika

Geri Kokalari i dorëzon kongresmenit të SHBA, dosjen e Sali Berishës: Ju kanë keqinformuar njerëzit e “Vatrës”, ja provat që e gozhdojnë atë dhe familjen e tij

08:45 Politika

Jamarbër Malltezi vazhdon të gënjejë pa u përgjigjur 'Ku i gjeti paratë për të ndërtuar 17 kullat te Kompleksi Partizani'?

18:57 Politika