“Pendohem që nuk ia pashë fytyrën për herë të fundit”, nëna shqiptare vajton për humbjen e djalit në Britani

Një grua shqiptare, nënë e një djali të vrarë në Britaninë e Madhe ka treguar për momentin më të vështirë të jetës së saj kur mori vesh se fëmija e saj ka ndërruar jetë. Grineo Daka, 27-vjeç jetonte në Londrën lindore kur u qëllua me armë zjarri në orët e para të mëngjesit të 7 Korrikut të vitit 2019. Ai punonte si berber dhe u vra nga një bashkatdhetar i tij, Jeton Krasniqi, po ashtu 27 vjeç. Krasniqi është dënuar me burg të përjetshëm dhe minimumin e vuajtjes së dënimit për më shumë se 31 vite. Gjatë seancës që u dha dënimi kanë folur edhe prindërit e Grineos, Enima dhe George Daka, të cilët thanë se nuk ka asnjë dënim që do t’i lehtësojë atyre dhimbjen. Enima deklaroi se fajëson veten kur mori vesh se i kishte vdekur djali për shkak se “nuk i kishte dëgjuar zërin një natë më parë”.

“Erdhëm në Angli në vitin 2001 me djalin tonë 9-vjeçar për një jetë më të mirë dhe mundësi më të mëdha. Nuk kishim asgjë dhe nuk dinim asnjë fjalë anglisht. Dinim të punonim fort për t’i siguruar të ardhmen. Bëmë 2 ose 3 punë. Nuk pushova së punuari pasi doja që t’i jepja gjithçka. Ai ishte gëzimi ynë dhe na hiqte të gjitha dhimbjet dhe shqetësimet. Pëlqente muzikën dhe ndihmonte shokët. Dëshira e vetme e tij ishte të na shihte të lumtur. Më pati thënë se do kujdesej për ne dhe do të na siguronte gjithçka. E shihte që lodhesha shumë dhe më pati thënë se “do të vijë një ditë kur nuk do të punosh më dhe do të ta shpërblej të gjithë mundin”. Kishte pasion për përkujdesjen ndaj vetes dhe nisi të drejtonte një berberhane. Lodhja zhdukej teksa shihja që djali im arrinte të plotësonte ëndrrat e tij”, tha ajo.

Grineo ishte përfshirë në një sherr një ditë përpara vrasjes.  Në orët e para të ditës tjetër, ai shkoi me miqtë në klub kur mori një telefonatë. U ngjit në pjesën lart të barit ku po e priste Krasniqi së bashku me 3 persona të tjerë. Rreth orës 3 të mëngjesit nisi një sherr dhe u dëgjuan 4 të shtëna. Një prej plumbave e kapi Grineon në kurriz. 30 minuta më vonë, i riu shqiptar humbi jetën. Për shkak të kësaj ngjarje e ëma e të riu shqiptar ka thënë se ajo është një trup që ecën, por me një mendje të vdekur.

“Askush nuk mund të na përgatiste për atë ditë. Një grup shqiptarësh ia mori jetën djalit tonë. Askush nuk na përgatiti për këtë tragjedi. Ata ishin këtu për të njëjtën arsye si ne, për një jetë më të mirë. Shkaktuan dhimbje të tmerrshme për dy prindër. Ia morën jetën dhe nuk mundën që të përballeshin me të pasi e qëlluan nga kurrizi. Nuk do të ketë asnjë dënim që do të na e lehtësojë dhimbjen. Edhe nëse dënohen me 100 vite burg, kjo nuk e sjell djalin tonë mbrapsht. I vetmi gëzim që kemi është vizita te varri. Ai tha se nuk do na linte vetëm, madje edhe kur të niste një familje do të jetonim bashkë. Fajësoj veten se nuk ia dëgjova zërin një natë më parë. Nuk e pashë djalin derisa e varrosa. Pendohem që nuk ia pashë fytyrën për herë të fundit. Nuk ka asnjë mjekim që ta lehtëson këtë dhimbje. Kisha shumë ëndrra për djalin, por na i morën. Jam një trup që jetoj, por me mendjen bosh. E shikoj në ëndrra dhe e përqafoj. Humbëm një pjesë të zemrës që nuk do të zëvendësohet kurrë”, tha ajo.

Autori i vrasjes së të riut, qëndroi në arrati për më pak se një vit. Në lidhje me këtë ngjarje është dënuar edhe Edison Brahimi, 31 vjeç, me 28 muaj burg për pengim të drejtësisë pasi largoi Krasniqin nga vendi i ngjarjes. Me akuzën e vrasjes ishte akuzuar edhe Lindon Saliuka, por ai vdiq përpara se të niste gjyqi. Një person i katër është shpallur në kërkim ndërkohë që autoritetet po punojnë për kapjen e tij.

Dhunoi bashkëshorten, prangoset "trimi" i Fierit

12:02 Kronika

Pjerin Ndreu paditet nga 3 efektivë të Policisë, i pengoi gjatë shoqërimit të pronarit të një hoteli: Ligjin e bëj unë ketu

11:33 Kronika

Prokurori Karanxha kallëzon në SPAK Ben Blushin dhe anëtaren e KPK-së: Po më shantazhojnë për një gjyq

10:36 Kronika

Ironia fatale, 20-vjeçari "jetim" mund t'i shpëtonte vdekjes: Nga gëzimi shkoi një ditë para kohe në punë, sapo kishte mbaruar mbrëmjen e maturës

09:41 Kronika

VIDEO/ 29-vjeçari nga Tirana përsërit gabimin: E kap radari me 196 km/h

09:22 Kronika

Karamuço: Si u vodhën zëvendësministrat e Kosovës vjet në gusht kur flinin në vilat në Palasë!

23:37 Kronika

Gjyqtarja Atalanta Zeqiraj jep shpjegime për apartamentet e babait

19:47 Kronika

Çuçi përmendi lirimin e Edison Begajt, reagon Gjykata e Vlorës

18:51 Kronika

“Mos shpejto të arrish aksidentin!”, Policia Rrugore thellon aksionin pas ngjarjeve tragjike: Prangos 15 shoferë dhe pezullon mbi 60 patenta

16:29 Kronika

Përcillet për në banesën e fundit viktima më e pafajshme e masakrës së Velipojës

15:02 Kronika