Rusia teston nëndetësen më të madhe të 30 viteve të fundit

Rusia ka testuar për herë të parë një nëndetëse gjigante të re bërthamore në ujëra të hapura, vetëm disa ditë pas një bllokimi të tensionuar në Detin e Zi me Britaninë.

‘Belgorod’, që besohet të jetë nëndetësja më e madhe në botë e prodhuar në 30 vjetët e fundit, u testua në Detin e Bardhë gjatë fundjavës, bënë të ditur mediat shtetërore ruse, të cilave u referohet “The Telegraph“.

Pasi të miratohet për përdorim, prej saj do të mund të lëshohen raketa interkontinentale ‘Poseidon’.

Ajo do të shërbejë edhe si bartëse e nëndetëseve më të vogla, të zhytura në thellësi me krahë robotikë, që mund të presin kabllot që ndodhen në shtratin e detit.

Marina Detare Mbretërore njoftoi në fillim të këtij viti se do të vendoste një anije spiune për të parandaluar që nëndetëse të tilla të sabotojnë internetin e Britanisë përmes taktikave të tilla.

Parametrat e saktë të Belgorod nuk janë bërë të ditur, por është e sigurt se pas testeve do t’I dorëzohet shtetit rus në fund të vitit 2021.

Burime pranë Ministrisë së Mbrojtjes u kanë thënë mediave ruse se nëndetësja do të shërbejë në Flotën e Paqësorit.

Por në Perëndim ka shqetësime se nëndetësja mund të vendoset në Arktik dhe Atlantikun e Veriut, ku Moska ka rritur ndjeshëm aktivitetin e saj të nëndetëseve vitet e fundit.

Muajin e kaluar, sekretari i Mbrojtjes, Ben Wallace, i tha gazetës “Telegraph” se Moska mbetet “kërcënimi numër një” i Britanisë, ujërat e të cilës janë vizituar rregullisht nga anijet ruse.

Që prej vitit 2013, mjetet ujore ruse janë zbuluar nga Britania në më shumë se 150 raste.

Testimi i Belgorod vjen vetëm disa ditë pas një konfrontimi ruso-britanik në Detin e Zi, kur një mjet i Marinës Mbretërore kaloi nëpër ujërat e një zone që Rusia e ka pretenduar si të vetën që nga aneksimi i Krimesë në 2014. Ndërkohë, Britania ende e njeh atë si territor ukrainas. Rusia tha se gjuajti në shenjë paralajmërimi dhe hodhi bomba afër anijes, një pretendim ky që u kundërshtua nga Downing Street.

Pse Izraeli po përplaset me Poloninë për pronat hebreje

21:55 Bota

Presidenti çek mbron kryeministrin hungarez dhe i quan transgjinorët të neveritshëm

21:45 Bota

Në gjurmët e një krimi kundër njerëzimit, si u zbulua gjithçka nga masakra vetëm prej një videoje disa minutëshe

22:05 Bota

I nxehti “përcëllon” Kanadanë, termometri shënon temperaturën më të lartë në 80 vite

20:31 Bota

"Luftë" me Erdogan: Kryebashkiaku i Stambollit zotohet të ndalojë projektin e Kanalit të Stambollit

20:20 Bota

Incidenti i Krimesë, tregon limitet e angazhimit diplomatik me Vladimir Putinin

18:40 Bota

SHBA bombardon bazat e militantëve në kufirin mes Irakut dhe Sirisë

17:56 Bota

Qasja me “dy fytyra”, tani BE kërkon të mos pranohen të vaksinuarit me Sputnik dhe Sinovac

17:17 Bota

COVID-19, Merkel: Të mënjanojmë mbylljen e kufijve të BE-së

16:06 Bota

Afrika e Jugut drejt një vale të re më të ashpër të Covid-it

15:43 Bota