Jo vetëm armatime, Rusia trajnon policët e Serbisë

Ministri i Punëve të Brendshme i Serbisë, Aleksandar Vulin, dhe ambasadori i Rusisë në Beograd, Aleksandar Bocan Harchenko, ranë dakord të hënën që të vazhdojnë trajnimin e policëve serbë në institucionet e arsimit të lartë rus.

Trajnimi do të përqendrohet në luftën kundër terrorizmit, krimit të organizuar dhe të teknologjisë së lartë, trafikut të paligjshëm të drogës, si dhe në fushën e situatave emergjente, njoftoi Ministria e Punëve të Brendshme e Serbisë.

Më parë, Vulin ka paralajmëruar edhe një stërvitje të përbashkët anti-terroriste të njësive speciale të Serbisë dhe Rusisë, që do të mbahet në vjeshtë.

Në muajin maj, Vulin ka vizituar bazën e Gardës Kombëtare të Federatës Ruse, të njohur si Rosgvardiya.

Atëbotë, ai ka thënë se Serbia “po realizon bashkëpunim të mirë me të gjitha shërbimet e sigurisë të Federatës Ruse”.

Rosgvardiya, sipas informacioneve në ueb-faqen e saj, është themeluar në prill të vitit 2016, me dekretin e presidentit rus, Vladimir Putin.

Rosgvardiya është nën kontrollin e drejtpërdrejtë të Putinit.

Serbia bashkëpunon me Rusinë në fushat e sigurisë dhe mbrojtjes dhe mban lidhje të ngushta me të, përkundër kërkesave të Bashkimit Evropian që Serbia – si vend kandidat për anëtarësim në BE – të harmonizojë politikën e saj të jashtme me politikën e bllokut.

Bashkimi Evropian ka vendosur sanksione ndaj Rusisë, pasi kjo e fundit ka aneksuar Gadishullin ukrainas të Krimesë në vitin 2014.

Serbia nuk u është bashkuar këtyre sanksioneve.

Kosova dhe Serbia, takime në Bruksel më 6 dhe 7 korrik

13:45 Rajoni

Senatorja amerikane paralajmëron për rritjen e ndikimit rus në Ballkan

13:01 Rajoni

Përplasje shqiptarësh në Halkidiki: Ç’ndodhi në një kafene në plazhin e njohur grek

11:48 Rajoni

Palmer: Kosova duhet të ketë argumente para se të ngrejë padi për gjenocid ndaj Serbisë

09:42 Rajoni

FOTOT: Pamje apokaliptike nga Qipro, zjarret më shkatërruese në histori

20:00 Rajoni

Kryetari i ri i PDK, Memli Krasniqi e nis nga Prekazi i të rënëve për liri

19:29 Rajoni

Covid-19 në Kosovë: Një i vdekur dhe nëntë raste në 24 orët e fundit

16:19 Rajoni

Zbulohet shkaku i vdekjes së turistes franceze që u gjet e vdekur në Greqi

14:25 Rajoni

FOTOT: “Autostrada për askund” që fut Malin e Zi në borxh, Kina mund të marrë tokë nga vendi fqinj

11:49 Rajoni

Gjukanoviç: BE duhet të fillojë pa vonesë negociatat me Maqedoninë dhe Shqipërinë

11:00 Rajoni