Ndryshmet në statut: Nga vula e partisë, tek këshilltarët bashkiakë, Basha blindon veten në PD. Ikën edhe Nishani nga drejtimi i Këshillit

Komisioni për ndryshimet statutore (i përbërë nga 9 anëtarë) ka tre javë që është ngritur në PD, por vetëm të enjten, (dy ditë para Kuvendit) kryesia e partisë më të madhe në opozitë do t’i marrë në shqyrtim propozimet e saj.

Më saktë, propozimet e kryetarit të PD-së, Lulzim Basha, që formalisht i ka depozituar pranë këtij komisioni për mendim.

Lulzim Basha bën me dije në një dosje 15 faqesh se ka propozuar 11 ndryshime në statutin aktual të partisë me qëllim zgjerimin e  konceptit të demokracisë së brendshme në parti.

Megjithatë, nisur nga një vëzhgim i Gazeta “Si” për çdo ndryshim të propozuar nga ai, vihet re se në gjithë atë paketë ndryshimesh, Basha ka forcuar kompetencat në parti duke kaluar nga dora e tij deri edhe lista e këshilltarëve bashkiakë të PD-së.

Gjithçka në funksionimin dhe kontrollin e partisë në qendër dhe degë do të kalojë përmes emërimit të njerëzve nga vetë ai.

Për herë të parë Basha propozon gjithashtu që rregullat për ruajtjen dhe përdorimin e vulës së partisë të përcaktohen me urdhër të tij dhe jo më me vendim të kryesisë së partisë

Kryesia e PD nuk do të miratojë më me udhëzim as rregullat për realizimin e procedurës së përzgjedhjes, konsultimit dhe seleksionimit të kandidaturave për Kuvendin e Shqipërisë. Kandidaturat do të përzgjidhen dhe seleksionohen në bashkëpunim dhe konsultim aktiv me anëtarët e PDSH-së (siç është edhe në statutin aktual), porse pas këtij procesi nuk futet më në lojë kryesia për udhëzime, por direkt kryetari i partisë i cili i propozon listën Kryesisë së PD që vendos listën përfundimtare të kandidaturave elektorale dhe më pas i paraqitet për miratim Këshillit Kombëtar.

Në propozimet për ndryshimet në statut, Basha ka saktësuar edhe një tjetër pikë kompetence për të.

Pas konsultimit me anëtarësinë, kandidaturat për organet ekzekutive të pushtetit vendor do të propozohen nga kryetari i partisë caktohet nga kryesia dhe lista më pas do miratohet nga Këshilli Kombëtar

Përjashtimisht për bashkitë qendër qarku lista e këshilltarëve propozohet nga kryesia e degës dhe nuk do të miratohet më nga kryesia sipas statutit aktual por nga kryetari i partisë.

Basha ka shtuar si strukture vendore të partisë edhe Këshillin Koordinues të Qarkut, që drejtohet nga Drejtues Politik i Qarkut, që do të emërohet nga vetë ai.

Në përbërje të Këshillit do të jetë kryetari dhe sekretari i degës deputetët, si dhe koordinatorët përgjegjës për detyra specifike që edhe këta të fundit do të emërohen nga kryetari i partisë me propozim të drejtuesit të qarkut.

Këshilli duhet të mblidhet një herë në muaj dhe duhet të raportojë tek Sekretari  i Përgjithshëm çdo tre muaj

Koordinimi i veprimtarive politike dhe organizatave të degëve të PD-së në nivel qarku si dhe rregullat për drejtimin organizimin dhe zhvillimin e fushatave elektorale për zgjedhjet e përgjithshme dhe ato vendore do të përcaktohen rast pas rasti po me udhëzim të kryetarit të partisë.

Basha do të ketë gjithashtu të drejtën për t’i bërë kërkesa dhe propozime konkrete Kuvendit Kombëtar (ashtu si edhe kryesia dhe Këshilli Kombëtar) për çështje që janë në kompetence të Kuvendit  përveç rasteve që statuti parashikon ndryshe.

Ndryshe nga statuti aktual, kryetari i partisë do të ketë gjithashtu të drejtën që t’i propozojë Kuvendit Kombëtar listën e kandidatëve për Këshill Kombëtar

Me mbledhjen më të parë të Këshillit të ri Kombëtar, Bujar Nishani, kryetar aktual i Këshillit nuk do të jetë më i tillë.

Lulzim Basha ka propozuar që Këshilli Kombëtar të drejtohet nga kryetari i këshillit që zgjidhet në mbledhjen e parë të konstituimit të këtij këshilli mes të paktën dy kandidaturave alternative. Statuti aktual nuk i përfshin kandidaturat alternative dhe kishte të përcaktuar mandatin e kryetarit të Këshillit

Ndryshe nga statuti aktual, Basha ka hequr pikën ku një nga nënkryetarët aktuale të partisë të jetë automatikisht edhe kryetari i grupit.

Ndërkohë Basha nuk ka prekur nenin për kryetarin e partisë ku flitet vetëm për mënyrën e zgjedhjes por jo për mandatin e tij. (SI)

Ndahet nga jeta shkrimtari Uran Kostreci/ Kreu i shoqatës së ish-të përndjekurve: Legjenda e qendresës antikomuniste

18:03 Politika

Mark Marku: Unë s’jam mësuar me gjuhën mushkë të politikanit, por mos prisni ndonjë gjë të madhe në shtator

17:44 Politika

Nga SPAK tek institucionet e drejtësisë së re: Si po i përgjigjen kërkesave të publikut

16:54 Politika

Genc Pollo ultimatum Bashës: Të këkojë ndjesë për bojkotin e zgjedhjeve lokale dhe djegien e mandateve, vendimet e tij ishin katastrofë për PD

16:07 Politika

Shifra rekord: Në 10 vite 207 mijë shqiptarë kanë aplikuar për azil

14:50 Politika

“Plas në verë, ngrin në dimër”- Efektivët e Policisë tregojnë peripecitë me uniformat 2800 euroshe: S’i lajmë dot në lavatriçe, u del boja

12:00 Politika

Tenderi abuziv në Ministrinë e Brendshme, kush ishte inxhinierja që nuk pranoi të firmoste! Aurora Mulla tregon gjithçka

11:19 Politika

Skema “Babale”: Tentativa për të dështuar hetimet e SPAK

10:17 Politika

Historia tragjike e besnikut të Mbretit Zog, letra për të shoqen: Nuk më vjen keq që po vdes...

09:25 Politika

ANALIZA: Krahasimi i votave PS-PD qysh prej 2009, dhe pse PS vijon të mbetet beteja më e vështirë për të djathtën

18:37 Politika