"Shpërthen" kryetarja e FRPD: S'u njoftova për emrin tim në listën e KK sepse nuk u lëpiva si të tjerët, më mirë mes rrugës sesa mes plehrave

Kryetarja e FRPD-së në Korçë dhe kandidatja për deputete më 25 Prill, Soela Myrtollari ka hedhur kritika ndaj të forta ndaj lidershipit demokrat, teksa lë të nënkuptohet se nuk do të jetë më pjesë aktive e forumeve të kësaj force politike.

Në një postim në rrjetet sociale, Myrtollari shkruan se edhe pse emri i saj është në listën e kandidatëve për anëtarë të Këshillit Kombëtar, ajo nuk ka marrë asnjë njoftim nga PD për këtë gjë.

Ajo shprehet se mbajti forumin rinor të qytetit juglindor në vitet më të vështira të PD-së, nuk u vlerësua kurrë për për këtë dhe shton më tej se “kërpudha që mezi po ju mësojmë emrin, vijnë e bëjnë rolin e BOSS-it”. Kryetarja e FRPD-së Korçë shkruan më tej se në Partinë Demokratike mësoi intrigat dhe dashakeqësinë për shoku-shokun.

“Ata pa pikë kontributi po marin “karriket”, edhe pse në opozitë, të etur për të shfrytëzuar në maksimum ideologjinë e të mirat tënde, PD-ja ime. Ata ditën të “lëpiheshin” e të ndronin maska pafund atje ku duhej.” shkruan më tej Myrtollari.

Ajo shkruan se sërish do jetë bija e PD-së edhe pse jashtë shtëpisë dhe sipas saj, më mirë në mes të rrugës, sesa në mes të plehrave.

Reagimi i plotë:

“Më mirë në mes të rrugës, sesa në mes të plehrave!”-ma pati thënë në 2013 këtë fjalë një mik, ish i përndjekur politik, aderues i flaktë në radhët e PD që në fillimet e demokracisë.

E unë, në atë kohë akoma “ftujkë” me ideale të pastra dhe plot energji dhe dëshirë për të qënë pjesë aktive e PD, ju mërzita dhe nuk i flas akoma e sot!

Më fal o mik, që nuk të kuptova. Sot ndihem unë njësoj si ti atëhere.

Edhe pse emri im qënka në listën e Këshillit Kombëtar, nuk kam marrë asnjë njoftim nga PD as për datën e as për gjë.

Edhe pse mbajta forumin në vitet më të vështira për PD (ti mbushësh mendjen të rinjve të vijnë në një parti opozitare, të punojnë në ndihmë të strukturave, në një qytet si Korça, pa ju ofruar asgjë përveç mbështetjes personale, nuk është fare e lehtë. Të organizosh aktivitete çdo muaj pa pasur asnjë të ardhur përveç ndihmës familjare, nuk është fare e lehte.)

Nuk u vlerësova kurrë as për mundin, as për kohën, as për anën financiare, as për imazhin tim! Kërpudha që mezi po ju mësojmë emrin, vijnë e bëjnë rolin e BOSS-it.

Fatkeqësisht, në PD mësova intrigat dhe dashakeqësinë për shoku-shokun (edhe këto duhen në jetë, faleminderit).
Sot unë nuk ndihem thjesht një demokrate, partia e së cilës humbi prapë zgjedhjet. Jo…sot une ndihem si një fëmijë i vogël të cilit po i thonë se Babagjyshi nuk egziston! Një fëmijë i cili duhet të mbajë përgjegjësi nëse nuk zgjedh të bëhet pjesë e klaneve të ndyra. Se i duhet të luftojë për të jetuar, e nëse nuk do jetë i aftë të shtypë… atëherë do e shtypin!

Kjo ndodhi fatkeqësisht, ata pa pikë kontributi po marin “karriket”, edhe pse në opozitë, të etur për të shfrytëzuar në maksimum ideologjinë e të mirat tënde, PD-ja ime.

Ata ditën të “lëpiheshin” e të ndronin maska pafund atje ku duhej.

Kurse unë kurrë nuk të kerkova asgjë(edhe kur kishe mundësi të më jepje) sepse të dua ty, jo ato që mund të japësh ti.
Faleminderit PD që më mësove të besoj në fuqitë dhe vlerat e mia! Më vjen keq që të dhashë ç’kisha e nuk u kënaqe!
Mbase do kënaqesh nga antivlerat!

Unë përsëri do jem bija jote, e lënë jashtë shtëpisë!

Më mirë në mes të rrugës, sesa në mes të plehrave!

P.s: Falenderoj nga zemra gjithë të rinjtë me të cilët pata mundësinë të punoja në kaq vite. Gjithë ata demokratë pa hile që më janë gjendur pranë me këshilla dhe kritika. Gjithë ata njerëz që besuan në vlerat e mia.

Ju falenderoj nga zemra! Humba besimin diku, por fitova miq si ju! Ju dua shumë

Belind Këlliçi: Rama nuk ndërtoi asnjë shtëpi të dëmtuar nga tërmeti dhe unë jam dëshmitar, ne jemi një vend afrikan

16:30 Politika

Rritja e rasteve me COVID, vala tjetër e pandemisë godet Shqipërinë në tetor

15:59 Politika

Mark Marku në Kuvendin Kombëtar: Nevojitet transformim, ndryshe do bëjmë prap viktimën

15:37 Politika

Grida Duma: Një militant i PD më vuri në siklet, s'i thosha dot që i kemi dy kriminelë në parti dreqi ta hajë për të marrë pushtetin

15:28 Politika

Kuvendi i PD, Mark Marku kritika të ashpra: Jemi në pikën më kritike, rrezikojmë të mbetemi në opozitë edhe pas katër vitesh! 4 propozimet e Bashës janë kot

15:23 Politika

FOTOT: "Gaz dhe hare në PD", të gjithë plot buzëqeshje duke festuar... "fitoren"

14:50 Politika

"Beteja tani fillon", Basha flet pas votimit në Kuvendin Kombëtar: Do luftojmë çdo ditë për shqiptarët

14:31 Politika

“Mezi po pres”, ish-kryeministri Berisha i sigurt që do të shkojë si deputet në Kuvend

14:00 Politika

Sali Berisha thirrje demokratëve: S'duhet të jeni të dëshpëruar, ta përmbysim sa më shpejt Ramën siç bëmë me Enverin

13:55 Politika

Ndërtohet “ora” e sistemit imunitar, që parashikon sëmundjet dhe vdekshmërinë

13:46 Politika