Te fundit
Varianti Delta në Shqipëri, rritet numri i të shtruarve në Infektiv, regjistrohen 274 raste të reja
12 Gusht 2021, 17:20Sociale
TEMA
Vijojnë shifrat e larta të infektimeve me Covid në vend, për shkak të përhapjes së variantit ‘Delta’. Ministria e Shëndetësisë raporton se 274 qytetarë kanë rezultuar pozitiv me Covid, ndërsa nuk ka humbur jetën asnjë i infektuar.
Ndërkaq në spitalin infektiv ndodhen 37 të shtruar, ndërsa gjatë 24 orëve të fundit betejën me Covid e kanë fituar 46 qytetarë, duke e çuar numrin e të shëruarve në 130,549 që nga fillimi i epidemisë.
Njoftimi i MSH:
Muaji Gusht do të jetë i hapur për vaksinimit antiCOVID për çdo qytetar +18 vjeç, ndaj Ministria e Shëndetësisë i bën sërish apel qytetarëve të vaksinohen sa në parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon:
Janë kryer 4,799 testime, nga të cilat kanë rezultuar pozitivë me Covid19, 274 qytetarë, në këto bashki: 112 Tiranë, 17 raste në Fier, Elbasan, 16 raste në Shkodër, 15 raste në Vlorë, 14 raste në Lushnje, Gjirokastër, 9 Malësi e Madhe, 7 raste në Kurbin, 6 raste në Sarandë, 5 raste Vau i Dejës, 4 raste në Lezhë, Durrës, Kavajë, 3 raste në Has, Krujë, Kamëz, Përmet, Tepelenë, 2 raste në Kukës, Mat, Konispol, 1 rast në Tropojë, Mallakastër, Himarë, Korçë, Devoll, Berat, Kuçovë, Poliçan, Peqin.
Aktualisht janë 1,752 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 37 pacientë. Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 46 qytetarë gjatë 24 orëve të fundit, duke e çuar numrin e të shëruarve në 130,549 që nga fillimi i epidemisë.
Statistika (12 Gusht 2021)
Raste të reja ditore 274
Të shëruar në 24 orë 46
Të shtruar në spitale 37
Humbje jete në 24 orë 0
Testime ditore 4799
Testime totale 947,527
Raste pozitive 134,761
Raste të shëruara 130,549
Raste Aktive 1,752
Humbje jete 2,460
Shpërndarja gjeografike e rasteve aktive sipas qarqeve:
Tiranë 645
Shkodër 249
Vlorë 163
Elbasan 148
Fier 172
Lezhë 95
Durrës 90
Berat 44
Kukës 38
Gjirokastër 56
Korçë 37
Dibër 15
Lini një Përgjigje
Më të lexuarat
24 oret e fundit
Javen e fundit
Blog Tema
