Te fundit
Vrasja në Vlorë: Autori i dyshuar sapo kishte dalë nga burgu, shkak i krimit borxhet e drogës
25 Gusht 2021, 12:01Kronika
TEMA
Të tjera detaje janë zbuluar nga vrasja e 25-vjeçarit Xhuljan Bullari në Babicë të Vlorës më 20 Gusht.
Pas arrestimit të autorit të dyshuar Bledar Selmanajt 39 vjeç, raportohet se ngjarja mund të ketë ndodhur pas konflikteve për çështje droge.
Viktima Xhuljan Bullari dhe Bledar Selmanaj, të cilët kishin njohje të mëparshme, ishin nisur nga Tirana drejt Vlorës. Hetuesit kanë dyshime se aty do të merreshin me çështje që kanë të bëjnë me lëndët narkotike.
Gazeta ka mësuar nga burime policore se viktima i kishte borxh një shumë parash autorit të dyshuar.
Ky borxh ka bërë që konflikti mes tyre të thellohet. Gjatë debatit mes tyre brenda makinës, autori e qëlloi 25-vjeçarin Bullari me pistoletë duke e lënë të vdekur në vend. Një plumb e kishte prekur në kokë.
39-vjeçari Bledar Selmanaj, i dyshuar si autor i vrasjes, është person me precedent të mëparshëm penal. Së fundmi, ai kishte dalë nga burgu në datën 5 Gusht pasi ka qenë i dënuar për trafikim të lëndëve narkotike.
1 komente në “Vrasja në Vlorë: Autori i dyshuar sapo kishte dalë nga burgu, shkak i krimit borxhet e drogës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
xhuliano Bullari ishte djal shume i mire, mjer ai qe u mbulua ne dhe, kaq i ri, ndersa autori hajdut specifik. Xhuljano nuk ishte shoku i Bledar Selmanajt, ishte ndryshe. U prehft ne paqe shpirti i tij, ngushellime familjes.