Te fundit
Familja Berisha, presion Bashës: Zgjidh, ose ne, ose Yuri Kim. S’ka më as mish, as peshk
7 Shtator 2021, 10:56Politika
TEMA
Sali Berisha e kërcënoi personalisht Lulzim Bashën në daljen e tij të fundit mediatike, nëse e përjashton nga partia, duke i kujtuar influencën që ka në PD.
Ndërsa punonjësi mediatik i familjes Berisha, Çim Peka, na një shënim editorial në portalin e financuar nga Shkëlzen Berisha, i bën thirrje Bashës të zgjedhë krahun e kujt do të mbajë, atë të Berishës, apo të ambasadores amerikane Yuri Kim.
Editoriali i portalit të familjes Berisha
Fillimi i këtij sezoni politik na shpalosi dy panorama të partive më të mëdha në Shqipëri; PS-së dhe PD-së.
Nëse te e para Edi Rama përfundimisht e hoqi edhe cipën e fundit të demokracisë së brendshme dhe të kolegjialitetit, duke arritur që të emërojë e ç`gradojë në poste partiake dhe qeveritare njerëz pa i pyetur e vënë edhe ata vetë në dijeni, te PD situata duket pak më ndryshe.
Në Kuvendin e fundit të Partisë Demokratike, Lulzim Basha, mbajti një fjalim dhe hodhi disa teza mjaft të rëndësishme.
Mes tyre ajo që bëri më shumë bujë ishte shpalosja e planit për të ndryshuar Kushtetutën e vitit 2008 në pjesën e sistemit politik-zgjedhor, të bërë nga Rama e Berisha.
Ky plan realizohet vetëm me një shumicë absolute parlamentare, që do të thotë bashkëpunim PD-PS.
Nuk e ka kritikuar njeri për këtë, përveçse për faktin e mungesës së transparencës; A është marrë vesh paraprakisht me Ramën, për këtë projekt?!
Natyrisht që pas zhvillimeve të fundit dhe zgjedhjeve brenda PD-së pati të pakënaqur, por kjo nuk u shoqërua me kokë-ulje dhe heshtje totale siç po ndodh në PS-në e Ramës.
Ka brenda PD-së zëra të rëndësishëm, jo vetëm si ish-presidenti Bujar Nishani, që folën e vazhdojnë të artikulohen fortë.
U kritikua kryetari Basha dhe vazhdon që të sulmohet në media e në rrjet nga pesha të rënda historike të Partisë Demokratike, edhe pse kjo nuk e shpëlan krejtësisht atë nga disa vendime, emërime dhe veprime jo bashkuese.
Gjithsesi ndryshe nga Rama që i ka të gjithë gërvishtësit e pakënaqur të kapur me dosje dhe nën thundër, Basha e ka lënë me dëshirë, detyrim apo për mungesë guximi, një litar jashtë…
E ky litar, i cili duhet prerë sa më shpejtë është çështja “Berisha non grata”, e debati mbi të.
A duhet të jetë Sali Berisha në parlament në datën 10, e më tej; a duhet të jetë pjesë e grupit parlamentar të partisë që themeloi 30 vite më pare?
Vetë Berisha e ka të qartë dhe të vendosur se çfarë do të bëjë: Edhe sikur një të mbetet në atë parti, ai do të jetë aty.
Por duket se nuk është i qartë, ose më saktë i vendosur për një qëndrim prej lideri, kryetari i partisë.
Si pasojë, një tollovi e madhe e ka pështjelluar anëtarësinë dhe votuesit e shumtë të PD-së.
Heshtja dhe qëndrimi “as mish e as peshk” i tij për “çështjen Berisha”, në plan të parë duket si një zgjidhje shpëtuese për atë personalisht.
Por nuk mund të jetë kështu pafundësisht.
Basha e di shumë mirë se çfarë përfaqëson Berisha jo vetëm historikisht por edhe aktualisht në terren, e në sensibilitetin e qindra-mijë demokratëve e më tej.
Nga ana tjetër presioni i ambasadores së SHBA në Tiranë, duket se nuk është ulur.
Tani jemi në një situatë kur Basha është ulur në restorantin e zonjës Kim ku shërbehet vetëm mish, peshk, ose bar.
Kryetari i PD ka ca kohë që e mban kamerierin në këmbë dhe kërkon që të hajë pjatën; “as mish e as peshk”!
Por kjo nuk bëhet dhe ora që restoranti të mbyllet po afron. Ai e di ku është futur dhe ka pranuar që të hajë një vakt, ndaj duhet të vendosë.
Të zgjedhë mes detyrim përcaktimit të menusë së zonjës Kim, ose të largohet dhe të bëjë atë që ndien, mendon dhe ja kërkon shumica apo fryma e partisë.
Ky është një shans i madh, një mënyrë për të riformatuar lidershipin dhe integritetin e tij personal e politik.
Por mbi të gjitha është një borxh dhe një “detyrim- përcaktim” që ka ndaj qindra-mijë demokratëve dhe jo ndaj pronares së restorantit ku po qëndron; “as mish, e as peshk”!
6 komente në “Familja Berisha, presion Bashës: Zgjidh, ose ne, ose Yuri Kim. S’ka më as mish, as peshk”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Qim Maxhun Peka!
I ke bere fertele armiqte e jashtem te PARTISE.
Forca se po afron ora e kobit per ZOMBIN Berisha dhe familjen e perçudnuar te tij.
Lereni ne heshtjen e tij dhe e zgjidhe vete pa detyrim percaktim
Më duket se Basha do zgjedhë nga Menuja e Restorantit të hajë pjatën me BAR dhe do mar dhe një racion të paketuar pëe PD- ën
Ju bëft mirë dreka që do hani….
Ik e rruju ti KAR trrorist se na gervishte xhamin e celulari
S’kemi frike nga era ,s’kemi frike nga shiu. Jemi rrace e forte rrace arixhiu.
Cfare eshte ky dalkauku Cim Peka? Kush ky legen qe merr neper goje ne kete fare menyre zonjen Kim?