Te fundit
Shtrenjtohet jetesa në Shqipëri: U rritën çmimet e ushqimeve, nafta, qiratë, faturat e ujit dhe dritave
9 Shtator 2021, 20:20Sociale
TEMA
Shqiptarët po përballen me një rritje të shpejtë të ushqimeve. Atë që po ndodh tashmë në treg po e reflektojnë edhe shifrat zyrtare të Instat pasi inflacioni arriti në gush në 2.4%, ndikuar kryesisht nga shtrenjtimi i çmimit të karburanteve dhe artikujve ushqimorë. Kjo padyshim rëndon më shumë xhepat e shqiptarëve që çojnë rreth 38% të shpenzimeve të tyre për ushqime.
Mes grupit të ushqimeve dhe pijeve alkoolike që u rritën me 4.6% më shumë se një vit më parë, shtrenjtimin më të madh e kanë parë zarzavatet dhe frutat, teksa janë rritur ndjeshëm edhe çmimet e produkteve të bulmetit, vajrave e yndyrave si dhe bukës që së fundmi konsumatorët po e blejnë 10 lekë më shumë.
Shqiptarët kanë paguar më shumë edhe për karburant pasi çmimet e grupit të transportit luhatën me 4.3%, teksa u vu re një rritje edhe për çmimet e pagesave të qirasë, ujit dhe energjisë elektrike si dhe për restorante e kafene. Kostot janë rritur më tej edhe për mobilimin e shtëpive.
Për ekspertët kjo rritje e vrullshme e çmimeve të ushqimeve do të kufizojë mundësinë e konsumatorëve për blerjen e mallrave të tjera:
“Nuk kemi një rritje të mirëqenies, por qëndrojmë gjithmonë në stanjacion. çka do të thotë se një pjesë të mirë të të ardhurave t’i çojnë drejt tyre dhe kjo bën që të ulet konsumi i gjithë produkteve të tjera dhe kjo e çon ekonominë në një ekonomi mbijetese.
Kur kemi nga njëra anë rritjen e çmimeve dhe nga ana tjetër kemi të ardhurat që nuk lëvizin ose lëvizin në nivele minimale do të thotë që ekonomia është në një agoni shumë të thellë. Dhe ekonomia shqiptare është në vështirësi.”
Teksa kostot e jetesës rriten me shpejtësi, pagat ngelen në vendnumëro. Për ekspertët as rritja e pagës në 30 mijë lekë më e madhja që prej 2008-ës nuk dha efekt në konsum për shkak të goditjes që mori tregu i punës:
“Bizneset duhet të favorizohen me kontrata që ato të kenë mundësi që të rrisin punësimin. Të lehtësohen nga taksat dhe nga ana tjetër me favorizimin e kontratave. Sektorë të veçantë si bujqësi, turizëm duhet të subvencionohen dhe nga ana tjetër biznesit duhet t’i subvencionohet TVSH-ja.”
Teksa efektet e pandemisë vijojnë të jenë ende prezente, ekspertët janë skeptik për një përmirësim të situatës dhe një gjallërim të konsumit dhe punësimit në një periudhë afatshkurtër.(TCH)
11 komente në “Shtrenjtohet jetesa në Shqipëri: U rritën çmimet e ushqimeve, nafta, qiratë, faturat e ujit dhe dritave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qeveria duhet të shmangte dritën jeshile këtë vit për ndryshime të tilla që në borxhin publik janë qindarka fitime-ndryshimesh.
sa te keni ramen kusur mos lini ,pak e ke ngritur te isha si ju dyfish do ta ngrija cmimin , 10 lek urbani ,40 lek karburanti , 20 buka , + big marketet me cmime dhe cilesi te pakontrolluar , + uji i pijshem dyfish + energjia sa i do qefi celes qe ka qejf ti ngjaj kryetarit , te tjreat i din afganet qe jetojne ne hotele cilsore ,jepi o shalgjat fute dhe bashen ne koalicion financiar dhe ja ku iken nga shqiperia dh dhjetra e mijra te rij te tjere ,Neser jepu lukunise se ujqerve pjesen qe u takon per zgjedhjet dhe te fundit ndermarje inernacionale portin e durresit ,jepi deri sa te mbyse zullumi yt
Eshte DORA E ZEZE qe qeveria duhet ta ndeshkoi…
Renimi i ekonomise dhe varferia e popullit gjithmon te con ne permbysje……
Rritjet jane ne cdo drejtim qe nga karburantet e deri te buka e perditeshme…..
I rritet buka popullit qe e ka primare, veem ne shqiperi thuhet hajde te hame buke…..
Neglizhenca e qeverise qe nuk po shprehet eshte e pa tolerushme dhe mir e bejne se opozita eshte rrembythje nuk merret me hallin e popullit por akoma thone qe zgjedhjet nuk jane te drejta nderkoh qe se nderkombetaret dhe istancat perkatese i kane certifikuar……
Shum mir.
Shtohen fitimet e kapitalistve,rritet kapitali i tyre financjar,kshtuqe ata kan me shum pare per investime ekonomike industriale duke kriju me shum vende pune,punsojn njers,rritet prodhimi brito industrial,rriten eksportet,rriten rrogat rritet mirqenija.
paske maru nga trute e kokes vlla
shqiperia qelbesire qeveritare turp kush na ka drejtuar edhe ksh na drejton maskarenjt e poshter edhe te babzitur
Keni harru e TVSH qeverritaret pasurohen ,e populli bjen ne varferi , jane ndare klasat bukur ne 31 vjet.
Qeveri e korruptuar koke e kembe. Po nuk u ngrit populli ne revolucion , me keq do behet.
Rrofshin grate ministre qe na sollen keto dite te bardha.
Pse mos te rriten kur delet nuk reagojne!
Shpirtin tia marin shqiptarit se në vënd që të protestojnë për faturat e dritës, të ujit, ushqimeve etj etj ngrenë dy gishtat lart për Salinë etj.