Dënimi me burg i Llallës, reagon Yuri Kim: Drejtësia kundër zyrtarëve të korruptuar pavarësisht posteve që kanë pasur, askush s'është mbi ligjin

Ambasadorja amerikane në vendin tonë Yuri Kim ka reaguar pas vendimit të Gjykatës së Posaçme të Apelit, e cila ka lënë në fuqi vendimin për dënimin me 2 vite burg, për ish-Prokurorin e Përgjithshëm Adriatik Llalla.

Në një reagim në Twitter, kryediplomatja amerikane shprehet se askush nuk është mbi ligjin.

Ajo nxit prokurorët që të ndërmarrin veprime kundër zyrtarëve, pa marrë parasysh sa të lartë apo të fuqishëm janë ata.

“Është mirë të shihet drejtësia e vënë kundër zyrtarëve të korruptuar. Prokurorët duhet të vazhdojnë të ndërmarrin veprime kundër zyrtarëve, pa marrë parasysh sa të lartë apo të fuqishëm janë, të cilët keqpërdorin pozitën e tyre për t’u pasuruar. Askush nuk është mbi ligjin”, shkruan Kim.

Gjykata e Posaçme e Apelit ka lënë në fuqi vendimin për dënimin me 2 vite burg, për ish-Prokurorin e Përgjithshëm Adriatik Llalla. Gjykata vendosi edhe konfiskim të pasurive, gati 22 mijë metra katrorë truall dhe një apartament në Durrës.

Prej shkurtit 2018, Llalla është pjesë e listës së zezë të Departamentit Amerikan të Shtetit, që i ka ndaluar hyrjen në SHBA atij dhe familjarëve.

Ndërkohë, shpallja e fundit sipas nenit 7031 ka qenë ish-presidenti dhe ish-kryeministri Sali Berisha.

Sipas Seksionit 7031 (c), Sekretari i Shtetit është i autorizuar t’i ndalojë hyrjen në SHBA, zyrtarëve të huaj, për të cilët ekzistojnë informacione të besueshme që tregojnë se ata kanë qenë të përfshirë në “korrupsion domethënës”, përfshi korrupsionin në lidhje me përfitimin e burimeve natyrore, ose nëse këta individë janë të përfshirë në “shkeljen e rëndë të të drejtave të njeriut”.

Adriatik Llalla si "kokrra e mollës", shfaqet me valixhe në dorë duke u arratisur në Romë pas vendimit për ta dënuar

15:48 Kronika

Pritet arrestimi i Llallës, flet avokati i tij: Nuk është e drejtë, s'e di fare ku është. Po mund të jetë edhe në Shqipëri

14:36 Kronika

E FUNDIT: 2 vite burg për Adriatik Llallën, pritet arrestimi i ish kryeprokurorit

14:17 Kronika

Çonte në spital një të dënuar, furgoni i burgut përplaset me karrocën që tërhiqej nga kali

13:59 Kronika

Merret sot vendimin përfundimtar për Adriatik Lllallën që mund ta çojë në pranga, avokati sërish justifikime: Është si pa qejf, ka shkuar në spital

12:26 Kronika

Lumi i kokainës, “solidariteti” ballkanas dhe vija shqiptare e gjakut

12:21 Kronika

Shkarkohet burri i Rovena Gashit, Dritan Gina sherr me Gardën pasi tentoi të hyjë me forcë në sallë: Ç’a është kjo seancë?!

10:45 Kronika

I denjë për filma aksion, historia e Davide Pecorellit: Bënte ‘Dolce Vita’ në Vlorë dhe kërkonte thesare në ishullin Montecristo

10:36 Kronika

KPK ngre dyshime se prokurori Lorenc Mërkuri ka fshehur pasuritë duke mos i deklaruar në vite

20:05 Kronika

Flet vëllai i gruas së vrarë në Divjakë: Motra kishte vite që dhunohej nga bashkëshorti i saj, shkova në polici për denoncim por meë thanë ik or djalë

19:46 Kronika