Ndikimi kinez, hije dyshimi mbi Bankën Botërore

Shefja e FMN-së, Kristalina Georgieva, i cilësoi të rreme gjetjet e një hetimi të pavarur, i cili arrin në konkluzionin se gjatë detyrës si shefe e Bankës Botërore ajo i bëri presion stafit për të manipuluar të dhënat dhe për ta shfaqur klimën e biznesit të Kinës më të favorshme sesa ishte në të vërtetë.

Georgieva akuzon edhe zyrën e presidentit të mëparshëm të Bankës Botërore, Jim Kong Kim, për manipulim. Ajo thotë se refuzoi një propozim nga një anëtar i stafit të Kim për të përfshirë të dhënat e Hong-Kongut në renditjen e Kinës në raportin e Bankës Botërore Doing Business 2018, çka do të kishte përmirësuar ndjeshëm gjendjen e saj.

Javën e kaluar, Banka Botërore publikoi një raport mbi hetimin e firmës ligjore WilmerHale. Raporti konkludoi se drejtuesit e lartë të bankave përfshirë Georgieva i bënin presion të padrejtë stafit për të ndryshuar të dhënat, duke përmirësuar renditjen e Kinës në raportin Doing Business, ndërsa banka kërkonte mbështetjen e Kinës për një rritje të kapitalit.

Georgieva, e cila në atë kohë ka qenë shefe ekzekutive e Bankës Botërore, e ka kundërshtuar hetimin.

“Për të qenë të qartë: asgjë e tillë nuk ka ndodhur dhe asnjë gjë e tillë nuk do të ndodhë kurrë nën udhëheqjen time“, citohet ajo nga Reuters.

Ekonomistja bullgare, personi i parë nga një vend në zhvillim që drejton Bankën Botërore, është përballur me thirrjet për dorëheqje lidhur me këtë çështje, megjithëse ish-kolegët janë shprehur në mbështetje të saj.

Bordi i FMN u mblodh të martën për të dëgjuar një raport fillestar nga komiteti i etikës dhe një takim tjetër pritet së shpejti.

Kryetarja e Komitetit të Shërbimeve Financiare të Dhomës së Përfaqësuesve të SHBA, Maxine Waters, tha se gjetjet që detajojnë “ndikimin e tepërt nga Kina” në Bankën Botërore dhe rolin e Georgieva-s në manipulimin e të dhënave të “Doing Business” me urdhër të qeverisë kineze është shumë shqetësuese.

Rritja e çmimeve: Kafeja, produkti i radhës që do të shtrenjtohet me 10-15 lekë

22:50 Ekonomia

Çmimet e banesave u rritën me 6.7% në gjysmën e parë të këtij viti

21:30 Ekonomia

Shtrenjtimi i bukës, i organizuar: Autoriteti i Konkurrencës nuk gjobit dot kompanitë

18:10 Ekonomia

Pastrimi i parave, qeveria propozon zgjerimin e kategorive që deklarojnë pasurinë

16:50 Ekonomia

Defektet e programit të qeverisë “Rama”, ekspertët: Nuk zgjidh problemet. Nuk tregon si do rritet ekonomia

19:59 Ekonomia

Pengesa 28% për premtimet e Ramës

12:21 Ekonomia

Premtohet rritja e pagës minimale në 40 mijë lekë në muaj, në administratë rroga shkon 85 mijë lekë

20:30 Ekonomia

Ecuria e tregjeve nën mbikëqyrje, Drejtori i Përgjithshëm Ekzekutiv i AMF-së takim online me misionin e Bankës Botërore

17:52 Ekonomia

Qeveria shton 12 mijë të punësuar në sektorin publik

22:00 Ekonomia

Çmimet e shtëpive në Tiranë do të rriten akoma: Shkak, trualli, taksat e rritura dhe kostot e shtuara për punëtorët

20:59 Ekonomia