Presidenti i Federatës Shqiptare të Futbollit, Armando Duka, ka kryer një nga shkeljet më të rënda të tij, e që duhet të jetë objekt hetimi nga ana e prokurorisë shqiptare.

Bëhet fjalë për transaksionet e dyshimta të parave që FSHF-ja ka derdhur në arkat e klubit të Tiranës.

FSHF-ja në shkelje të çdo ligji të shtetit shqiptar i ka kaluar parat e UEFA-s, Tiranës, në rrugë të dyshimta, pasi klubi bardheblu i ka llogaritë bankare të bllokuara për shkak të disa gjyqeve të humbura.

Derdhja e këtyre parave në rrugë jo ligjore në drejtim të ekipit kryeqytetas, ka bërë që zyra përparimbore të bllokojë dhe llogaritë bankare të FSHF-së, e cila është zhytur në një krizë financiare duke pasur vështirësi dhe në rrogat për punonjësit e saj.

Gazeta TemA ka siguruar dokumentin që tregon qartë vendimin e bllokimit të llogarive të klubit të Tiranës prej shumë muajsh.

Në dokument tregohet qartë urdhri i Gjykatës Gjyqësore të rrethit Tiranë ku kërkon vendosjen nën sekuestro të llogarive bankare të këtij klubi.

Mirëpo pavarsisht këtij vendimi, Armando Duka ka shpërfilluar vendimin e Gjykatës dhe të zyrës përbarimbore duke ia kaluar lekët në mënyrë të jashtëligjshme skuadrës së Tiranës.

Tirana përfitoi nga UEFA rreth 1 milion euro nga pjesëmarrja në fazën paraleminatore të Champions League ku dhe arriti të shkojë deri në play off, si dhe nga e drejta televizive.

Këto shkelje të rënda dukë shpërfillur vendimet e Gjykatave, tregojnë arrogancën që Armando Duka ka dhe arsyet pse ai nuk e lëshon dot karrigen e FSHF-së.

Largimi i tij nga ai post do të hapte letrat dhe shkeljet akoma të rënda që ai ka bërë në këto 20 vite që e ka pushtuar Federatën, ndaj dhe kërkon ta mbajë peng dhe për disa vite të tjera. (TemA)

KLIKO KETU – Bllokim Tirana

Skandal me fondet e UEFA-s, bllokohen llogaritë e FSHF për transferta të jashtëligjshme: Armand Duka mund të përfundojë në burg

Skandali me fondet e UEFA-s dhe rreziku i burgut, Armando Duka sulmon mediat: Jam në rregull, mos më shantazhoni

2 komente në “EKSKLUZIVE/ Vendimi i Gjykatës së Tiranës për bllokimin e llogarive bankare që u shkel nga Armando Duka, e që prokuroria duhet të nis hetimet”

Fshf mafia says:

24 Nëntor, 2021 15:10 te 3:10 pm

Nuk ka shtet aty jane llum te gjithe qe nga duka e me ralle turp te ju vije

Përgjigjjuni
1. ben. says:
  
  24 Nëntor, 2021 18:34 te 6:34 pm
  
  Niveli i legenizmit, mashtrimit te rilindjes ka artitur majat.
  O shoq rilindas, kur bllokohen llogarite bankare ,bllokohen qe mos te terheqi i zoti punes, jo mos te hedhi leke dynjaja.
  Kishte te drejte rama, spaskemi pare gje akoma.
  
  Përgjigjjuni