Te fundit
Kamberi-Vuçiçit: Rruga e Serbisë drejt Shqipërisë kalon nëpër Kosovë
3 Dhjetor 2021, 16:43Rajoni
TEMA
Deputeti shqiptar në Parlamentin e Serbisë, Shaip Kamberi i ka përsëritur presidentit serb, Aleksander Vuçiç se rruga e Serbisë drejt Shqipërisë kalon nëpër Kosovë.
Përmes një shkrimi në “Facebook”, Kamberi i ka bërë thirrje presidentit Vuçiç që të heq dorë nga imagjinata virtuele rreth Kosovës dhe të pranojë realitetin se çfarë ka bërë shteti serb në Kosovë.
“Aleksandër Vuçiç më në fund e paska kuptuar që për Serbinë “janë të domosdoshme marrëdhëniet shumë më të mira me shqiptarët”
Po, z.President, a nuk ju kam thënë të njejtën gjë në debatin parlamentar rreth dialogut me Kosovën?
A nuk ju kam thënë me atë rast që “si pjesëtar i popullit shqiptar e shoh perspektivën e popullit tim në anëtarësimin në BE, por në të njejtën kohë edhe në bashkëpunimin e ndërsjellë me popujt e Ballkanit Perëndimor, duke e përshirë edhe popullin serb”.
A nuk ju kam thënë që “gjuha e urrejtjes dhe riciklimi i terminologjisë së viteve të 80’ta dhe 90’ta nuk ka vend në këtë dialog mbi pajtimin i cili njëkohësisht nënkupton edhe ballafaqimin me të kaluarën” dhe që “ju nevojitet një qasje e re”.
Ju kam cituar edhe intelektualin serb, Bogdan Bogdanoviq, që kishte thënë se “Serbia duhet patjetër me sy të huaj ta shikoj veten” dhe përfundimisht ta kuptoj që “krijimi i miqësive është më i rëndësishëm se fitimi i territoreve”.
Si keni reagur Ju atëkohë? Me inat keni refuzuar të heqni dorë nga politika e krimeve të luftës.
Në fund të fundit ju ka parë i gjithë publiku se si i keni pranuar sugjerimet e ardhura nga unë.
Përsëri po ju them që të heqni dorë nga “imagjinatat virtuele rreth Kosovës” dhe të pranoni jo vetëm realitetin, por edhe përgjegjësinë rreth asaj se çfarë ka bërë shteti serb në Kosovë.
Vetëm atëherë mund të flisni për miqësinë me shqiptarët.
Deri atëherë duhet patjetër ta kuptoni faktin e pamohueshëm që rruga juaj drejt Shqipërisë kalon nëpër Kosovë”, shkruan deputeti.
4 komente në “Kamberi-Vuçiçit: Rruga e Serbisë drejt Shqipërisë kalon nëpër Kosovë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zoti Kamberi i nderuar!
Kur ia tregove serbit Vucic rrugëtimin e dëshiruar për Durrës, harrove se ia prish qejfin Ramës, herët ose vonë.
Bravo. Komentet e tjera jane te kota.
Ky njeri me ka bere gjithmone pershtypje per gjuhen qe perdor ne parlamentin Serb.
Serbia dhe udheheqesit e saj, ne vend qe te shpenzojne miljarda per tu armatosur me teneqet e vjetra ruse, duhet te kuptojne realitetin dhe ta pranojne ate duke krijuar ura lidhese me shqiptaret, kombin me te vjeter ne Ballkan. Pa marrdhenie te mira me shqiptaret, serbet nuk kane per te ecur kurre perpara drejt Europes.
Bravo Shaip. Je me te vertete nje burre patriot dhe trim. respekt per ju qe i vetem ne ate parlament i thoni gjerat troc pasardheve te miloshevicit
Patriot i vertete , po keto kambana jane drejte per drejte per Vuçiç po a degjohen nga politikanet e memes SHQIPERI ??.apo perseritet D . MUGOSHA e M . Popoviçi.