Te fundit
Baza e NATO-s në Kuçovë, 213 familje në protestë: Nëse nuk plotësohen kërkesat, zhvendosemi para Ambasadës së SHBA
20 Dhjetor 2021, 20:10Sociale
TEMA
Janë mbledhur në një protestë të dytë banorët e fshatit Moravë në Kuçovë, me pankarta në duar, duke u grumbulluar në tokat pranë fushës së aerodromit ushtarak. Banorët kanë protestuar pasi ata nuk janë dakord me çmimin e përcaktuar nga Ministria e Mbrojtjes për shpronësimin e tokave, bizneseve apo banesave të tyre.
Banorët deklarojnë se ia kanë rinisur sërish dokumentin me firmat e të gjitha familjeve që preken nga ky shpronësim për rishikimin e çmimit, ndërsa kanë marrë të njëjtën përgjigje nga Ministria e Mbrojtjes, ku thuhet se tokat e tyre do të shpronësohen në vlerën e 230 mijë lekë për dynym, çmim që sipas tyre është qesharak.
Banorët e Moravës kanë deklaruar se tokat e tyre do t’i lëshojnë vetëm në rast se shpronësimet do të kryhen sipas çmimeve të tregut.
“Është vendosur një çmim qesharak. Qeveria po tallet me ne, pronat tona siç janë shtëpitë që kemi ndërtuar me mund e me djersë me emigrim, kemi një jetë të tërë. Pronat tona kushtojnë 20-fishi i asaj që duan të na shpronësojnë”, shprehet një prej banorëve.
Banorët kanë deklaruar se ata i kanë përcjellë për të disatën herë një ankesë me shkrim Ministrisë së Mbrojtjes në lidhje me mospranimim nga ana e tyre të çmimit të përcaktuar dhe kanë marrë të njëjtën përgjigje në lidhje me çmimin.
Banorët shprehen se do të vijojnë protestat tashmë në Tiranë, pranë Ministrisë së Mbrojtjes dhe Ambasadës Amerikane. Për afro një orë, banorët e Moravës kanë protestuar, por këtë herë nuk u lejuan në zonën pranë fushës aviacionit, e cila ishte e rrethuar me policë dhe forcat e NATO-s.
4 komente në “Baza e NATO-s në Kuçovë, 213 familje në protestë: Nëse nuk plotësohen kërkesat, zhvendosemi para Ambasadës së SHBA”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ska leka qerevia se po nderton inçeneratore ku se shpejti do djege te gjithe ata qe jane kunder qenverise. Hajt merrni leckat se Gjermania ka nevoje per punetore te skualifikuar. Nje e nga nje Rama do tua shtypi koken.
O katnart e Partise, o Kucovart komuniste, pse e votuat, si gjithmone…. jua ka futur Partia….sa Baza Amerikane…lol
A e dine keta ku eshte ambasada ne Tirane
Keta po erdhen ne Tirane humbasin
Ky fshate eshte i banuar nga Rome dhe mbas tyre fshihet Lefter Lefteri
Një propozim. Tju blihen tokat me çmimin e tregut siç e kërkojnë ata por të firmosin që heqin dorë nga e drejta të punësohen në shërbimet ose infrastrukturën e bazës.