Te fundit
Prej 4 Janarit me certifikatë vaksinimi në punë
25 Dhjetor 2021, 13:27Sociale
TEMA
Në fletoren zyrtare janë botuar vendimet e Ministrisë së Shëndetësisë për vaksinimin e detyrueshëm të punonjësve të administratës publike, punonjësve të supermarketeve dhe të qendrave tregtare.
Sipas këtij urdhri punonjësit e këtyre institucioneve më 4 Janar 2022, në punë mund të paraqiten vetëm me certifikatë vaksinimi të lëshuar nga e-Albania, që vërteton vaksinimin e plotë, në formë digjitale apo të printuar.
Çdo person që nuk dëshiron të vaksinohet duhet që çdo 5 ditë të paraqesë test PCR-je, të kryer sipas procedurës për kryerjen e testeve për efekte administrative, për të verifikuar që nuk janë mbartës të infeksionit Sars-Cov-2.
Po ashtu, një kategori tjetër që kanë kaluar Covid-in në punë mund të paraqiten me certifikatë shërimi Covid-19 të lëshuar nga e-Albania ose dokument të lëshuar nga autoritetet shëndetësore të vendit, që provon shërimin nga infeksioni Sars-Cov-2, me vlefshmëri deri në 6 muaj pas shërimit.
Të përjashtuar për të paraqitur ndonjë nga këto tre dokumente të përcaktuara në urdhrin e Ministrisë së Shëndetësisë, janë vetëm ato persona që kanë dokument mjekësor të lëshuar nga mjeku për mosaplikimin e vaksinës.
Po shkak të festave, nuk do të ketë kufizime orari për qytetarët, por edhe bizneset pasi për natën e ndërrimit të viteve më 31 Dhjetor dhe 1 Janar nuk do të ketë kufizime orari për aktivitetet e bareve, restoranteve, fast-food dhe lokaleve.
1 komente në “Prej 4 Janarit me certifikatë vaksinimi në punë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ministria nuk ka te drejte te vendos vaksinimin e detyrueshem te popullsise.
Ministria e Shendetesise mund te beje propozimin Qeverise dhe vendimin e merr Qeveria.
Bile, nese vendoset vaksinim i detyruar, duhet ligj nga parlamenti.
Vaksinimi eshte kthyer ne produkt tregu.
Del nje rektor universiteti dhe merr vendim per te mos pranuar asnje student pa certifikate vaksinimi.
Nuk e ka kete te drejte asnje institucion.
Pse nuk u kerkohet qytetareve analiza antitrupave si rezultat imunitetit natyror?
Apo e ka fajin Alfred Cako apo te gjithe ne qe jemi kunder vaksinimit te detyrueshem.
Omikron po rezulton grip i zakonshem.
Tani dalin e na thone se duhet te vaksinohesh cdo 6 muj te fitosh imunitet te qendrueshem.
Atehere, po qe se duhet me u vaksinu cdo 6 muaj, le te vdesim, te jetojne individet me te forte.