Shanset e mbijetesës politike të “partisë non grata” Berisha-Meta

Nga Ylli Pata

Tashmë është e qartë se lëvizja e Ilir Metës me dekretimin e zgjedhjeve vendore po synon që grupi i tij politik tashmë së bashku me Sali Berishën, po synon që të dëmtojë Lulzim Bashën në zgjedhjet e pjeshme vendore.

Në mënyrë që pas 6 marsit ta përdorin si “atu” politike që Berisha dhe “Komisioni i tij i rithemelimit” ta përdorin deri më 22 mars.

Vetë Meta, ka nisur të përdorë sërish arsenalin e tij të dekoratave në Shkodër, vend mjaft i rëndësishëm për betejën e 6 marsit.

Sipas të gjitha gjasave, aty do të përqendrohet i gjithë arsenali politik, që ka më shumë objektiv sesa fitoren e tij, humbjen e Lulzim Bashës.

Do të duhet të shikohet në ditët në vazhdim sesi do të jetë loja e LSI-së në bashkinë e Shkodrës, pasi njerëzit që mbështesin Berishës në qytetin e madh të veriut, kanë nisur takimet e organizimin e tyre, pasi po publikojnë fotot në rrjetet sociale.

Në Shkodër, dega e Partisë Demokratike, thuajse e gjitha nuk i është bashkuar Berishës, ndërkohë që edhe deputetët e qarkut janë me Bashën.

Kështu që gravitacioni politik në këtë zonë, për zgjedhjen e kryetarit të ri të bashkisë, ku shanset e fitores së PD-së janë shumë të mëdha, afrohen drejt partisë së njohur zyrtarisht.

Megjithatë, jetë ka edhe pas 6 marsit dhe 22 marsit e vijimësia e “Koalicionit Non Grata” do të hyjë në një realitet politik me këmbë në tokë.

Sidomos edhe pas intervistës së rëndësishme së ambasadores amerikane në Tiranë, Yuri Kim, ku u përcaktua qartësisht se nuk ka asnjë shans për një “revizionim” të ndëshkimeve siç po luhet në mediat e këtij grupimi, por thjesht thellim të ndëshkimeve.

Pra do të vijmë në një situatë më realiste, ku grupimi politik “Non Grata” do të funksionojë dhe veprojë politikisht si i tillë, pra si formacion anti-amerikan, pa nevojë për tu fshehur në qoshe dhe figura të tjera politike.

Duke parë panoramën në vendet rreth e rrotull, pra në Ballkan, të vetmit vende ku kanë mbijetuar formacionet antiamerikane janë Serbia dhe Republika Srbska.

Në Serbi, megjithatë, grupimi i të ndëshkuarve nga SHBA i përfaqësuar nga Vojislav Sheshel është në periferi dhe vepron më shumë si një pakicë e margjinalizuar pa një mundësi ndikimi në politikën reale.

Në Maqedoni, VRMO-DPMNE veproi fuqishëm duke u distancuar nga Nikolla Gruevski e ministrant e tij të ndëshkuar nga SHBA dhe sot është një forcë e qartë properëndimore.

Madje në zgjedhjet e fundit lokale, partia nacionaliste e djathtë bëri aleancë të pastër politike e të hapur me partinë e Zijadin Selës, i cili u masakrua në 2017-n së bashku me Zoran Zaevin me njerëzit e Gruevskit.

Rezultati që një fitore e rëndësishme për opozitën, duke nisur nga Shkupi. Po ashtu edhe në Bullgari e Rumani, të ndëshkuarit sipas 7031, janë ose në burg ose të larguar përfundimisht nga politika….

Njëmbëdhjetë vjet me drejtësi zero për vrasjen e Aleksit tonë, nga Sali Berisha

19:00 Politika

Aleatët e PD, mes Bashës dhe Berishës

17:40 Politika

Nga Këlliçi, Noka tek Spaho dhe Paloka: Deputetët e ‘Foltores’ që futën makina luksoze ‘pa doganë' në Shqipëri

17:27 Politika

Rrëfimi i Aurela Bashës, për të atin që humbi jetën sot

17:21 Politika

Një gazetare që i nxori sytë bosit

16:39 Politika

Dështon protesta e njerëzve të Berishës,  Basha: Ata që duan të përçajnë PD, u themi ndal ose jashtë

16:29 Politika

“Kemi në krah gardianin e demokracisë, SHBA”, Basha në Kurbin: Nuk na rrëzojnë dot! Kush është non-grata nuk duhet të jetë në politikë

15:59 Politika

Gazetari pranë Berishës nxjerr nga varri senatorin amerikan: Ai që nga bota tjetër po i kërkon Bashës dorëheqjen, të bëhet burrë e të iki sa më parë

16:06 Politika

Gjekmarkaj: Jam me Bashën se atij s'i dridhet fare qerpiku, nuk e ka frikë aspak Edi Ramën. Tani është gati për kryeministër

15:55 Politika

Zgjedhjet e pjesshme lokale shtyjnë Kongresin e PS-së

15:34 Politika