Te fundit
Putin flet me Macron për krizën në Ukrainë, ka mbetur i pakënaqur nga SHBA dhe NATO
28 Janar 2022, 21:30Bota
TEMA
Presidenti Vladimir Putin tha se Shtetet e Bashkuara dhe NATO nuk i kanë adresuar shqetësimet kryesore në lidhje me sigurinë që Rusia ka, por pranoi se Moska ishte gati të vijonte bisedimet.
Këto komente Putin i bëri në një telefonatë me presidentin francez, Emmanuel Macron, pasi kishte qëndruar i heshtur prej disa javësh lidhur me krizën, të krijuar edhe për shkak të rreshtimit të trupave ruse në kufi me Ukrainën.
Kremlini citoi presidentin rus se i kishte thënë homologut francez që do të studionte përgjigjet me shkrim të dërguara nga Uashingtoni dhe NATO këtë javë, para se të vendoste në lidhje me veprimet e mëtejshme. “U theksua fakti që SHBA dhe NATO nuk kishin marrë parasysh shqetësimet kryesore të Rusisë në përgjigjet e tyre”, tha Kremlini.
Rusia kërkon që NATO të mos zgjerohet më në lindje dhe të rikthejë kapacitetet ushtarake në pikën që ishin para se t’i bashkoheshin vendet që dikur ishin pjesë e Traktatit të Varshavës. “Çështja kyçe u injorua, askush nuk duhet të forcojë sigurinë e vet në kurriz të sigurisë së një shteti tjetër”, tha Kremlini duke cituar Putin.
SHBA dhe NATO nuk pranuan kërkesën e Rusisë për të përjashtuar mundësinë e anëtarësimit të Ukrainës në aleancë, si dhe kanë paralajmëruar për sanksione të ashpra nëse trupat ruse futen brenda territorit ukrainas.
3 komente në “Putin flet me Macron për krizën në Ukrainë, ka mbetur i pakënaqur nga SHBA dhe NATO”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Putin le te pyes Obamen se mos bene ndonje leshim duke terhequr trupat e NATO’s dhe ruset te tallen pastaj me americanet si Irani kur Obama ishte te fuqi.!!!!
Do futi mik Makronin tani Rusia?
Pale kur të plaket edhe ca më tepër Putini .
Do lajthiti fare dhe me presionet dhe kërcënimet që do bëjë çdo 6 muajë, do na çajë majën e rakut.Ka bërë ca lekë nga shitja e gazit Gjermanisë me 6- fishin e çmimit dhe tani mund të mbajë 40000 ushtarë me bukë , pastërma , çaj dhe fasule pranë kufirit me Ukrainën për nja 10 javë.
Ai palaçua tjetër Bidoni si e ka ..thotë ‘ e di unë do ta pushtojë Rusia Ukrainën’.
Sa ëndërron I shkreti …shpreson ti dali filxhani.
Gjermanët i mbyllen gjithë stacionet nukleare të prodhimit të energjisë dhe tani frynë sytë . Kur ti ngrihet rusit I mbyll rubinetin e gazit … e rrinë gjermanët pastaj han bar.
Nuk u béjnë dot presion rusëve se ngelen pa gaz. ‘ Më keq’ mendojnë se do ti quajnë nazistë.
Francezët pastaj…lëre mos e pyet fare..
Macaroni ka mundësi vdes për rusët.
Ka marë tatëpjetën kjo punë.
Prit sa të plaket edhe ai kokëmadhi i Koresë se Veriut e pastaj do pirdhet fare..
Vetëm Kina mund ta ndihmojë botën…
Duke pushtuar Siberinë ?.
Mos qeshni….