Te fundit
Muli përgatititi sot një darkë të Doktorit me Metën
2 Shkurt 2022, 20:22Antena
TEMA
Gjykata Kushtetuese ka vendosur që nesër, ditën e enjte, të vazhdojë seancën për shkarkimin e Metës.
Siç është zakon, një ditë para vendimeve të mëdha të gjykatave për Metën, Doktori shkon pi një gotë verë tek shtëpia e Metës dhe të nesërmen vendimi jepet me unanimitet.
Për këtë, Muli sot vendosi të hapte lajm që Doktori po darkon tek vila e Metës.
I vetmi problem që ngelej për t’u sqaruar, ishte se tek cila vilë.
Në Lalëz i kanë vilat ngjitur.
D.m.th shtëpia e Lirisë, është ngjitur me shtëpinë e Ilirit, ndaj nuk ka kuptim të bëhej në Lalëz, se keqpërdoret nga Luli dhe thotë koalicioni u mblodh tek shtëpia e Ilirit.
Atëhere vendosën të mblidhen tek vila nr. 4 tek Pallati i Brigadave, që është vila e presidentit.
Nga ajo vilë Doktori ka marrë vendime të mëdha.
Duke u ulur në kolltukun që ulej dikur, Doktori kujton:
-Këtu isha ul atë natë që shkaruam Zef Brozin.
Ju thashë nuk dua ta shikoj më atë njeri aty dhe e zhduka.
Kur shkarkova Maks Haxhinë isha ul tek ai kolltuku tjetër.
U thashë nuk dua ta shikoj më aty dhe e hoqën.
Pastaj ai nga inati hapi piceri “Sorosi”.
Kur shkarkova Dhori Sollakun isha në këmbë.
Erdhi ky Lul Basha më fliste më zë të ulët, më thoshte “shiko se unë e njoh, nuk është burrë i keq”.
I thashë atë e di unë, dhe e hoqa.
Pastaj aty isha ul kur dola të shkarkoja Ina Ramën, por nuk i kisha më votat dhe më lindi ideja t’i thosha “lavire bulevardi”.
Ishte shumë e goditur. Gjithë gratë e PD u entuziasmuan.
Meta e dëgjonte i kënaqur.
-Tani Doktor duhet të bëjmë një foto e ta shpërndajmë që je për darkë nga unë.
Ta shikojnë ata të Gjykatës Kushtetuese.
-Patjetër, duhet ta bëjmë.
Por ti duhet ta çosh në gjyq në Francë. Aty ku e çova unë.
Vetëm atij gjyqi nuk kanë çfarë t’i bëjnë, se ata nuk mblidhen kurrë.
-Ke të drejtë, tha Meta. Duhet ta dërgojmë menjeherë.
Vetëm shpenzime poste kemi.
1 komente në “Muli përgatititi sot një darkë të Doktorit me Metën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ka kohe qe shume shkrime te Zotit Muli duhen mbledhur e botuar ne liber me vete, sepse shquhen per nje humor te holle dhe i qendrojne kohes, madje vlejne per te sotmen e te nesermen e politikes shqiptare.