PD: Dënimi i Tahirit është vetëm fillimi

Partia Demokratike ka deklaruar këtë të martë se dënimi i Saimir Tahirit është vetëm fillimi i nisjes së rrugëtimit të ndëshkimit të abuzuesve me pushtetin.

Deputeti Ervin Salianji tha se PD-ja do ta vazhdojë betejën ndaj qeverisë dhe në shërbim të interesit publik.

Deklaratë e PD, Ervin Salianji

Dënimi i ministrit të Brendshëm më të vlerësuar e më të përkëdhelur të Edi Ramës, është prova e plotë dhe e madhe se Shqipëria nën qeverisjen e Rilindjes u kthye në parajsën e drogës. Nën drejtimin e Tahirit dhe me bekimin e Edi Ramës, skenari i kanabizimit u bë një realitet i frikshëm duke mbledhur rreth këtij procesi bandat e krimit të organizuar.

E kemi denoncuar me mijëra herë kanabizimin e Shqipërisë, lidhjet e Ramës me krimin, përdorimin e kriminelëve për të grumbulluar vota dhe më pas dorëzimin e sovranitetit të shtetit në duart e bandave dhe krimit të organizuar. Depërtimi I bandave deri në strukturat më të larta të shtetit, abuzimi me pushtetin, dhunimi dhe grabitja e qytetarëve është fakt dhe paralajmëron që dënimi i Tahirit është vetëm fillimi, nisja e rugëtimit të ndëshkimit të abuzuesve me pushtetin.

Ai është dhe duhet të jetë i pari në një listë të gjatë të drejtuesve të rilindjes. Për vite me rradhë, Edi Rama e mohoi kanabizimin e Shqipërisë. Edi Rama mohoi lidhjet e tij dhe të deputetëve të tij me krimin. I mohoi  denoncimet me fakte dhe nga brenda policisë së shtetit, i hodhi në rrugë dhjetra drejtues të policisë së shtetit dhe degdisi në azile dhjetra të tjerë. Vendosi policinë e shtetit nën thundrën e krimit dhe disa në shërbëtorë te tij.

I mohoi faktet e paraqitura nga Partia Demokratike, mohoi cdo denoncim edhe kur ato bëheshin mes parcelave me kanabis, mohoi raportet e partnerëve ndërkombëtar, mohoi gjithçka. Ai mbrojti “ministrin kampion”, ministrin më të suksesshëm të të gjitha kohërave sipas tij, që e shndërroi policinë në mbrojtëse të parcelave të hashsahit, ndërsa efektivat e policisë në ngarkues e transportues të lëndës narkotike.

Në fakt, mbronte projektin e vet ashtu si sot heshti, futi kokën si struci dhe e shiti si faj të vartësit të tij. A e mbani mend se si Edi Rama sulmonte çdo deputet e drejtues të PD, kur denonconin kanabizimin e Shqipërisë dhe lidhjet e Ramë and co me këtë proces kriminal. Por koha i dha të drejtë Partisë Demokratike. Shpallja fajtor e ministrit të Ramës dhe zbardhja e lidhjeve të tij me bandat e krimit të organizuar të trafikut të drogës, janë prova se PD kishte të drejtë në denoncimet e saj.

Nëse do të ishin dëgjuar në kohën e duhur, sot Shqipëria nuk do ishte në këtë situatë kriminale dhe paratë e drogës nuk do ishin investuar për blerjen e zgjedhjeve e në ndërtim. Edi Rama mbrojti krimin e organizuar, pasi Saimir Tahiri nuk mund të vepronte pa mbrojtjen, mbështetjen dhe bekimin e Edi Ramës që është kreu i bandës.

Beteja jonë pakompromis në shërbim të interesit publik provoi se Edi Rama është i korruptuar. Ne do ta vazhdojmë këtë betejë! Qeveria e tij është e korruptuar. Me këta në krye, Shqipëria nuk mund të ketë zhvillim. Shqiptarët duhet ta braktisin të shkuarën dhe të korruptuarit!

Dhuratat e çuditshme të sovjetikëve, Enverit: 3 kg sallam, Spiro Kolekës: 1.5 kg! Prapaskenat e takimit të Hoxhës me Stalinin

15:00 Politika

PD prezanton kandidatin për bashkinë e Vorës, Ymer Markun

14:33 Politika

PD ankimon në KAS regjistrimin e koalicionit “Shtëpia e Lirisë”

14:19 Politika

Koalicioni “Shtëpia e Lirisë”, Rama: Mos u çudisni, jini të përgatitur se do shikoni gjëra shumë më interesant se kaq

13:00 Politika

"Vendimi i trukuar dhe qesharak", Berisha: Mbrëmë u festua marrëveshja me Saimir Tahirin dhe u respektua “kodi i mafies”, u bekua dhe nga Yuri Kim

12:48 Politika

Letra e ambasadës ruse, reagon Rama: Zhurmë folklorike në katundin e PD-së

12:33 Politika

Dënimi me burg për Tahirin, Rama: E kam ditur mirë çfarë kam bërë kur kam udhëhequr Reformën në Drejtësi

12:25 Politika

Kriza në Ukrainë, Rama: Është konflikt me rrezikshmëri goxha të lartë, Shqipëria, e qartë në pozicionin e vet

12:17 Politika

"Tahirit i rrezikohet jeta", ish-deputeti: Kush e dha urdhrin që të shkonte tek 313, kush do t’i mbyllë gojën?!

11:52 Politika

FOTOT: Rusia dhe Bjellorusia i tregojnë “muskujt” botës

11:38 Politika