Te fundit
Skandali me manipulimet e falsifikimet: UEFA vihet në lëvizje, mision vëzhgimi për situatën zgjedhore të FSHF-së
8 Shkurt 2022, 19:12Sport
TEMA
UEFA ka përcaktuar delegacionin që do të vijë në Tiranë për të monitoruar ecurinë e procesit zgjedhor të Federatës Shqiptare të Futbollit pas problematikave të shfaqura në javëve të fundit, veçanërisht në asambletë e disa shoqatave rajonale.
Ashtu siç edhe Presidenti i UEFA-s, Aleksander Ceferin e bëri me dije gjatë vizitës së tij në Tiranë pesë ditë më parë, janë përzgjedhur edhe tre emrat e zyrtarëve që do të përbëjnë misionin vëzhgues të qeverisë së futbollit evropian. Përmes një shkrese zyrtare, UEFA ka njoftuar Presidentin e FSHF-së, Armand Duka për axhendën e vizitës së delegacionit që do të vlerësojë ecurinë e procesit zgjedhor e që do të mbërrijë në vendin tonë më 14 shkurt.
“Bazuar në diskutimet e tij me Kryeministrin Rama dhe Ju, u ra dakord që UEFA të dërgonte një mision vëzhgimi me objektivin e vlerësimit të ecurisë së procesit zgjedhor të Federatës Shqiptare të Futbollit (FSHF) dhe Asamblesë së Përgjithshme Zgjedhore të Zakonshme të planifikuar për në datën 2 mars 2022. Dëshirojmë t’ju njoftojmë se delegacioni i UEFA-s do të përbëhet nga përfaqësuesit e mëposhtëm:
– Luca Nicola (Shef i qeverisjes së federatave anëtare në UEFA)
– Luka Zajc (Shefi i Çështjeve Korporative)
– Yann Hafner (Ekspert i çështjeve statutore dhe rregulloreve)
Delegacioni do të udhëtojë për në Tiranë të hënën, 14 shkurt dhe do të kthehet të mërkurën, 16 shkurt. Ne do të jemi në kontakt gjatë ditëve të ardhshme për të diskutuar dhe organizuar takimet dhe ju falënderojmë paraprakisht për disponibilitetin e të gjithë stafit të FSHF-së”, – shkruhet në letrën e UEFA-s.
2 komente në “Skandali me manipulimet e falsifikimet: UEFA vihet në lëvizje, mision vëzhgimi për situatën zgjedhore të FSHF-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zgjedhjet po mbarojne. Pastaj cdo bejne ata per 2 dite?! Jane bere te gjitha organizatat mafioze. Ptu qelbesira!
Nuk e di se cfare ndikim do te kete Misioni Vezhgues i UEFA -s ne zgjedhjet e 2 Marsit 22 . Duka i krimit i ka kopsitur cdo gje ne zgjedhjet e shoqatave Rajonale te klubeve ne rrethe.Me dt. 22 Mars ne Asamblene e Pergjitheshme do te jene te gjithe delegatet te zgjedhur nga Duka.Zgjedhjet do te jene te ndershme,te qeta,konstruktive dhe, 3-4 persona me porosi te Dukes te votojne kunder tij,qe te mos duken si zgjedhje moniste.