Te fundit
Muli i shqetësuar nga thirrja e Tit Vasilit në SPAK
21 Korrik 2023, 18:46Antena
TEMA
Pas thirrjes së sotme të Tit Vasilit në SPAK, Muli u shqetësua seriozisht.
Lelo, i cili ka për detyrë të mbrojë koalicionin me partinë e Metës, ishte në dilema nëse duhej mbrojtur apo duhej lënë drejtësia të bënte punën e saj.
-Unë mendoj që në fillim nuk duhet të shprehemi, tha Lelo.
Ndoshta nuk është punë me zarar.
Në fund të fundit për para të LSI bëhet fjalë. Lekët e tyre i kanë.
I kanë marrë nga kuota e anëtarësisë.
-Duhet të reagojmë patjetër, tha Muli. Nuk mund t’i braktisim.
Sot është halli i tyre, nesër mund të jetë i yni.
Po nuk reaguam atëherë ti e di se ç’mund të na gjejë me Metën.
Ai është paranojak e do mendojë që këtë punë e ka bërë Doktori.
-Po pse Doktori, ça hyn ai këtu?
-Po ne deri tani kemi krijuar idenë që SPAK bën çfarë thotë Doktori.
Sa herë ka arrestuar socialist, kështu kemi thënë.
Tani Meta mendon që dhe këtë e ka bërë Doktori.
Se këta ndonjëherë besojnë dhe gënjeshtrat që themi vet.
-Atëherë të themi që pse SPAK ka dy qëndrime.
Lul Bashën e çliroi nga akuzat për para ruse, kurse Tit Vasilin e heton.
Vetëm ky qëndrim na shpëton.
-Po shumë mirë është dhe ky, tha Muli. Boll të reagojmë.
Se pastaj nuk i dihet kë thërrasin.
Superdhëndrin e shikoj të shqetësuar. Ndoshta ka lajme të këqija.
-Po mire, kështu ta bëjmë, tha Lelo.
Të hapim fjal që Edi Rama kërkon të na përçajë.
Kërkon të arrestojë këta të LSI që t’i trembë e të shkojnë me të.
Ndaj ne duhet tu dalim zot.
-Duhet ta bëjmë pa fol Meta, tha Muli.
Se ti e di që ai është paranojak e kushedi çfarë mund të thotë. Hajde ndreqe pastaj.
Më të lexuarat
24 oret e fundit
Javen e fundit
Blog Tema
Lini një Përgjigje