Te fundit
Muli qetëson kundërshtarët e Salianjit brenda Foltores
11 Janar 2023, 20:47Antena
TEMA
Lajmi se Doktori do të mbështesë Salianjin të bëhet kryetar i Grupit Parlamentar të PD në vend të Alibeajt ka irrituar shumë demokratë të “Foltores”.
Ata ndjehen të fyer që Salianji tani të jetë i votuari i tyre, pasi kanë shumë rezerva nga beteja e 8 janarit e më parë.
Flamuri u përpoq t’i qetësonte duke përdorur fabulën e Lelos.
-Ideja është që ne duhet të marrim dhe Grupin dhe të marrim hak ndaj Salianjit, i sqaronte Muli.
Kemi dëgjuar që SPAK do peshq të mëdhenj ndaj nuk e arreston Salianjin, se quhet peshk i vogël.
Atëherë ta bëjmë të madh që dhe SPAK të jetë në rregull, dhe ne të jemi në rregull, i sqaron Muli demokratët.
Por njëri prej tyre sot e kapi në befasi.
-Nuk jam dakord me skenarin tuaj, i tha Mulit.
Ne duhet të bëjmë të kundërtën.
Ne nuk kemi pse e bëjmë të madh që ta arrestojnë si të madh.
Ne e bëjmë si ai Luizi tek Big Brother.
Hapim fjalë që Salianjin duan ta arrestojnë se nuk është i madh, kurse ne do ta bëjmë të madh që të mos e arrestojnë.
Kështu gjithë demokratëve do t’u vijë keq, do fillojnë të qajnë pse duan ta arrestojnë dhe ne ndërkohë veprojmë e bëjmë të madh.
I vetmi rrezik është se mos dalim mashtruesa e nuk e bëjmë dot të madh, dhe ata na e arrestojnë dhe kështu siç është.
Kjo duhet me pas kujdes.
-Dakord jam, tha Muli. Edhe kështu mund ta trajtojmë.
Por ai Luizi shpiku që është sëmurë me u ardh keq dynjasë.
Kurse këtu po shpike që do vesh në burg i bëhet qejfi gjithë dynjasë.
Nuk është njësoj. Ndaj duhet të bëjmë kujdes, tha Muli se mos na e marrin në burg, ende pa e bërë kryetar dhe e bëjmë dy herë dëm, dhe ngelemi dhe pa një kandidat për kryetar, dhe atë e çojmë në burg pa na bërë punë.
Më të lexuarat
24 oret e fundit
Javen e fundit
Blog Tema
Lini një Përgjigje