Te fundit
Muli shpjegon pse po prodhojnë molotov me shumë benzinë
15 Shkurt 2026, 19:32Antena
TEMA
Një nga problemet më të mëdha që hapi protesta e fundit ishte se molotovët ishin shishe të mëdha, mbushur me benzinë dhe të lidhur me fishekzjarrë që e përhapnin flakën më shumë.
Zbulimi i përket repartit të përgatitjes së municioneve që drejtohet nga Zeni, i cili që pas shpërthimit të Gërdecit ka hequr dorë nga demontimi dhe është përqendruar tek montimi i armëve të reja operative në treg, siç është molotovi.
Por Lelo ishte i pakënaqur për rrezikshmërinë e saj.
– Duhet të bëjmë kujdes, tha, se mund të na vdesë ndonjëri dhe pastaj do na kthehet kundër. Ka shumë benzinë. Duhet ta ulim pak sasinë.
– S’kemi çfarë të bëjmë, tha Muli. I kërkuam njërit nga këta oligarkët e naftës benzinë se gjoja do na duhej për gjeneratorin që do ngrinim çadrën. Meqë çadrën nuk e ngritëm, na ka mbetur gjithë ajo benzinë dhe duhet ta përdorim.
– Po mirë, ne kemi ku ta përdorim, tha Lelo, se edhe unë makinën me benzinë e kam, nuk kemi pse ta përdorim vetëm për molotov. Molotovët janë simbolikë, kurse ne po i bëjmë të rrezikshëm.
– Kjo qeveri meriton ta djegësh me benzinë, tha Muli.
– Atë e di, tha Lelo, por mund të na kthehet ndonjë molotov mbrapsht dhe mund ta pësojë ndonjë nga ne.
– Aq më mirë, tha Muli. Atë ditë po presim. Ata nuk thonë dot pastaj që u vra nga molotovi ynë, se po thanë kështu, atëherë ka të drejtë edhe Doktori që tha më 21 janar u vranë me çadër pistoletë.
– Dakord jam, tha Lelo, po mirë është të mos të të bjerë në pjesë të vdesësh nga molotovi, se është lemeri e madhe. Plumbin ku ta gjesh.
– Liria kërkon sakrifica të mëdha, tha Muli. Doktori e ka thënë vazhdimisht, por s’e paske pasur mendjen.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo si gjithmon bravo. Penë e arët je Mero Baze.
Hahahaha.... ????