Te fundit
Muli zbulon diagnozën që mund të kishte përdorur Salianji për mbjellje flokësh
14 Korrik 2025, 19:09Antena
TEMA
Muli u çudit nga diagnoza që ka përdorur Salianji për t’u shtruar në spital.
Sipas asaj që shkruhej, ai kishte marrë si trajtim Ablacion me radiofrekuencë për venën e këmbës së majtë.
Kjo i bie që ai të kishte variçe.
— Dëgjo, se ti e di që jam mjek vetë, i tha Muli, Lelos.
Po kjo është diletante. As një infermier nuk e bën këtë gabim.
Ai mund të shpikte një sëmundje me flokët.
Fjala vjen, të thoshte kam probleme me folikulitin.
Ky është infeksion ose inflamacion i folikulave të flokut – pra i rrënjëve nga ku rritet qimi/floku.
Zakonisht shkaktohet nga baktere, kërpudhat (fungal), viruse, irritim mekanik (rroje, fërkime, djersitje) ose produktet kozmetike të rënda që mbyllin poret.
Ky meqë përdorte shumë parfum mund të shpikte që e kishte pësuar nga parfumi apo nga fërkimet dhe djersitjet gjatë seancave gjyqësore që e bënin nervoz.
Dhe është diagnozë e besueshme.
Ky ka shkuar e ka shpikur variçet që janë të verifikueshme.
— Ndoshta atë ia kanë rekomanduar mjekët, tha Lelo.
— Po ai duhet të pyesë, tha Muli, se kjo është parti doktorësh.
Kryetari i Partisë është doktor, numri 2, d.m.th unë, jam koktor.
Kur nuk na pyet ne, kë beson ky njeri?
Se kjo tregon shenjë mosbesimi ndaj nesh.
— Nuk e di, tha Lelo, por qenka problem.
Nuk besoj se hap njeri hetime se PS nuk ka interes, se dëmtohet Ulsiu.
PD po, e ka të vetin, nuk besoj se e ngacmon njeri.
— Ka persona anonimë, tha Muli, si Nesti Angoni që të bëjnë gjëmën.
Ndaj duhet bërë kujdes.
Ai me këtë sëmundjen që them unë ishte në rregull, se prek rrënjët e flokëve. Dhe e kishte kollaj.
Thoshte: isha i sëmurë, u vizitova, më thanë duhen zëvendësuar qimet.
Dhe nuk e quante operacion kozmetik por mjekësor.
— Qenka nxituar, tha Lelo.
Duket që nuk beson tek njohuritë e tua mjekësore.
— Epo kjo është shenjë mosbesimi ndaj partisë, tha Muli.
Duhet ta shikojmë këtë punë. Nuk duhet të kalojë kaq lehtë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sipas burimeve te sigurta Sali ani eshte shtruar me kerkese te Grides per nderhyrje ne organin mashkullor ne permasat e preferuara nga Grida dhe per kete nderhyrje duheshin hequr qimet rreth organit dhe qe te mos venin dem ja mbollen ne koke. Nuk e kuptoj ku eshte shkelja ne kete ngjarje shume te rendesishme per te arthmen e PD.