Te fundit
Blushi tregon bisedën me belgun musliman në xhaminë e Elbasanit: Nuk më bindi se Zoti ekziston, si jeton 10 ditë mbyllur në xhami
1 Korrik 2022, 11:39Blog
Nga Ben Blushi
MEHDIU, BELGU MUSLIMAN
Shkova në xhaminë e Kalasë së Elbasanit. Nga dritarja pashë një djalë me mjekërr që lexonte. Ulur në qilim. Më thanë se ishte belg. i bëra shenjë se doja takoja. Doli pas gjysëm ore.
Anglisht?
Anglisht, thashë unë
Çfarë do?
Dua të të fotografoj,
Nuk të njoh dhe nuk dua të më fotografosh, tha
Do të të bëj vetëm një foto, i thashë
Nuk dua, tha belgu, nuk të njoh dhe nuk dua të të njoh
Unë jam shkrimtar, i thashë, fotografia ime nuk të dëmton
Je jashtë interesit tim, tha belgu, nuk pranoj të flas fare me ty
Po pse nuk pranon të flasësh me mua?
Ti më ndërpreve kur po flisja me Zotin, tani mos më ndërpre se do flas me familjen time
Ku është familja jote, e pyeta
Ja ku është, tha belgu, gruaja ime është shqiptare
Unë jam Brunilda, tha gruaja, ju njoh, ju kam lexuar librat
Faleminderit që erdhe, thashë unë, mbase e bind burrin të flasë me mua
Do ti flas në gjuhën tonë, tha Brunilda
Çfarë gjuhe flisni në shtëpi, e pyeta
Ne jetojmë në Bruksel dhe flasim flamand
Aty jeni martuar?
Unë kam shkuar me familjen në Belgjikë që 3 vjeç dhe aty u njoha me burrin dhe u martuam
Po ti je mbuluar vetë apo të detyroi burri?
Unë jam mbuluar që e vogël, nuk më ka detyruar njeri, tha Brunilda
Pyete burrin a pranon ta fotografoj?
Tani pranoj, tha belgu, shefja ime ka besim tek ty dhe mund të më bësh çfarë pyetje të duash
Unë nuk besoj në Zot, thashë unë, por ardhja e Brunildës këtu ndoshta ishte një mundësi që na dha Zoti për të folur
Të gjitha vendimet i merr Zoti dhe pasi të flasësh me mua ti do bindesh që Zoti egziston, tha belgu
Mirë është të flasim për gjëra më të thjeshta, thashë unë
Zoti është njëkohësisht gjëja më e thjeshtë dhe më e komplikuar e botës, tha belgu
Si e ke emrin, e pyeta
Mehdi
Ti je belg, s’mund ta kesh emrin Mehdi, më thuaj emrin e lindjes
Kjo nuk ka rëndësi, tha Mehdiu, unë tani jam Mehdi
Po në pasaportë si e ke emrin?
Për respekt ndaj prindërve të mi, mbaj ende emrin e tyre, por unë jam Mehdi
Si u bëre musliman Mehdi?
Duke parë Hënën, tha Mehdiu
Të gjithë e shohim Hënën por nuk bëhemi muslimanë, thashë unë
Kur isha 14 vjeç, një natë isha ulur në një stol dhe po shihja Hënën, ajo mu duk e përsosur dhe mua më lindën shumë pyetje, për të cilat nuk kisha përgjigje, tha Mehdiu
Ku i kërkove përgjigjet?
Në shkollë si të gjithë fëmijët, por shkolla nuk mi dha përgjigjet që prisja
Pra ti mendon që shkolla është e pamjaftueshme për të të kënaqur intelektualisht?
Po, sepse shkolla ka lindur për të edukuar kurse në rastin tonë ajo të indoktrinon, tha Mehdiu
Çfarë pyetjesh kishe ti që shkolla nuk i jepte përgjigje, thashë unë
A ka një krijues, kush e ka krijuar botën dhe ne vetë, kjo ishte pyetja ime themelore për të cilën kisha shumë dyshime
Dhe çfarë bëre, thashë unë
Pasi bëra një kërkim filozofik, u drejtova tek besimet fetare
Te cili besim shkove në fillim?
Islamin nuk e doja sepse ishte besimi i arabëve, prandaj fillimisht u drejtova në Judaizëm
U konvertove?
Pikërisht ky është problemi me Judaizmin, tha Mehdiu, duhet të kesh lindur hebre që ti përkasësh besimit të tyre
Pra u zhgënjeve, thashë unë
Prandaj nga aty kalova në katolicizëm që ishte më afër meje, tha Mehdiu
Natyrisht sepse ti je belg, thashë unë
As katolicizmi nuk më dha përgjigje,tha Mehdiu,sepse ky besim bazohet në tre elementë Zoti, Jezusi dhe Shpirti i Shenjtë, çka më duket diçka iracionale, sepse si mund të ketë tre Zota kur Zoti duhet të jetë vetëm një
Dhe ku shkove pas katolicizmit?
Në Budizëm, tha Mehdiu, por as aty nuk mora përgjigje megjithëse ata kanë një mënyrë jetese shumë paqësore
E paske kërkuar Zotin duke i rënë botës rrotull, thashë unë
Prit,tha Mehdiu, nga Budizmi shkova në Hinduizëm
Po aty çfarë gjete, e pyeta
Hinduizmi mu duk edhe më problematik se të tjerët, për ta lumi është Zot,
Po e vërtetë, thashë unë, për ta edhe lopa është Zot
Ata kanë një milion Zota por nëse bota nuk ka një Zot të vetëm, atëherë kaq shumë Zota do luftojnë me njëri tjetrin për dashurinë e njerëzve dhe bota do prishet
Pra e le dhe Hinduizmin për çfarë?
E lashë për Taoizmin Konfucian që është një gjë edhe më e ngatërruar se të parët, tha Mehdiu
Dhe ku gjete paqe me veten, e pyeta
Në Islam, tha Mehdiu, Islami më magjepsi
Çfarë të magjepsi në Islam?
Kur lexova Kuranin gjeta përgjigje për çdo gjë, përfshi edhe për vetë Jezu Krishtin
Çfarë thotë Kurani për Jezu Krishtin?
Kurani sqaron atë që unë e dyshoja, se Jezu Krishti nuk është Zot por është një profet dhe se Zoti është vetëm një dhe nuk ka tjetër, kjo është ajo që kërkoja
Pra ti vazhdon lexon Kuranin që nga ajo ditë pa pushim?
Kurani është shkruar në arabisht dhe kjo është një mrekulli letrare, dhe a e di pse?
Ma thuaj Mehdi, thashë unë
Gjuha shqipe ka vetëm një fjalë për fjalën kalë, a e di sa fjalë ka arabishtja për kalin?
Nuk e di, thashë unë
50 fjalë, tha Mehdiu, e kupton dot sa precize dhe e larmishme është gjuha e Kuranit?
Pra pasi u magjepse nga bukuria dhe thellësia e Kuranit ti u konvertove, e pyeta
U konvertova në vitin 2012. Shkova në xhami dhe pas kësaj dite, gjëra të mrekullueshme kanë ndodhur në jetën time
Çfarë ndodhi pas konvertimit?
U martova me një grua të shkëlqyer, tha Mehdiu
Kjo i ndodh edhe atyre që nuk janë konvertuar në Islam, thashë unë
Duro të ta tregoj, tha Mehdiu
Ma trego, thashë unë
Unë kisha vendosur të martohesha por nuk i kisha thënë askujt dhe as kisha kërkuar ndonjë grua dhe një ditë në xhami iu luta Zotit, o Zot më jep një grua të mirë
Edhe Zoti të solli Brunildën, Mehdi?
Duro, tha Mehdiu
Tregoja më shpejt, tha Brunilda
Në xhami, ngjitur me mua, ishte një burrë dhe sapo unë mbarova lutjen ai u kthye dhe më pyeti a do të martohesh, dua i thashë
Ti me siguri je lutur me zë të lartë, dhe ai të ka dëgjuar, thashë unë
Kjo është mrekullia, tha Mehdiu, unë u luta me vete, në heshtje pa zë, pa lëshuar asnjë tingull
Kjo është e pamundur, thashë unë, po pastaj?
Ai burri më çoi në shtëpinë e vjehrrit tim dhe aty biseduam, ata kishin qenë komunistë në Shqipëri dhe ishin konvertuar në Islam shumë përpara meje
Çfarë të tha vjehrri?
Më pyeti si jeton dhe pasi folëm erdhi vajza e tij Brunilda, ajo aprovoi dhe u martuam, tani kemi dy fëmijë një djalë dhe një vajzë
Pra Brunilda u martua me ty për shkak se ia kërkoi babai?
Për shkak se Zoti vendosi që ne të martoheshim, të tjerat janë rastësi që Zoti i krijon për të lehtësuar vendimet e veta
A kishe njohur grua tjetër përpara Brunildës?
Kisha shkëmbyer puthje me një vajzë por marrëdhënie për herë të parë kam patur me gruan time
Çfarë pune bën në Bruksel, si e mban familjen?
Jam infermier, tha Mehdiu
Po në Shqipëri pse ke ardhur?
Kam ardhur për Ramazan dhe meqë familja e gruas është nga Elbasani kam ardhur në këtë xhami
Çfarë bën në xhami?
Unë kam 10 ditë rresht në xhami, lexoj dhe falem 20 orë në ditë, fle katër orë, këto janë dhjetë ditët e fundit para Bajramit dhe janë ditët më të rëndësishme për ne muslimanët
Ti jeton pa dalë fare 10 ditë mbyllur në xhami?
Shkoj në shtëpinë e gruas vetëm për të bërë dush, sepse këtu nuk ka dhe tani gruaja dhe fëmijët kanë ardhur të më takojnë siç bëjnë çdo pasdite
Fëmijët e tu janë belgë?
Sigurisht, tha Mehdiu
Si quhen?
Djali quhet Rajan që do të thotë Dera e Parajsës
Po vajza?
Asije,
Mehdi kam edhe një pyetje, thashë unë
Po, tha Mehdiu
Ti si e ke emrin?
Mehdi,
Emrin para Mehdiut, thashë unë
Para Mehdit nuk ka asgjë, tha Mehdiu
Mehdi ma thuaj emrin, thashë unë
Unë jam Mehdi, tha Mehdiu, dhe mos më pyet më, po tani kam unë një pyetje për ty
Ma bëj, thashë unë
U binde që Zoti egziston?
Mrekullia që të ka ndodhur ty nuk është e mjaftueshme për mua, thashë unë
Atëherë do të tregoj mrekulli të tjera, tha Mehdiu
Nuk mbaj dot kaq shumë mrekulli në një ditë, ndoshta një herë tjetër, thashë unë
Prit, tha Mehdiu, unë lashë takimin me Zotin dhe me familjen për të të bindur ty
Derisa Zoti donte që ti të rrije me mua dhe jo me të ka patur një arsye, thashë unë
Pikërisht, tha Mehdiu, arsyeja është se Zoti do që ti të bindesh që ai është
Mbase këtë detyrë ua ka ngarkuar dhe njerëzve të tjerë, thashë unë, po shkoj ti kërkoj
Po thua që unë nuk munda të të bind, pyeti Mehdiu
Ty tu desh ti bije botës rrotull për të gjetur Zotin, po bëj dhe unë një xhiro mbase e gjej, thashë unë
Si të duash por nuk je në rrugën e duhur, tha Mehdiu
E di, thashë unë.
16 Komente
Lini një Përgjigje
Më të lexuarat
24 oret e fundit
Javen e fundit
Blog Tema
jane tipike kto Brockulla qe depertojne ne injorancen e atij vendi ,i cili eshte total jashte cdo Kontrolli te Shtetit ham -huma-ve - tipike sepse belgu los vetem Rolin e tij duke imituar mulsimanin ,qe te duket i besueshem para syve injoranteve fanatike ne Shqiperi ,,,pra mbasi te fitoje besimin dhe marre pse jo edhe nji far statusi dhe shikohet si dikushi mes idioteve( qe habiten para cdo te huaji ) qe e rrethojne ne xhami - do filloj te shpaje trurin dhe coj drejt Akteve Terroriste shqiptaret neper Bote ose brenda ne Shqiperi -do ti radikalizoje ata - Eshte e njeta Praktike qe Qarqe te tilla si ato qe Krijuan tipa si Bin Laden etj si Isis etj bene merper Bote siedhe gjate ishJugosllavise veprohej per radikalizimin e Islamiszimit ne Kosove ku Serbie i sillkte Hoxhat e Imamet per xhamite e Kosoves nga Republikant Muslimane te Bashkimit Sovjetike -qe i shpalnin trurin shqiptareve ne Kosov - diuke i radikalizuar braktisur Ndjenjen Kombetare se Islami eshte mbi Kombesine dhe besimi mbi Atdheun dhe nqs do shikojme frutet e mashtrimit e te shplarjes se trurit qe ju beri serbia me hoxhat e rusise i dallon jovetm ke Kurti me shoke por edhe ne fyrjet qe shume islamiste ne kosove ne videot i benin Heroit tone Kombetare . - Prandaj Shteti dhe shoqeria sduhet ta haj Sapunin per Djalthe o tru tredhur qe ala ju trajton Bota si neandertaler .Zhdukeni shkerdhaten se eshte Gjarper i tipit Janulla ne Komunitetet Fetare o popull hajvanesh qe po tallet cdo i huaj se le ca Leshra te gjate ju jep edhe noj far paraje dhe thot jame mulsiman un ! Jane Aktore o popull karagjozesh qe per para qisni bythen ke i huaji
Respekt i nderuar zotëri.
Tall erdoganin o Ben! Mire ja ben se keshtu e meritojne injorantet bythengrites. Mrekulli se u martua palla erdoganit! Si eshtr e mundur qe te gjithe injorantet nga gjithe bota perfundojne ne islam???
fillo kerko farmacine me te afert vlla .....
Genti , po ty mer kaqol ,,cfar te pickoi ?! Hahahahaha nji cop plehre kazani ,nderhyn vend e pavend e pellet si idiote ,pa ditur kujt i drejtohet dhe cfar thot !!!!!!
e cuditshme efekti i forte i substancave qe i detyron te gjithe keta perdoruesit te kthehen ne besimtar, ku as emrin e dikurshem sduan ta mbajne mend
besimi eshte personal ,komplimenta blushit per menyren sesi i sjell keto ngjarje ......dicka ndryshe larg konfromizmave mediaktike dhe formave te parapercaktuara ,biseda te thjeshta te rrjedhshme dhe me respket per bashkebiuseduesin(edhe pse e mendojne dnryshe)
Genti , Blushi eshte nje nga penat me te forta te shkrimeve shqip . Mos haro qe eshte i biri i Kico Blushit dhe i nipi i Dhimiter Shuteriqit .
C'ju ben te mendoni qe nuk e dija? .......
20 orë falje ne dit ca falje bohet 20 orë se 45 min rri zakonisht i kusho që kam besimtar praktikant??
U be mysliman per gruan dhe martesen me te e quajti si "mrekulli" i shkreti belgu Nese do te zbulosh nje profet te rreme, minimumin ai do dy gjera nga ty: gruan tende dhe paratë Muhamedi donte femite e vegjel dhe u martua me aishen 9 vjece pra pedofil qe bente fushata ushatrake "profet" alla Arabistani
Sa për kuriozitet. Meqë ra fjala për besimet në Indi.Kam njohur dikur një burrë të vjetër dhe me kulturë. Ishte mysliman nga Egjipti që kishte udhëtuar shumë nëpër botë. Një ditë pa pritur më tha se kishte jetuar disa vjet edhe në Indi. Aty ka shumë besime fetare, më bëri të ditur, para se të pohonte se disa nga ato besime janë edhe më tê drejta dhe më të dobishme edhe se sa islami apo krishtërimi! U habita nga ky pohim, që nuk e prisnja nga një mysliman praktikant. Por, siç thashë ai ishte njeri me kulturë.
Sa me shume kalon koha, aq me shume bindem ne kotesine e Blushit. Nuk jam ithtar i thashethemeve, por diku kam lexuar qe ky (Blushi), disa prej librave me te suksesshem i ka doreshkrime te pabotuara te gjyshit te tij. Kur krahason disa libra qe mbajne emrin e Blushit me artikujt qe kam lexuar se fundmi, bindem gjithnje e me teper ne vertetesine e ketyre thashethemeve. Mundesia tjeter eshte qe Blushi eshte ne nje faze shterpesie, dhe nuk mundet te ngrihet ne nivel. Per te ardhur keq.
Cdo shkrimtar ka stilin e tij dhe stili i Blushit nuk ngjane me ate te Shuteriqit.Sa per tematike as qe mund te diskutohet.Ka te ngjare qe ju nuk keni lexuar gje as nga SHUTERIQI AS NGA BLUSHI
Cdo shkrimtar ka stilin e tij dhe stili i Blushit nuk ngjane me ate te Shuteriqit.Sa per tematike as qe mund te diskutohet.Ka te ngjare qe ju nuk keni lexuar gje as nga SHUTERIQI AS NGA BLUSHI
Blush. Ne politike ju kam urryer por si prozator Jeni vertete brilant. Ju uroj gjithë te mirat.