Te fundit
Drejtësi e vrarë dy herë!
7 Tetor 2025, 09:40Blog
TEMA
Nga Lutfi Dervishi
Vrasja e një gjyqtari brenda sallës së gjyqit nuk ishte thjesht një akt kriminal, por një shfaqje e dështimit institucional dhe, ç'është më e keqja, e kolapsit moral. Drejtësia u vra dy herë: një herë nga plumbi brenda "tempullit të ligjit" dhe një herë nga jo pak përgëzime që pasuan në rrjetet sociale. Një shoqëri që gëzohet për një vrasje, sepse e sheh atë si "drejtësi alternative", ka vrarë më parë ndërgjegjen.
Kjo është fytyra e dhimbshme e një shoqërie që e ka humbur besimin tek drejtësia dhe e ka zëvendësuar atë me emocionin e momentit, me hakmarrjen si "shpagim" Kur sistemi dështon të japë drejtësi, njerëzit fillojnë ta marrin atë në dorë, dhe kur edhe kjo kthehet në spektakël publik, kemi hyrë në zonën gri ku krimi fillon të ngatërrohet me moralin.
Drejtësia nuk është shpagim, është proces. Nuk është pasion, por provë. Dhe asnjë padrejtësi, sado e rëndë, nuk mund të justifikojë marrjen e një jete. Kur vret një njeri është sikur ke vrarë gjithë njerëzimin - thuhet në librin e shenjtë.
Këto komente tregojnë një plagë shumë më të thellë: krizën e besimit tek institucioni i gjykatës dhe gjyqtarit. Reforma në drejtësi, e trumbetuar si një revolucion, u përqendrua në ndëshkimin e zyrtarëve të lartë, duke harruar thelbin – që drejtësia nuk është "peshk i madh" apo "i vogël", por një sistem që funksionon për çdo qytetar. Ndërsa publiku priste rezultate spektakolare, dhjetëra mijëra dosje mbetën në sirtarë, qytetarët u zhytën në pritje të pafundme, dhe dosjet u kthyen në relike.
Nëse para vitit 2016 një proces zgjaste mesatarisht 2 apo 3 vjet, sot ka çështje që zgjasin 15 apo 20 vjet. Drejtësia e vonuar është drejtësi e munguar. Dhe kur vetë Kryeministri pret 7 vjet për një vendim në shkallë të parë, ç’mund të presë qytetari i zakonshëm përballë një sistemi që ngjan më shumë me një tunel pa dalje sesa me një gjykatë?
Por kriza e besimit nuk lindi vetëm nga vonesat. Ajo ushqehet përditë nga bullizmi publik ndaj gjyqtarëve e prokurorëve, i nisur shpesh nga kreu i qeverisë, që ka arritur deri aty sa publikon emrin, foton, vendin e punës së gjyqtarit, duke e kthyer në shënjestër të turmës. Dhe kur figura e gjykatësit denigrohet publikisht, kur institucionet si KLP dhe KLGJ heshtin, atëherë rruga drejt linçimit moral dhe fizik bëhet e shkurtër.
Gjithmonë do të ketë të pakënaqur nga drejtësia, sepse çdo vendim ndahet mes një pale që fiton dhe një pale që humb. Por asnjë pakënaqësi nuk mund të kthehet në justifikim për dhunë. Në vitin 1997, kur shteti ishte shkrirë dhe armët ishin në çdo cep, gjyqtarët nuk u prekën. Sot, në kohë paqeje e reformash që nuk ndalen, një gjyqtar vritet në detyrë, në zemër të sistemit, dhe në rrjetet sociale dëgjohen duartrokitje. Ky është një sinjal alarmi për çdo njeri që beson se jeton ne një vend ku duhet të sundojë ligji.
Për ta kthyer arsyen dhe shenjtërinë e jetës, nuk mjafton një deklaratë ngushëlluese dhe justifikuese. As premtime për ashpërsim të dënimeve. Nuk funksionon. Duhet një reflektim, nga çdo hallkë: Politika, që duhet të ndalë retorikën e dhunës dhe përdorimin e drejtësisë si armë për linçim;
Media, duhet të ndalë normalizimin e urrejtjes, dhunës, fjalës së fundit, banalitetit dhe të promovojë pse jo fuqishëm mendimin kritik, por jo hakmarrës!
Dhimbja nuk shërohet me një plumb dhe ai që niset për hakmarrje gjithmonë hap dy varre.
Nëse duam drejtësi, duhet të fillojmë duke mbrojtur ata që e japin atë. Gjykatësi nuk është armik, por një figurë që mban ekuilibrin e shoqërisë. Është në interesin e gjithekujt që gjykatësi të jetë jo vetëm i sigurt, por edhe i qetë, i mbrojtur, madje edhe i lumtur, sepse vetëm kështu mund të japë drejtësi.
Një shoqëri që gëzohet për një vrasje, është një shoqëri që ka vrarë më parë ndërgjegjen. Dhe kur ndërgjegjja hesht, krimi fillon të flasë në emër të drejtësisë.
Nëse duam të jetojmë në një vend ku gjykata është simbol i shpresës, jo i frikës, duhet të ringremë jo vetëm institucionet, por edhe moralin publik. Sepse, në fund të fundit, një shtet që nuk mbron jetën, nuk ka të drejtë të flasë për drejtësi.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
gjakdhjeri gerrko afrikan mongoli dervish perpiqet te turbulloj ujrat duke sjell data e aluzime gjasme analistesh por gjakdhjeri gjakdhjer ngelet.....pik
Lutfi Dervishi eshte bisht i Saliut, nje plehre dhe vemje e urryer per kedo.
Foli edhe ky i gjeologjikes i shpëlarë me ujë makaronash. Qartazi njerzit e thjeshtë varfërohen sepse vidhen e poshtërohen çdo ditë; shtetarët, mes tyre edhe gjykatësit e prokurorët pasurohen e majmen se vjedhin çdo ditë. Këtë a ma spiegon dot ti o dervish Lutfiu??? Apo nuk ke bythë për kësi gjanash??
QArtë dhe qartësiSht. Faleminderit.
O Lyti provoje nje here cfare drejtesi MUTI kemi dhe pastaj fillo dhe jep mend njerzve per komentet ne rrjete sociale.......... Te rjepin te gjalle........ Dhe jo vetem Prokuroret... Gjyqtaret.. Petagoget... Doktoret te rjepin per se gjalli......... Prandaj boll na cave bythen me moral......... Duhet urgent denimi me vdekje dhe jo pordhet e juaja qe na cani bythen mengjes. Dreke e Darke.............. Nuk qe budalla ai Xhaxhi per ligjet dhe rendin se ashtu mbahet Shteti
Per te thene te verteten ju qe jepni gjykime pa dogane jane vrasesit e dyte te dretjesise
Me sa kuptohet nga informacionet që jepen, nëse sto janë të sakta, ngjarja që komentohet është jashtë emocioneve që shkakton një vendim gjyqësor i padrejtë. Në këtë rast kemi të bëjmë me këmbënguljen kriminale të një njeriu të vendosur deri në çmenduri për të fituar me gjyq diçka që nuk i takon. Nëse ai këmbëngul se pronën që s'i takon e ka "blerë" duke i paguar 70 mijë euro një gjyqtari të shkallës së parë (ndoshta edhe kryetarin e bashkisë), kjo lidhet me rolin kriminal të korrupsionit në nxitjen e krimit. Këtyre nuk mund t'u dilet përpara me thirrje për ta nxitur popullin të ketë besim te drejtësia - gjë e paarritshme nëse populli vijon të vuajë pasojat e një drejtësie që ushtron padrejtësi. Profesorët e analizave dhe opinioneve shkencore për analizat e opinionet e tyre duhet të mbështeten tek i gjithë kompleksiteti i zhvillimeve. Pse nuk i hyhet me themel se pse nuk u zbuluan vrasësit e gjyqtarit Ikonomi? Cili nuk deshi, kush pengoi, interesat e cilit kriminel dhe sidomos porositës krimi prekeshin. Këtu pleksen drejtësia me politikën, veçanërisht me mafien e pronave. Çfarë tregonte për drejtësinë "e re" refuzimi i SPAK-ut për për të marrë përsipër çështjen e 21 janarit? A mund t'i harrojë opinioni qëndrime të tilla? Refuzimi për zbardhejn e një krimi është mbrojtje e krimit dhe kështu krimi pjell krimin.
Fajtori kryesor eshte EDI RAMA! Ai duhet te mbaje pergjegjesi. Boll me me fjale boshe!
More faqezi, Nongrata I shan me familjes CDO dite gjyqtare dhe prekurore, ti kapesh me Ramen qe po mbron interesin public. Jeni te pa shprese, prandaj kapeni Tek fija e barit! Jeni lumi qe koha do tju pastrojevsebashku me kriminelin qe mbeshtesni.
Pirdh pirdh or ! .Ta mbaje pergjegjesine SALHONJA,qe krijoi keta DRU ME PRE,per drejtesine me permbysjen e diktatures……Donte pushtet familjar prandaj krijoi keto mostra….ne drejtesi dhe ne shendetesi si dhe ne arsim….ti h..e nje m.t madh kohes se Enver Qoftelargut!
O Lutfi: *...kemi hyrë në një shoqëri ku krimi ngatërrohet me moralin*? O Lutfi, po mirë që krimin e kuptojmë........