Te fundit
Ervin Salianji nuk do jetë problem për pushtetin, por për vetë PD-në
8 Korrik 2025, 18:26Blog
Nga Simon Hadaj
Lirimi me kusht i Ervin Salianjit dhe rikthimi i tij si triumfator në selinë e Partisë Demokratike u shoqërua me përqafime dhe mesazhe solidariteti, por, në të vërtetë, pas kësaj fasade ka shumë xhelozi dhe pasiguri.
Futja e tij në burg nuk u prit me trishtim nga të gjithë në PD. Përkundrazi, shumë prej tyre në heshtje fërkuan duart. Jo pse ishin dakord me dënimin, por sepse për një pjesë të mirë, largimi i përkohshëm i Salianjit ishte një lehtësim në betejat e brendshme të partisë.
Është e qartë se Salianji nuk e ka pasur dhe nuk e ka problemin me pushtetin. As në të kaluarën, e as sot. Çështja e tij – e lidhur me një video të fabrikuar, që shumica brenda vetë PD-së e pranojnë si të tillë – ishte produkt i ambicies personale. Pikërisht kjo ambicie e çoi në burg. Siç do të shkruante Shekspiri për Çezarin: “E vrau ambicia e tij”. Në rastin tonë: e burgosi ambicia e tij.
Por tani që burgimi ka përfunduar, përballja e vërtetë e Salianjit sapo ka nisur. Dhe ajo nuk është me qeverinë. Është me strukturat dhe figurat brenda PD-së. Ai është pa mandat deputeti, dhe brenda partisë është e qartë që do të lëvizen fijet për ta mbajtur jashtë çdo funksioni politik në shtator. Sepse ai është një rrezik real për balancat e brendshme dhe për ambiciet që kishin bërë llogari pa të nëpër këmbë.
Grupi parlamentar i PD-së nuk është se e ka pritur me entuziazëm rikthimin e tij. Këlliçi dhe Bardhi duhet të jenë djersirë në këtë vapë korriku teksa kanë ndjek intervistën e tij në media nga selia e PD.
Shtatori do të vijë shpejt dhe mendoj se Salianji do të shndërrohet në problemin e radhës për vetë PD-në. Dhe koha do të tregojë se sa e gatshme është partia për ta përballuar këtë problem të brendshëm, që ka ardhur jo nga kundërshtarët, por nga njëri prej të vetëve.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
????? Per asnje nuk do jete problem ky fshatari.Edhe ky do haje nje cope buke prane doktorrit dhe Grides,sigurisht qe nuk do ta kete rracionin e madh,po do llokocitet ne politiken shqiptare per nje fare kohe dhe avash avash do harrohet.
PD në po e zë muti i vet dhe muti i Berishës . Nuk ka asnjë shpresë. Një jashtëqitje historike.
Kruahu kruaju o Salian. Shpejt ta qet dosjen Argita ty dhe Grides.