Te fundit
Koha për pendesë si e vrasësve me pagesë!
16 Gusht 2024, 10:26Blog
TEMA
Nga Denis Dyrnjaja
Ashtu si në botën e krimit ku dialektika i vendos rrethanat dhe individët në një moment të caktuar kohe që t’i nënshtrohen realiteteve dhe rrethanave duke kuptuar se versioni më i mirë për pjesën e mbetur të jetës është pendesa, edhe në poktikë mund të ndodhë i njëjti fenomen pendesa përballë popullit. Do të ishte një akt i mirëpritur dhe kontribut i madh për shoqërinë nëse aktorët e shumë akteve, skenarëve e ngjarjeve të rëndësishme në vend se të akuzonin ndërsjellë njëri tjetrin, të hapnin letrat e të vërtetave, pra t’i nënshtroheshin pendesës.
Psh Ilir Meta aktualisht president i Partisë së Lirisë, ish- president, ish- kryetar Parlamenti e ish- kryeministër i këtij vendi po akuzohet publikisht nga Lulzim Basha si njeriu i pazareve me bllok në dorë. Dhe Basha e akuzon Metën se ka “ngrënë” e përfituar në kurriz të Partisë Demokratike ndaj distancimi ndaj tij është i domosdoshëm thotë ai. Në këto kushte nëse jemi vërtet në ciklin e ndërgjegjes, Ilir Meta nuk ka nevojë të reolikojë apo të ironizojë me Bashën, por mjafton të tregojë cili ishte roli dhe ndërhyrja e tij e rëndësishme te ish- kryetari i KQZ Arben Ristani në zgjedhjet lokale të Vitit 2011 për të ndryshuar rezultatin e zgjedhjeve në favor të Bashës që i kishte humbur faktikisht zgjedhjet lokale përballë Edi Ramës, deri kur u mor vendimi për të quajtur të vlefshme edhe ato fletë votimi që ishin cilësuar të pavlefshme e që përmbysën rezultatin në favor të Bashës edhe në prezencë të Ambasadorit Amerikan të kohës.
A shkoi ndonjë “valixhe” në zyrën e Ristanit dhe çfarë kishte brenda saj, para cash, dokumenta apo diçka tjetër? Cili ishte qëndrimi i Ristanit përballë këtij fakti dhe pse refuzoi ai valixhen?! A i fitoi realisht zgjedhjet lokale për kryetar bashkie asokohe Lulzim Basha apo iu dhurua rezultati falë një kombinacioni të disa aktorëve të fuqishëm të politikës dhe biznesit që ishin të interesuar që Bashkinë e Tiranës ta merrte PD me çdo kusht? Cili ishte roli i të ndjerit Sokol Olldashi për ndikimin e rezultatit në favor të Bashës në KQZ?
Pikërisht të Lulzim Bashës që më pas “deformoi” zgjedhjet për kryetar PD-je kundër z Olldashi dy vjet më pas në 2013-ën kur koalicioni me ish LSI u shpërbë e Berisha dha dorëheqjen si kryeministër e si kryetar partie pas humbjes dërmuese në zgjedhje me 1 milion vota. Është koha e të vërtetave jo e gjysmë të vërtetave. z Meta o flit o hesht për ato pazare të bëra në favor të Lul Bashës me qëllim që të ngrihej e bëhej lider i opozitës dhe me perspektivë kryeministër i vendit.
Ai po ju akuzon sot si njeri i pazare të errëta me bllok në dorë, atëherë tregoni dhe ju te vërtetat tuaja sikurse ai po tregon të vërtetat e tij duke iu implikuar juve. Një ditë qelbi politik do plasë e të vërtetat do të mësohen dhe kjo është e shëndetshme edhe për shoqërinë edhe për demokracinë.
Është koha që dikush të hapë gojën e dikush bllokun e shënimeve e të tregojë të vërtetat e inskenimeve dhe trillimeve. Ndryshe të gjitha gjysmëakuzat dhe shantazhet me kode janë një betejë që nuk i shërbejnë publikut por interesave të politikës së ditës të menaxherëve të pisllëkut.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore ku gjendet tashti pijaneci RISTANI,besoj ne come alkoliko.
Të dija burrë të zgjuar zoti Dynjaja, por shoh se qënke për të ardhur keq. Edhe sa duhet të rrosh ti për të marrë vesh se këta i përdorin sharjet kundër njëri tjetrit për sport, bile duke arritur deri aty sa ti klasifikojnë si një mënyrë efikase për arritjet politike. Po ka ku të vejë më lartë steka e hipokrizisë sa momenti kur për bllokun e Metës Rama ngriti 50-100 mijë njerëz kundër qeverisë, 4 u vranë, dhjetra u plagosën dhe 2 vjet më vonë lidh koalicion me të, duke bërë qeveri të përbashkët? Berisha e akuzonte Nanon si vrasës që mbulonte aksidentin automobilistik ku shkaktoj vdekjen e një qytetari dhe kur ti shohësh të dy si pëllumba në pallatin e brigadave!! Pastaj, a nuk e ke të qartë zoti Dyrnjaja, se hajdutët mund të flasin dhe akuzojnë njëri tjetrin për një mijë vjedhje, por kurrë nuk zënë në gojë rastin kur në të njëjtin moment dhe në të njëjtën kohë të natës takohen kur donin të vidhnin të njëjtën bankë? Kështu edhe rasti i vjedhjes së votave nga Basha, Meta, Olldashi për kryetarllëkun e Tiranës, vodhën së bashku votat, por kurrë nuk ja zinin në gojë njëri tjetrit. E me mijra raste që nuk ja zënë në gojë njëri tjetrit, por bëjnë shaka me ato raste që nuk ju hynë gjëmb në këmbë. Basha në këtë rast sulmon Ilirin për bllokun, vetëm për t'i thënë Berishës se do të flasë nëse ti nuk më vendos në listën për deputet në renditjen e sigurtë.
Ketyre lloj pordhitikaneve duhet vazhdimisht ti kujtojme nje shprehje " o mer e mba o dhit e ha ".
Loni , te marrte dreqi barkun re laco , Po faktin qe te tre babucet , nga gojet e tyre katran nuk Po reshtin se hedhuri heme e balte ndaj Bashes ? Edhe aq te thella nuk Jane keto , Po Loni Lacua kaq mend ka .
Mero , te dh... Dyrnjane ! Kaq shume e vleresoke qe na censurove ?