Te fundit
"Të arrestohet Berisha e Meta, të varet në shesh Rama" - Një provë për të shpjeguar dështimin e SPAK
23 Dhjetor 2022, 11:00Blog
TEMA
Nga Blendi Kajsiu*
Ekziston një pakënaqësi e madhe me SPAK-un edhe pse është nga të paktat institucione që përfaqësojnë një rreze dritë në errësirën e shtetit shqiptar. E majta është e pakënaqur sepse SPAK nuk ka futur ende në burg Berishën dhe Metën, ndërkohë që djathats drejtësia nënkupton vetëm arrestimin, dhe mundësisht varjen në shesh, të Edi Ramës. Ndërkohë që shoqëria shqiptare duket e zhgënjyer pasi SPAK në dy vite punë ende nuk i ka dhënë fund korrupsionit të prodhuar në 30 vite tranzicion.
Është një zhgënjim që buron nga pritshmëria sa e lartë aq edhe jo-realiste që aktorët politik dhe shoqëria kanë për SPAK. Pas “zhgënjimit” të aktorëve politik në fakt qëndron dëshira e tyre që SPAK mos ta ngrejë kurrë kokën. Deklarata si ajo e Ilir Metajt se “nuk kemi parë rezultate nga SPAK” nuk janë thjesht cinike por profeci vetë-përmbushëse. Probabiliteti që SPAK të dështojë rritet proporcionalisht me klithmat “SPAK ka dështuar”.
Meqenëse jemi ende nën efektin botërorit mund ta na lejohet një analogji me futbollin, pavarësisht injorancës së autorit në këtë fushë. Imagjinoni një lojtar me emrin SPAK që sapo del në fushë të gjithë tifozët i bërtasin “dështak”, “i paaftë” apo “i shitur”. Natyrisht që probabiliteti që ky lojtar do dështojë rritet dhe kështu britmat e tifozëve prodhojnë pikërisht rezultatin që kishin “identifikuar” paraprakisht.
Në rastin e shoqërisë shqiptare në përgjithësi zhgënjimi nuk është nga dëshira që SPAK të dështojë, por nga konfuzioni mes drejtësisë juridike dhe asaj politike. Është një konfuzion i natyrshëm, por që ushqehet dhe nxitet nga aktorët politik për të prodhuar zhgënjim tek shoqëria me SPAK-un dhe për pasojë dështimin e këtij institucioni.
Drejtësia juridike bazohet në standarte që janë shumë më të ngurta e të kufizuar se standartet politike. Në ligj ekzistojnë limite kohore mbi dënimin dhe hetimin e një vepre penale. Një shkelje ligjore që prodhon një dënim maksimal prej 10 vitesh burg nuk mund të hetohet nëse kanë kaluar 20 vite nga kryerja e saj. Për pasojë shumë akte korruptive, shkelje apo dhunime të ligjit që janë bërë para 10, 15 apo 20 vitesh nuk mund te hetohen apo dënohen sot.
Drejtësia politike nga ana tjetër nuk ka limite kohore dhe nuk bazohet tek prezumimi i pafajësisë. Në kuadrin e drejtësisë politike ne si shoqëri do vazhdojmë të kërkojmë drejtësi pafund për Gërdecin edhe pas 20 vitesh, do vazhdojmë të kujtojmë vrasjet e 11 janarit të 2011 para kryeministrisë apo aferën e inceneratorëve të qeverisë Rama edhe pas 30 vitesh.
Ama këto janë ngjarje politike që pas 20 apo 30 vitesh nuk mund të zgjidhen jurdikisht nga institucione si SPAK apo sistemi i drejtësisë në përgjithësi. Standartet e tyre janë shumë të ndryshme mga standartet politike. Përgjegjësia politike mund të ekzistojë edhe kur mungon tërësisht përgjegjësia juridike. Në këtë aspekt politikja dhe jurdikja janë dy fusha që ndonëse ndërthuren nuk janë identike.
Ndaj të pretendosh që drejtësia jurdike e SPAK do prodhojë drejtësinë politike të munguar në sferën tonë publike do të thotë ti vendosësh SPAK-ut një objektiv të paarritshëm. Drejtësia politike ka të bëjë me disa standarte bazë shumë më të gjera se standartet e drejtësisë juridike. Ndryshe nga sa mendojnë shumica e qytetarve standarti politik duhet të jetë më lart dhe më kërkues se standarti juridik.
Mjafton një shembull i thjeshtë për ta kuptuar këtë. Jurdikisht është e pamundur të dënosh dikë për krimet e familjarëve. Ama politikisht kjo është e mundur dhe e llogjikëshme. Në rastin e Gërdecit, për shembull, Berisha nuk mund të dënohet juridikisht për përfshirjen e djalit të tij në këtë skandal. Ama politikisht kjo përfshirje ka, kishte, dhe do vazhdojë të ketë, kosto politike për ish kryeministrin. Në këtë pikë standarti politik duhet të ishte më sipër, dhe jo më poshtë, standartit juridik.
Natyrisht që shumë kritikë të Berishës me të drejtë argumentojnë se ky i fundit ka përgjegjësi juridike sepse ka fshehur përfshirjen e të birit në këtë krim duke manipuluar dhe kërcënuar drejtësinë. Ndaj SPAK duhet të veprojë dhe ta dënojë atë juridikisht. Në këtë mënyrë doktori del nga skena politike dhe vihet në vend drejtësia politike nëpërmjet drejtësisë juridike.
Por standarti juridik në këtë rast është shumë poshtë standartit politik. Berisha duhet të kish dalë nga skena politike që pas shpërthimit të Gërdecit, apo minimalisht duhet të ishte tërhequr nga posti i kryeministrit, pavarësisht ekzistencës apo jo të përgjegjësive juridike.
Një kryeministër në qeverisjen e të cilit ndërtohet një bombë bërthamore mes Durrësit dhe Tiranës, në mes të ditës, me përfshirjen e familjarëve të tij, që vret dhjetëra qytetarë dhe plagos e dëmton me qindra të tjerë, nuk ka legjitimitet për të qeverisur në një demokraci. Ky standart politik, që duhet ta kish eleminuar Berishën politikisht, i paraprin përgjegjësisë juridike të tij dhe nuk mund të reduktohet tek kjo e fundit.
Mungesa e standarteve politike minimale që lejojnë Berishën, Metën dhe për pasojë edhe Ramën, të riciklohen pafund në skenën politike është një problem që nuk mund dhe nuk duhet ta zgjidhë SPAK. Natyrisht është e thellë ironia e faktit që pikërisht ata aktorë politik, dhe mbështetësit e tyre mediatik, që kanë hedhur në erë standartet politike, e fajsojnë SPAK-un se nuk po pastron ujërat e ndenjura të politikës sonë.
E vërteta është që SPAK dhe sistemi gjyqësor në përgjithësi nuk mundet dhe nuk duhet të rekuperojë standartet e munguara politike të skenës sonë publike, sepse në këtë mënyrë politizohen dhe deformohen. Njehsimi i llogjikës juridike me atë politike, nuk forcon standartin politik por dobëson dhe deformon standartin juridik.
Një nga keqkuptimet themelore të fushatave të sukseshme anti-korrupsion është idea se ato udhëhiqen nga sistemi i drejtësisë. Në fakt sistemi i drejtësisë është instrumenti i fundit anti-korrupsion. Drejtësia futet në veprim gjithnjë me vonesë, atëherë kur korrupsioni ka ndodhur, pra kur është shumë vonë. Ndërkohë anti-korrupsioni i suksesshëm është parandalues dhe jo prapa-veprues.
Një sistem politik, administrativ dhe ekonomik që prodhon korrupsion në cdo pore të tij nuk mund të pastrohet nga një grusht gjygjtarësh dhe prokurorësh sado heroik dhe heroike qofshin ata apo ato. Natyrisht kjo nuk do të thotë që sistemi i drejtësisë nuk është i rëndësishëm në luftën anti-korrupsion. Ama një shoqëri që pastrimin e pret thjesht nga gjygjësori e ka humbur betejën me korrupsionin.
Idea se aktivizmi gjygjësor apo juridik (judicial activism) mund të pastrojë të gjithë korrupsionin që prodhon shoqëria, ekonomia dhe politika është thjesht fantazi. Fushata e famshme juridike anti-korrupsion Duart e Pastra (Mani Pulite) në fillim të viteve 1990 në Itali e udhëhequr nga prokurori i famshëm anti-korrupsion Antonio Di Pietro e fshiu klasën politike të vjetër dhe të korruptuar italiane. Ama i hapi rrugën krijimit të një klase të re politike edhe më të korruptuar me në krye Berluskonin.
E njëjta gjë ndodhi me fushatën gjygjësore anti-korrupsion Lavazhi i Makinave (Lava Jato) në Brazil që burgosi ish-presidentin Lula pak vite më parë. Rezultati i saj ishte ardhja në pushtet e Jair Bolsonaro, një përfaqësues i të djathtës ekstreme braziliane sa i korruptuar aq edhe anti-demokratik.
Në të dyja rastet fushata juridike ishte e sukseshme në burgosjen dhe dënimin e politikanëve të nivelit të lartë por e pasukseshme në forcimin e standarteve politike që kufizojnë korruptimin e politikës. Sistemi i drejtësisë nuk mund të prodhojë dhe forcojë standartet politike që burojnë nga sistemi politik, mediatik, social dhe ekonomik i një shoqërie. Klientelizmi dhe autoritarizmi politik, kapja e shtetit, abuzimi me pushtetin, nga ku buron korrupsioni, nuk janë fenomene që eleminohen thjesht me sistemin e drejtësisë.
E përsëris se me këtë nuk dua të them se sistemi i drejtësisë nuk është themelor në luftën anti-korrupsion. Ama ai është korrektues dhe jo reformues i sistemit politik. Nga ai nuk mund të presim mrekullira apo shëndoshjen e një sistemi politik, ekonomik dhe mediatik të degraduar. Kjo është një sfidë kryesisht politike dhe jo juridike.
Rasti i Donald Trump në SHBA është një shembull i mirë i kësaj sfide. Presidenca e Trump me nivelet e larta të korrupsionit ishte dhe mbetet një goditje e fortë për standartin demokratik amerikan. Ama goditja më e madhe që ka marrë fenomeni Trump nuk ishte nga sistemi i drejtësisë, me gjithë përpjekjet e tij, por nga Kongresi i SHBA-ve. Më specifikisht nga komisioni hetimor për ngjarjet e 6 Janarit të 2022 ku mbështetësit e Trump u përpoqën të organizojnë një grusht shteti.
Ky komisioni hetimor, që me siguri do ketë edhe pasoja juridike, e goditi politikisht dhe jo thjesht juridikisht, Trumpin dhe trumpizmin. Ai u tregoi dhe vërtetoi qytetarëve amerikan përfshirjen direkte të Presidetit Trump në grushtin e shtetit dhe rrezikun që ai përfaqëson për demokracinë dhe kushtetutën amerikane.
Mediat luajtën një rol vital në këtë proces duke i kushtuar rëndësi komisionit dhe gjetjeve të tij. Pra standarti politik që vendosi ky komision u bë nëpërmjet politikës dhe medias dhe jo nëpërmjet sistemit gjygjësor. Ky i fundit fillon të veprojë dhe të ketë sukses vetëm pasi është vendosur një standart politik që e përcakton si të papranueshëm një president që nuk respekton normat politike demokratike.
Dicka e ngjashme ndodhi edhe me skandalin e incerenatorëve në Shqipëri. Arrestimi i ish-ministrit të mjedisit Lefter Koka nga SPAK ishte një hap i rëndësishëm në ndricimin e këtij skandali. Ama ishte komisioni hetimor parlamentar i opozitës, në bashkëpunim me mediat, që e popullarizoi skandalin, informoi popullatën, dhe nxorri në pah përgjegjësinë politike të ekzekutivit në përgjithësi dhe të kryeministrit Rama në vecanti.
Në këtë aspekt komisioni hetimor vendosi një standart të ri transparence dhe llogaridhënie të paparë në politikën shqiptare. E thënë ndryshe, goditja politike që mori ekzekutivi ishte shumë më e madhe nga komisioni hetimor sesa nga arrestimi i SPAK-ut. Fatkeqësisht ky fakt u injorua dhe e gjithë vëmendja u përqendrua tek mungesa e përgjegjësisë juridike të Ramës në këtë cështje dhe jo tek përgjegjësia e qartë politike që komisioni hetimor e nxori në pah.
Mund të jetë e pamundur për SPAK të vërtetojë juridikisht përgjegjësitë administrative apo penale të kryemnistrit Rama në cështjen e incerenatorve. Për këdo që e njeh sadopak ligjin kjo është e kuptueshme sepse vendimet kolegjiale si ato që merren nga Këshilli i Ministrave nuk prodhojnë përgjegjësi juridike individuale. Kjo është llogjika juridike dhe e tillë duhet të jetë, për arësye që nuk kemi hapësirë ti shtjellojmë këtu.
Ama kjo nuk do të thotë se kryeministri Rama nuk ka përgjegjësi politike të mëdha për një skandal ku u kontraktuan firma fantazëm, ku shteti vazhdoi të pagojë firma me administrator në arrati. Natyrisht që kryemninistri mund të deklarojë me të drejtë që gjithcka u bë pa dijeninë e tij, por kjo nuk e cliron atë aspak nga përgjegjësia politike për ndërtimin e një qeverie dhe administrate publike që mundëson abuzime kaq skandaloze me paratë publike.
Prandaj SPAK dhe drejtësia jurdike anti-korrupsion që ky institucion përfaqëson nuk mund dhe nuk duhet të zëvendësojë drejtësinë politike e cila ndërtohet nga e gjithë shoqëria, duke përfshirë aktorët politik, social, ekonomik dhe mediatik. E thënë troc, nuk mund të presim nga SPAK që të bëjë rinovimin e munguar të klasës sonë politike apo reformën e munguar të institucioneve tona politike.
Së pari, sepse se drejtësia juridike ofron një standart shumë më të ulët se drejtësia politike. Së dyti, sepse nuk mund të vendosësh drejtësi juridike pa një minimum standartesh politike. Pak efekt ka futja në burg e një politikani të korruptuar për sa kohë ai apo ajo ka mbështetjen e një pjese të mirë të elektoratit. Nuk është detyrë e SPAK të bindë votuesit që të mos votojnë politikanët e korruptuar, të clirojë mediat e kapura nga biznesi dhe pushteti, apo të shkatërrojë monopolet partiake që eleminojnë rinovimin e politikës.
Ndaj është hipokrizi e madhe llogaria që i kërkojnë SPAK-ut politikanët që kanë abuzuar prej dekadash me pushtetin, mediat e përfshira në kapjen e shtetit, gazetarët që shpesh mbështesin dhe reabilitojnë politikanët e korruptuar, apo qytetarët që votojnë po të njëjtët politikanë që prej dekadash e rrjepin shtetin shqiptar. SPAK-u nuk duhet të kthehet në kurbanin politik që na çliron të gjithëve nga mëkatet tona. E trishtë do jetë dita kur Rama, Berisha dhe veçanërisht Ilir Meta të na thotë “na mbyti korrupsioni sepse SPAK dështoi!”.
*Titulli origjinal: Drejtësia juridike dhe ajo politike
30 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E meritojne te tre....por mendoj se ko fiskimi I pasurise I dhemb korrupsionit...kush kapet ne korrupsion zyrtar e gjithe oasuria konfiskohet....kaq
Ne cilin shtet te lirise demokratike nuk egziston korrupsjoni vecanerisht me fondet dhe me sektiorin publik ? Nese politikanet bejne nje ligj baze anti-korrupsjon duhet qe vete ligjberesit ti tremben ligjit , p.sh.: 1- Per jeten ne vazhdim te mos ju lejohet qe te punesohen ne asnje nivel te sektorit publik qe ka pjesemarje nga buxhedi shteteror . 2- Te ju shtetezohet pasuria qe ata kane . 3- Te humbasin vjetersine ne pune , pra vjetersine per pension , qe kane nga sektori publik ku kane kryer veprime koruptive , qofte edhe per 10 Euro .
Pse dallim mes klyshve te PPSh. Varianti ne shesh te Tiranes me i dobishem, ose ne qender te Surrelit ti behet gjyqi.
Shyqyr qe mbaroi. Nje leksion kaq i gjate vlen per ne universitete. Na lodhi nga koka. Prit se mos i del fundi e ska. Rresht pas rreshti,paragraf pas PARAGRAFI E FUND NUK KISHTE KY ARTIKULL.Na merziti. Sa me shkuter aq me mire e me i kuptueshem.
lidheni kte psikopat se mos haj noj kopan kokes dhe rrezi e sherohet pastaj hahahah .Kulmi Pedrasteve te kazanit
Une nuk e kisha durimin te te lexoja se kishe shkruar roman, por lexova qe thoshe se ka ligje qe krimet e kryera po kaluan 10 15 apo 20 vjet nuk mund te gjykohen, dmth krimet falen! Kush i ka bere keto ligje dhe a mund te bejne ligje te reja ata qe i kane bere qe te denohen dhe kur shkojne ne varr pa percaktim??? Une mendoj se kush do ti sherbeje popullit dhe shoqerise duhet te beje ligj te denoje kriminelet dhe hajdutet pa percaktim kohe dhe jo popullin! Ndryshe njerezit duhet bejne vetegjyqesi masive!
Te Lumte Blendi nje shkrim shume domethenes uroj ta lexojne sa me shume dhe ta kuptojne qe mos te riciklojne tenjejtet politikane te provuar e sterprovuar prej 30 vjetesh faleminderit
Ate e morem vesh moj " Arjana " , por si do ja bejme per ndeshkimin e autoreve te krimeve qe jane bere ne kete vend ?
Perveç çsarçafit që ke shkruar nuk na thua as gje të re. Sali krimineli duhet të ishte arrestuar që në vitet 97,98 kur i vuri zjarrin e shkaterroj Shqiperin e Shqiptaret. E pas tij Like Metaj apo Meta. E sa per Edi Ramen mos e perziej Me keta krye MAFJOZE. Nuk ka vrare e as ka djegur Shqiperin.
Perpos deshirave te militanteve te majte e te djathte, eshte domosdoshmeria e mbare nje populli te traumatizuar nga Varferia dhe Maskaralleku qeverises i Rames me 40 kurvica per ta hequr nga zverku kete qeverisje-qelbesire.
Blendi je shumë gabim Nese dikush mëriton më u varë në sheshin Skenderbeu ata janë Sali Karaxhiqi dhe Ilir spiun Mutaj te cilet kanë bërë vrasje krime hajni dhe shkaterrimin e Shqiperisë ne tersi
Do kesh pesu goditje me cekic pa ban dallime….
Nuk ka dy njerez te barabarte. Duhet diferencime. S' mund te jene te tre njelloj.
Ata ishin 4 !!!! po zotrote ata Jan të gjith njìmut I shperber. Me gjith Tos e Fino ... etc etj
Ky shqipetari gjak prishur duhet ta kuptoje mire se zvarre duhet te hiqen berisha e meta , qe e kane marre zvarre kete popull e kete vend dhe nuk kane lene gje pa vjedhur e grabitur. Kane vrare e kane prere dhe gjemb nuk u ka hyre ne kembe dhe ironia eshte se nga vilat 10 miloneshe ( eurosh) te Gjirit te Lalezit cirren e ngjirren te vijne perseri ne pushtet, qe te luftojne korrupsionin. Edvin Rama as qe duhet pare si keta sepse ska fare, fare ngjashmeri. Eshte pikerishte ai , qe ka bere te shofim sot se te ndeshkuarit jane vetem nga ana e qeveritareve ne pushtet, gje e cila as qe mund te mendohej te ndodhte me Berishen. Dhe nuk eshte fare merite e opozites por merite e ketije KM qe i jep hapesiren kesaje opozite te kryej roline saje. Gjat e ka tjerrur ky analisti e na thot se edhe pse kane bere gjithe te zezat me vrasje e grabitje dhe gjithe felliqesite, perseri ja hedhkan sepse i ndihmon faktori kohe, po mire mor zoti analist, po kjo drejtesi nuk fillon dot nje hetim per prejardhjen e pasurive te tyre ?!. Dhe aty del ne se ato e kane preardhjen nga Vicidoli e Cepani i Skraparit, apo nga grabitja e pasurise se shqipetareve.
Per te bere nje permbledhje dhe analize te shkrimit te B.Kajsiut me rezulton se ka nje diskordance midis sistemeve juridik dhe politik.Une mendoj se politika eshte primare duke qene se ka privilegjin te jete ligjhartuese.Ne keto kushte politika duhet detyruar qe ne berjen e ligjeve per pergjegjesine e saj nuk duhet te amnistohen ne asnje rrethane per mekatet e saj ne ushtrimin e pushtetin dhe aq me pak per faktorin kohe.Kjo duhet te behet ne te mire te shoqerise dhe vendit.Eshte per kete arsye (amnistimit)qe nje grup zullumqar dhe hajdute-kriminele te cilet bertasin per rikthim ne pushtet pa patur asnje ndjese pendese per te keqijat qe I kane bere ketij populli.
Vendi i qelbesirave nuk behet nga qelbesirat!
Blendi ke koncepte te pa themelta dhe siperfaqore per drejtesine politiken dhe per familjen. Ne shkrimin e mesiperm kush eshte e pathemelta: Nuk mund te denohet nje familje( e ke per familjen Berisha) shprehesh. Te duket Çudi qe e tere familja eshte e perfshir ne korrupsjon qe nga babaj, nena, e bija, dhe i biri dhe ne vrasje qoft me dashje apo pa dashje? Ky eshte nje koncept feminor dhe sentimental ne mos tolerant, ne se ke njohje. Se dyti thua se nuk mund te denohet nje politikan qe ka mbeshtje popollore, E çuditeshme! Nje marrezi edhe kur mbeshtetet nga mijra njerez prap marrezi ngelet. Dhe per drejtesine je teresishte me ide te gabuara kur thua se nuk ka ç"ben spaku. Drejtesia ndikon shume ne shoqeri Per disa gjera dytesore ndoshta ke pak te drejte. Mos shkruaj kaq gjate.
Gerdeci p.sh. Te gjithe shqiptaret , te majte , te djathe dhe gri e dine si ndodhi edhe pse ndodhi .E dine pergjegjesine e Berishes , por pavaresisht se juridikisht nuk u denua dhe siç duket nuk do denohet votuesit shqiptare duhet ta denonin politikisht....por Berisha çuditerisht vazhdon te kete votues !!! Poshte injoranca!
Nje gje nuk kuptoj perse ish kryetari i SPAK vazhdon punen ne ate institucion, Ai i tregoi popullit se nuk eshte i denje per ate institucion, duhet te ndryshoje rregullorja per per zgjedhjen e personelit te SPAK duke i zvendesuar personat e paafte dhe frikacake te mos jene atje si ne nje streh per te vegjetuar dhe shijuar benefitet..
O ti Blendi Pjeshka qe duhen denuar te gjithe zyrtaret dhe politikanet qe fusin doren ne pasurite publike kete e dime te gjithe por nje gje duhet ta kuptosh qe me varje duhet denuarkrimineli sali berisha dhe ilir bibilushin
Nje gjermane,ish sekretare ne nje kamp nazist doli ne gjyq pas 75 vjetesh se kish dijeni per krimet.Ne shqiperi pas 10-20 vjetesh hajdutet dhe kriminelet mund te jene te paprekshem nga ndeshkimi.Ligje muti ne nje hale shtet
Zoti Kajsiu; nuk ka kohe krimi, aq me teper krimi I vrasjes. Ne Amerike dhe Canada kujtohet nje plake qe para 50 vjetesh nje bire qe tani eshte ne buze te varit, ka bere sex pa lejen e saj dhe ai denohet. Besoj se I dini keto lajme. Nuk duhet te kete kohe per Gerdecin, 11 Janarin, vjedhja e floririt( thasarit te shtetit, etj, etj….
ky eshte shkrim dhe analize e vertete. Me fakte i argumetuar. Nuk eshte opnion. Eshte analize politiko-juridike e thelle.
Si keshtu more Kajsiu prap Rama doli me fajtor se Saliu dhe Likja apo me qe te solli me Kopin.
More burre pis ne cdo shkrim fut dhe barazon Ramen ke keta kriminel ,e dime cfare kane bere te dy Non Grata e Ilir Spiuni ,po Ramen per cfare e akuzon ,per ata te dy the ,kane bere kete e ate krim ,por ti qenke me te vertete pis burre ,legen burre ,e te gjithe te zezat qe ka nje njeri ,thuaj cfare krimi ka bere Rama ,qe te themi dhe ne jane njelloj te tre
Neritan bravo! Ramen nuk duhet ta perzjei fare me Berishen dhe Meten. Berisha dhe Meta kane bere krime,kurse Rama ka bere krime se e akuzojn ata qe kane bere krime,Berisha me Meten. Rama dallon si dita me naten nga ata maskarenj.
Bledi! Shpjegimi yt eshte I merituar dhe I qarte! Por.... per qytetaret eshte vuajtje cinizmi we tregojne Berishe nongrata dhe Ilir spiun dhe e shoqja e ti qe flete si e pacipe dhe e paturp ne menyre ordinere. Mos valle duhet nje ligj qe ne rastin qe keto qelbesira tallen me popullin, me gjakun etj. te rishikohet ligji. Psh per ngjarje jane me pasoj vdekjen e njerezve te rritet koha e paraskrimit pa limit. Se kuptoj 26 te vrare ne Gerdece, 4 te tjere ne 21 janar 2011, nuk mendoj se mund ti kufizosh per te bere drejtesi.Eshte jete njerezish.
Verten artikull. Verteni vjen pas hostenit. Ka hosten qe perdoret kur qet i mbren ne qerre,verteni kure mbren qet ne plug dhe plugon toket,ose hosten are.Ky artikull ishte verten.
Dita kur do varen Politikant Lidera shqiptare ne sheshin Skenderbe do ndryshoje Shqiperia per me mire. Amin! = Per fat keq, kjo ska per te ndodhur, dmth, ...ahhahahahhahahahhaa, lol