Te fundit
Të paktën dikush u paqtua me rrëzimin e qeverisë
15 Janar 2026, 12:25Blog
TEMA
Nga Frrok Çupi
Ai qe një burrë i shkurtër dhe trashaluq. Ose dukej më i shkurtër për shkak se ndodhej i vetmi i ngritur mes militantëve të ulur. Ndoshta gjysmën e gjatësisë ia kishin ngrënë.
-Më dëgjo këtu, zoti Berisha!, nisi fjalën ai burri para se të zotëronte mikrofonin.
I drejtohej shefit të tij si të ishin duke kositur barin së bashku.
Ngjarja ndodhi në Lezhë, para dy ditësh, por ai dukej se vinte nga periferitë e ‘livadhit’.
“Dëgjomë mua!”- tha prapë. “Ke ba gabim me gjithë ata dollarë që ia dhe amerikanit për të të heq non- gratën!. Ma mirë t’i kishte shpërndarë dollarët në 1000 burra dhe këta ta rrethonin qeverinë e ta hiqnin qafe!”
Burri i kolm nuk mundi të thoshte se mes 1000 donte të ishte edhe ky vetë.
Por i lëshoi një stuhi terrorizmi në fytyrë doktorit.
“Ti, bre burrë duhet me i qit fare këta!’
‘Me i qit fare!’, ka kuptimin me i shfaros të gjithë.
Militanti i PD në konferencën e Lezhës i ledhatoi plagën e vjetër Berishës. Ky e ka provuar më parë ‘t’i qesë fare’ opozitarët, gazetarët, aktivistët kombëtarë, protestuesit, gërdecarët, vlonjatët, cërrikasit, dhe popull të thjeshtë që kërkonte paratë e veta. Por nuk ia doli.
Megjithatë propozimi i militantit ia përkëdheli sedrën Sali Berishës. I hodhi një shikim si nën vetull, buzëqeshi dhe shkroi në letër “të mbledhim 1000 burra, si dikur 400 luftëtarë në Mamuras’.
E kanë mbushur dunjanë me mashtrim.
Mirëpo Saliu kapi vetëm entuziazmin e ‘terrorit me 1000 burra’. Nuk kapi ironinë e burrit të kolm në Lezhë. Ironia e tij, nëse ishte ironi apo pasion, qe tragjike. Ai donte t’i thoshte kryetarit të PD se nuk mund ta rrëzoni Ramën. Mund ta rrëzoni vetëm me një kusht. Kushti është ky:
“Ju e rrëzoni Ramën vetëm nëse i shfarosni të gjithë!”
Militanti, edhe pse periferik, e ka marrë vesh se qeveria përfaqëson shumicë absolute të popullsisë.
Po t’u hysh këtyre si në vitet e errëta të PD, i bie që t’i palosësh të gjithë dhe të marrësh pushtetin. Kaq e thjeshtë është. Ndryshe nuk ka mundësi.
Ose do të kishte ide me dobi nëse ishin një muaj para zgjedhjeve dhe kryetari u mburrej se ‘do të marrin shumicën’.
Por as kjo nuk ndodh. Sepse zgjedhjet sapo mbaruan dhe i dhanë Ramës 83 deputetë. Si për t’i thënë populli ‘ja ku e ke kapitalin e votës, por mos lë të na bezdisin as të na kthejnë në gropën ku na kishin”.
Ose mund të kishin këta aq vota në Parlament sa Rama të kishte vetëm 69.
Atëherë si u rrëzoka qeveria dhe merr pushtetin Salia, natën pa hënë?
Janë mllefur politikanë idiotë, të korruptuar, gangsterë, budallenj, pseudo- gazetarë, mbledhur ‘gjithë qelbësirat’… Dhe mashtrojnë njëri tjetrin. Por besojnë edhe se e përhapin mashtrimin në popull.
Gjithë fusha e veprimit të PD që nga ‘shfarosi të gjithë’ e deri në orët e fundit, është një mashtrim i madh, një paturpësi, një paradë ‘më mirë gënje kot se rri kot!’.
Akti i fundit ishte prapë ‘goditje’ për të rrëzuar qeverinë.
Krerët në PD u ngrefosën me punën e vizave për në SHBA. Shpikën urdhrin e presidentit amerikan. Pastaj iu sulën qeverisë: “Pse i ndaloni njerëzit të shkojnë në emigracion’.
Deri në atë moment, që është i fundit, nuk ishin marrë vesh me vetveten:
“Morë, more zotëri vetvetja!, po deri mbrëmë nuk lamë gjë pa thënë pse qeverisa lë njerëzit të shkojnë në emigracion!!?”. Duhej të mbetej fusha bosh, sipas predikimit në partinë e Lezhës.
Sot e kishin me ‘rrëzimin përmes shfarosjes’.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O zoti Frok ! ............A të kujtohet bre burrë qysh vitet e para, kur edhe Ju ishit pjesë e Saliut, ai vetëm frymëzonte më rrugaçërine që nga jugu e sidomos në Shijak, në Mamurras, në Laç, në Shkodër, në Tropojë e kudo neper Shqipëri për të penguar të ndjerin Fatos në lëvizjet e tij e deri tek të ndjerin Bashkim Fino të shkonte në Shkodër............Mesa duket edhe ai Lezhiani prej malcie, si i frymëzue që që ka qënë dikur, kishte vërejtën për dollarët e dhëna La Civitas............Ai do ketë qënë pjesë e atyre bandave të asaj kohe i mësuar me atë metodën me para, por sot është më i moshuar dhe me PROSTATË, prandaj kërkon parë për protestë............Të rinjtë ja kanë kallur demagogut sepse nuk janë ata "dru me pre" të viteve 90-të.
Akoma leh ky spiuni i qoftelargut
Rrugen se si te vijne ne pushtet e rrefen fashisti Xhin Xhoni, per te cilin nuk ka rendesi vota e popullit. Kjo parti terroriste po arrin pragun e ,zhdukjes
Sa fat të keq paska pasur ky vend! Njeriu i Zi, Sali Ramë Sheqere Berisha përçau dhe sundoi afërsisht po shkon gjysmë shekulli që më këtë veprimtari të tij arriti duke kundërvënë shqiptarin kundër shqiptarit për të arritur të sundojë dekada të tëra. Djalli tashmë po jep shpirt dhe kujdes se fundi i tij është i rrezikshëm! Perëndia do të marrë hak prandaj qëndroni të bashkuar dhe mëndjehapur!
Saliut i kane rene pordhet. Edhe pak e do veje per shěle!!!