Te fundit
“Do të nxjerr videot”, zbardhen detaje të reja nga vrasja e gruas shtatzënë në Itali, lidhja jashtëmartesore me shqiptarin
20 Dhjetor 2023, 11:19Bota
TEMA
Detaje të reja janë publikuar nga mediat italiane në lidhje me vrasjen e 27-vjeçares Vanessa Ballan mëngjesin e së martës 19 dhjetor, në Treviso.
Autori dyshohet të jetë Bujar Fandaj, një 41-vjeçar shqiptar me origjinë nga Kosova.
Ballan dyshohet se ka pasur një lidhje jashtëmartesore me Bujar Fandaj, të cilës dyshohet se i ka dhënë fund pak kohë më parë.
Pas ndarjes kanë lindur dhe përplasjet mes 27-vjeçares dhe 41-vjeçarit shqiptar, ku ky i fundit e shantazhonte se do t’i publikonte video intime.
27-vjeçarja, e cila ishte shtatzënë në momentin e ekzekutimit, e ka denoncuar në polici 41-vjeçarin për përndjekje.
Ajo banonte në Riese Pio X me partnerin e saj, si dhe me djalin e tyre 4-vjeçar.
Shqiptari hartoi planin e hakmarrjes dhe e vuri në zbatimin mëngjesin e së martës. Me furgonin e punës si korrier, ai shkoi në banesën e Vanesës, parkoi mjetin dhe doli në pjesën e pasme të shtëpisë.
41-vjeçari theu xhamin e pasëm, dhë mundi të futej në godinën ku banonte ish-e dashura.
Me një thikë në dorë ai e ekzekutoi 27-vjeçaren, duke e qëlluar 7 herë në bark.
Hetuesit, të udhëhequr nga prokurori Michele Permunian, e cilësuan skenën përballë të cilës ata u gjendën si një masakër të vërtetë.
27-vjeçarja u gjet në shkallët jashtë banesës nga partneri i saj rreth orës 12:00, kohë kur ai ishte kthyer nga puna për pushimin e drekës.
Karabinierët identifikuan vrasësin nëpërmjet furgonit dhe bënë të mundur arrestimin e tij pak para mesnatës, pranë banesës së tij në Altivole.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po sa koqe popull jemi ne o zot? Vrasim grate kur kane dashnor, por ama vrasim edhe dashnoret tona se kane burra. Ne shqiptaret jemi debila dhe kafshe te pa krahasueshme.
Eksport krimi "Made in Albanistan"