Te fundit
E pathëna për Mariupolin: Ç’fsheh nëntoka e saj, që Rusia kërkon ta marrë me patjetër?
8 Prill 2022, 11:57Bota
TEMA
Gjeologët e quajnë atë “Mburoja e Ukrainës”. Kjo tokë në pjesën qendrore të vendit fillon nga kufiri verior me Bjellorusinë deri në brigjet e detit Azov, dhe sipas studimeve të Shërbimit Gjeologjik të Ukrainës, depozitat e litiumit janë të fshehura në shkëmbinjtë e lashtë të kësaj mburoje. Çështje e rinovueshme.
Dhe tani kemi ardhur te pika e rëndësishme: vendet më të mëdha që janë zbuluar janë kryesisht rreth zonës së Mariupolit, një qytet port i shkatërruar nga bombardimet ruse!
“Kjo mund të mos jetë arsyeja kryesore e pushtimit, por pasuria minerale e Ukrainës është padyshim një nga arsyet pse ky vend është kaq i rëndësishëm për Rusinë,” tha Rod Schoonover, ish-drejtor i Departamentit Kombëtar të Inteligjencës dhe Mjedisit të SHBA-së.
“Nafta e re”
Litiumi përdoret në sasi të mëdha për qëllime të ndryshme si për prodhimin e baterive, për polimerizimin e elastomerëve, në ndërtim dhe për sintezën organike në industrinë farmaceutike dhe argokimike. Vendet që e shesin atë xhirojnë miliarda, ata thonë se litiumi është një “nafta e re”.
Që nga viti 2007, segmentet më të rëndësishme të përdorimit të litiumit kanë qenë bateritë primare (të ashtuquajturat “litium”) dhe akumulatorët (bateritë dytësore ose litium-jon). Pa litium nuk ka celularë, makina, laptopë…, ndaj është e qartë pse mund të bëhen luftëra edhe për këtë mineral.
Ndërkaq, litiumi ukrainas filloi të tërhiqte vëmendjen botërore vitin e kaluar, përpara se agresioni rus të ndalonte kërkimet. Nëntorin e kaluar, kompania australiane European Lithium tha se ishte afër sigurimit të të drejtave për dy depozita premtuese të litiumit në rajonin e Donetskut (Ukraina lindore) dhe Kirovogradit, në qendër të vendit. Në të njëjtin muaj, firma kineze Chengxin Lithium pretendoi gjithashtu të drejta për disa depozita, të cilat do t’i lejonin Kinës të fitonte depozitën e saj të parë në Evropë.
“Meqenëse nuk ka depozita të zhvilluara, dyshoj se burimet e litiumit janë motivimi për sulmet në juglindje,” tha Schoonover për Renewable Matter, por paralajmëroi se nëse rajoni binte nën kontrollin rus, rezervat e litiumit sigurisht që do të përfitonin Kremlinin.
Rezervat botërore
Ukraina ka 10 për qind të rezervave botërore të hekurit, 6 për qind të titanit dhe 20 për qind të grafitit, por gjithashtu ky vend ka më shumë se vetëm minerale. Për shembull, në verilindje, afër kufirit rus, ekziston një pellg sedimentar 400 milionë vjeçar, i mbushur me materiale organike dhe shkëmbinj argjilor të zi që mbartin sasi të mëdha qymyrguri dhe metani.
Potenciali është i madh, dhe kjo mbështetet nga fakti se një pjesë e pavarësisë energjetike të SHBA-së është për shkak të nxjerrjes së metanit nga këto shkëmbinj në tokën amerikane.
Ekziston një sektor tjetër që lidhet ngushtë me burimet ukrainase: qeramika italiane. Gjegjësisht, cilësia e pllakave qeramike italiane varet nga importi i argjilës dhe kaolinës nga Ukraina, një mineral i nxjerrë nga guroreja e Donbasit. Në industrinë italiane të qeramikës, 25 për qind e lëndëve të para, përfshirë argjilën që konsiderohet e çmuar, vijnë nga Ukraina.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
perendimi nuk ishte budalla qe kerceu perpjete per te ndihmuar Ukrainen me gjithe rrezikun e madh qe mbart ky veprim kundrejt rusise. Perse serbi do te ishte i kenaqur me shkembim teritoresh me Kosoven ? Ne “Mitrovicen e veriut” jane minierat e Trepçes ! Lufterat e sotme behen per vendet qe mbartin lende te pare. Ata qe e kane duhet te behen te zgjuar qe ta kene per vehte e jo per tjetrin. Konfliktet e se ardhmes do te ndodhin per kontrollin e energjise dhe lendes se pare. Asnjeri nuk e rruan per vende si Shqiperia qe mbartin e prodhojne vetem mut. Vetem te prapambeturit bejne konflikte te kota
Ke të drejtë, por unë do pres të dielën për të dëgjuar Alfred Cakon. Ai është thënë si i të gjithë "të pathënave" që ka universi. Po sikur aty të jenë hyrjet e tuneleve nëntokësore, 10 km poshtë sipërfaqes, ku pedofilët demokratë transportojnë fëmijët e grabitur në botë? Ka shumë mundësi që kjo luftë të mos jetë e Rusisë. Mund të jenë ushtarët e Trampit që po sulmojnë ushtarët e demokratëve pedofilët. Disa gjëra nuk i dini ju, prandaj prisni të djelën për të parë katrorin rethor, a kathrorin retor. Ose më mirë Alfred Cakon.
Mos e shih, aman ore, mos.
Rusia ka aq teritor, minerale e rezerva sa nuk di cfare ka dhe sa ka. Ceshtje muzhikesh, evropa iu vret syte dhe nuk rrine dot pa lufte. Arsye eshte kjo, sulmojme se na u afru NATO.