Te fundit
FOTOT: Jared Kushner prezanton planin ambicioz për rindërtimin e Gazës, kostoja mbi 25 miliardë dollarë
22 Janar 2026, 17:24Bota
TEMA
Një plan ambicioz për rindërtimin e Rripit të Gazës, të cilin vetë Donald Trump e ka përshkruar si një “copë toke shumë të bukur” u prezantua nga Jared Kushner gjatë një aktiviteti të “Këshillit të Paqes” në Davos.
Projekti parashikon nisjen e rindërtimit nga pjesa jugore e territorit dhe kërkon investime që vlerësohen në të paktën 25 miliardë dollarë.
Duke paraqitur vizionin e tij zhvillimor, Kushner theksoi se plani bazohet në sigurinë, çmilitarizimin e zonës përmes çarmatimit të Hamasit dhe në parimet e tregut të lirë.
Sipas tij, projekti shtrihet në katër faza dhe nis nga Rafahu, vazhdon në Khan Younis dhe përfundon në Qytetin e Gazës.
Sipas Kushner, planet zhvillimore të Këshillit të Paqes për Gazën përfshijnë:
Bashkëpunim me Hamasin për çmilitarizimin e zonës
Zvogëlimin e varësisë së Gazës nga ndihma e huaj
Ndarjen e territorit në zona “rezidenciale” dhe “turistike bregdetare”
Ndërtimin e 100 mijë banesave në Rafah, si edhe në të ashtuquajturën “Gaza e Re”
Gjatë fjalës së tij, dhëndri i presidentit amerikan Donald Trump prezantoi slajde që paraqisnin rindërtimin gradual të Rripit të Gazës, duke nisur nga jugu.
Sipas Kushner, qyteti i Rafahut, i cili pësoi dëme të mëdha gjatë operacionit ushtarak izraelit kundër Hamasit, mund të rindërtohet brenda dy deri në tre vjet.
Kostoja totale e planit për të gjithë Gazën, sipas të dhënave të paraqitura, arrin në të paktën 25 miliardë dollarë, pa u sqaruar ende se kush do të marrë përsipër financimin e këtij projekti.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Yyyt skuth i peshtire. Mafioza
Resorti Turistik i Gazes do jete fantastik. Shpresoj te bej pushimet aty pas 2 vitesh.