Te fundit
Gjermania me sytë nga ombrella bërthamore e NATO-s
12 Shkurt 2026, 22:40Bota
TEMA
Ministri gjerman i Mbrojtjes, Boris Pistorius e poshtë idenë e krijimit të një mbrojtjeje bërthamore thjesht europiane, duke nënvizuar se ombrella bërthamore e NATO-s vazhdon të jetë thelbësore për sigurinë e kontinentit.
“Ne jemi ende një aleancë dhe nuk jam i gatshëm ta varros atë para kohe. Nuk shoh asnjë rrezik që kjo të ndodhë në këtë moment”, u shpreh Boris Pistorius.
Sipas Pistorius, Strategjia e re e Mbrojtjes Kombëtare e Shteteve të Bashkuara riafirmon përkushtimin amerikan ndaj parandalimit atomik në Europë, pavarësisht kritikave që presidenti Donald Trump ka lëshuar drejt aleatëve europianë.
“Mund të spekulohet për shumë gjëra, por të mendosh se ne do të mund ta zëvendësonim ombrellën bërthamore të SHBA-së tani, apo edhe pas pesë apo dhjetë vjetësh, është thjesht iluzion.
Prioritet duhet të jetë mbajtja e Shteteve të Bashkuara brenda NATO-s. Aleanca duhet të bëhet më europiane për të mbetur transatlantike. Kjo do të thotë që vendet evropiane duhet të marrin shumë më tepër përgjegjësi”, u shpreh Boris Pistorius.
Muajt e fundit, disa politikanë të lartë në Europë kanë shprehur dyshime nëse garancia bërthamore amerikane mund të merret ende si e mirëqenë, duke pasur parasysh qëndrimet e paparashikueshme të Trumpit, e për këtë arsye kanë kërkuar që BE-ja të zhvillojë kapacitetet e veta të parandalimit bërthamor.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cdo gje do te vendoset pas zgjedhjeve te nentorit per kongresin e ri ne Usa. Nese fitojne republikanet, Gjermania ta haroje sigurine e ombrelles berthamore amerikane. Kete duhet te thote Pistorius.
Nje vleresim i sakte dhe i njenjte me te sekretarit pergjithshem te NATO’s , te cilet europianet e kritikuan pa kursim…
Gjermania ka hallin se ka gjysmen e rezervave te saj te floririt ne New York. Nuk mund te kundershtoje Trumpin se ai mund tia konfiskoje keto rezerva, ashtu sic do aneksoje edhe Groenlanden. Prisni deri mot te shihni si do ndryshoje qendrim Gjermania, kur te kete edhe nje tjeter Kancelar si ose vete Merkelin.
@ Gjermania... Floriri dhe Greonlanda jane dy gjera te ndryshme qe vetem nje idjot me urrjtje pathollogjike mund ti quaje e njeta gje....