"Jam transgjinor", rrëfimi i deputetit britanik: Në shtator më përdhunuan, s’do ta harroj kurrë

Deputeti britanik, Jamie Wallis ka bërë të ditur se është transgjinor dhe se ka qenë viktimë e përdhunimeve dhe shantazheve. Deputeti për Bridgend tha: ” jam transgjinor, ose më saktë, dua të jem”, ndërsa u diagnostikua me disfori gjinore.

Wallis, i cili fitoi mandatin e tij në zgjedhjet e përgjithshme të 2019-ës është bërë deputeti i parë transgjinor në Britaninë e Madhe. Në një deklaratë të postuar në faqen e tij të internetit pak para orës 3 të mëngjesit të sotëm, Ëallis shkroi: “Unë jam trans. Ose për të qenë më i saktë, dua të jem. Jam diagnostikuar me disfori gjinore dhe jam ndjerë kështu që kur isha fëmijë shumë i vogël.

Nuk kisha ndërmend ta ndaja kurrë këtë me ju. Gjithmonë kam imagjinuar se do të largohesha nga politika përpara se ta thosha këtë me zë të lartë.”

Ai tha se kishte pasur një “telefonatë” në vitin 2020 ku dikush e kishte shantazhuar dhe më pas i kishte dërguar babait dhe familjes së tij fotografi të tijat.

Sipas deputetit, personi në fjalë donte 50,000 paund për të heshtur. Policia ishte mbështetëse dhe mirëkuptuese dhe me këtë rast sistemi funksionoi. Deputeti tha se autori pranoi fajin dhe u dënua me dy vjet e nëntë muaj burg, raporton The Times.

“Për një kohë dukej sikur do të isha në gjendje të vazhdoja me gjërat dhe të vazhdoja përpara. Të qenit deputet dhe të fshehësh diçka të tillë do të ishte gjithmonë e vështirë, por me arrogancë supozova se e kisha dëshirën. Disa muaj më parë, në shtator u lidha me dikë që e takova në internet dhe kur zgjodha të thoja “jo” kur ai vendosi mos të vinte prezervativ gjatë marrëdhënies, ai zgjodhi të më përdhunonte. Nuk kam qenë vetvetja që nga ky incident dhe nuk mendoj se do të shërohem ndonjëherë. Nuk është diçka që harrohet kurrë. Unë nuk jam mirë.”

Wallis iu referua një incidenti në nëntor kur ai përplasi makinën në një shtyllë pranë shtëpisë së tij. Fillimisht ai u arrestua me dyshimin për drejtimin e mjetit në gjendje të papërshtatshme, dhe më pas u gjobit për mosrespektim të shenjave rrugore.

Rusët nuk mbajnë premtimin që dhanë në Stamboll, bombardohet gjithë natën Chernihivi

12:05 Bota

FOTOT: A është serbe snajperia vrastare e Putin dhe pse u braktis nga rusët?

12:01 Bota

Lufta me Rusinë? Finlanda e ka gati planin

11:47 Bota 11 komente

Udhëheqësit e BE-së të prerë me Kinën: Përdorni "levën" tuaj për të ndaluar Putinin

11:46 Bota

Arsyet reale pse shumica e rusëve mbështesin pushtimin e Ukrainës

11:35 Bota 1 koment

Kurthi i Putinit, çfarë fshihet pas tërheqjes së ushtrisë nga Kievi

11:10 Bota 10 komente

Një turp zviceran, që duhet refuzuar nga shqiptarët!

10:58 Bota 32 komente

Hungari: “Gjendje lufte të ftohtë civile”

10:42 Bota

Rusia vendosi 2 mijë trupa në Ukrainë nga territoret e pushtuara të Gjeorgjisë

10:35 Bota

Ish komandanti i NATO-s: Për sa kohë të jetë në pushtet Putin nuk do të ketë paqe në Europë

10:31 Bota