Negociatat në “fazën finale”, Trump kërcënon Iranin: Ose marrëveshje, ose “gjëra të pakëndshme”

Presidenti amerikan Donald Trump deklaroi të mërkurën se negociatat me Iranin kanë hyrë në “fazën finale”, ndërsa paralajmëroi për sulme të tjera nëse Teherani nuk pranon një marrëveshje.

Gjashtë javë pasi Trump pezulloi operacionin “Epic Fury” për të hapur rrugën e armëpushimit, bisedimet për t’i dhënë fund luftës kanë shënuar pak përparim. Vetë Trump ka deklaruar këtë javë se ishte shumë pranë urdhërimit të sulmeve të reja, por vendosi të presë për t’i dhënë më shumë kohë negociatave.

“Jemi në fazën finale me Iranin. Do të shohim çfarë do të ndodhë. Ose do të kemi një marrëveshje, ose do të bëjmë disa gjëra paksa të pakëndshme, por shpresoj që kjo të mos ndodhë”, u tha ai gazetarëve.

“Do t’i japim edhe një shans kësaj. Nuk jam me nxitim. Idealisht do të doja të shihja sa më pak njerëz të vrarë, në vend të shumë”, shtoi Trump.

Nga ana tjetër, Teherani akuzoi Trump se po përgatit rifillimin e luftës dhe paralajmëroi se çdo sulm i ri do të pasohet me hakmarrje përtej Lindjes së Mesme.

“Nëse agresioni ndaj Iranit përsëritet, lufta rajonale e premtuar këtë herë do të shtrihet përtej rajonit”, deklaroi Garda Revolucionare iraniane.

Kryetari i Parlamentit iranian dhe negociatori kryesor në bisedimet e paqes, Mohammad Baqer Qalibaf, deklaroi se lëvizjet “e hapura dhe të fshehta të armikut” tregojnë se amerikanët po përgatisin sulme të reja.

Ndërkohë, ministri i Brendshëm i Pakistanit ndodhej të mërkurën në Teheran në kuadër të përpjekjeve diplomatike, pasi Pakistani ka shërbyer si ndërmjetës dhe kanal komunikimi mes dy palëve.

Sipas Reuters, Irani ka paraqitur këtë javë një ofertë të re ndaj SHBA-së, e cila përfshin kërkesa që Trump i kishte refuzuar më parë, si kontrolli mbi ngushticën e Hormuzit, kompensimi për dëmet e luftës, heqja e sanksioneve, zhbllokimi i aseteve të ngrira dhe tërheqja e trupave amerikane nga rajoni.

SHBA akuzon Raúl Castron për vrasje, rihapet dosja e avionëve të rrëzuar në 1996

21:20 Bota 2 komente

“Trajtim çnjerëzor dhe i papranueshëm”, pamjet e aktivistëve të gjunjëzuar shkaktojnë furtunë diplomatike ndaj Izraelit

21:10 Bota 23 komente

Racizëm, armë dhe poshtërim: Kush është Itamar Ben-Gvir, ministri më ekstremist i Izraelit (dhe pse Netanyahu do ta falë edhe këtë herë)

19:30 Bota 46 komente

Draghi apo Merkel: Kush do të negociojë me Vladimir Putin?

18:58 Bota 6 komente

Bolivia largon ambasadorin kolumbian, dyshime për ndërhyrje në punët e brendshme

17:45 Bota

“Duhet t’i japim meritat që i takojnë”- Jeff Bezos vlerëson Trump: Më i pjekur dhe i disiplinuar në mandatin e dytë

17:05 Bota 7 komente

VIDEO/ Në gjunjë dhe me duar të lidhura, aktivistët e flotiljes “Sumud” ku ndodhet dhe shqiptari Baki Goxhaj keqtrajtohen nga forcat izraelite

16:45 Bota 35 komente

Rutte: Pretendimet ruse ndaj vendeve baltike se po ndihmojnë Ukrainën të lëshojën drone janë qesharake

16:35 Bota 1 koment

Panik në Lituani/ presidenti dhe kryeministrja dërgohen me urgjencë në bunker pasi droni shkeli hapësirën ajrore të vendit

16:23 Bota

Italia dhe Austria propozojnë model “hap pas hapi” për anëtarësimin e Ballkanit Perëndimor në BE

14:55 Bota 8 komente