Netanyahu i vendosur për përparimin e luftës në Gaza, mbledh këtë të enjte kabinetin e sigurisë

Kryeministri i Izraelit, Benjamin Netanyahu, pritet të takohet sot me një grup të vogël ministrash të lartë për t’i shqyrtuar planet që ushtria izraelite t’i marrë nën kontroll më shumë territore në Rripin e Gazës, me gjithë kundërshtimet në rritje brenda dhe jashtë vendit për luftën që ka zgjatur pothuajse dy vjet.

Netanyahu do të mbledhë kabinetin e sigurisë pas një takimi triorësh këtë javë me shefin e ushtrisë, të cilin zyrtarët izraelitë e përshkruan si të tensionuar, duke thënë se kreu i ushtrisë kishte kundërshtuar zgjerimin e fushatës ushtarake.

Sondazhet tregojnë se shumica e izraelitëve duan që lufta të përfundojë me një marrëveshje që do të çonte në lirimin e pengjeve të mbetura në Gazë.

Qeveria e Netanyahut ngul këmbë në fitore të plotë kundër Hamasit – grupit militant palestinez të shpallur organizatë terroriste nga Shtetet e Bashkuara dhe Bashkimi Evropian.

Synimi që forcat izraelite të futen në zona që nuk i kontrollojnë ende në enklavën e shkatërruar palestineze ka shkaktuar shqetësim në Izrael.

Forumi i Familjeve të Pengjeve, që përfaqëson të afërmit e të rrëmbyerve që mbahen në Gazë, i kërkoi shefit të shtabit të ushtrisë, Eyal Zamir, ta kundërshtojë zgjerimin e luftës dhe i bëri thirrje Qeverisë ta pranojë një marrëveshje që do ta përfundonte luftën dhe do ta siguronte lirimin e pengjeve të mbetura.

Ministri i Mbrojtjes i Izraelit, Israel Katz, theksoi të mërkurën se ushtria do t’i zbatojë vendimet e Qeverisë deri në arritjen e të gjitha synimeve të luftës.

Udhëheqësit izraelitë kanë kërkuar prej kohësh që Hamasi të çarmatoset dhe të mos ketë më asnjë rol në një Gazë të demilitarizuar dhe që pengjet të lirohen.

OKB-ja i ka quajtur raportimet për një zgjerim të mundshëm të operacioneve ushtarake të Izraelit në Gazë si “thellësisht shqetësuese”.

Ushtria izraelite thotë se kontrollon rreth 75 për qind të Gazës. Shumica e popullsisë prej rreth 2 milionë banorësh është zhvendosur disa herë gjatë 22 muajve të fundit dhe organizatat humanitare paralajmërojnë se banorët janë në prag të urisë ekstreme.

Takimi Trump-Putin së shpejti - Zelensky: Europa duhet të jetë pjesë e bisedimeve për t’i dhënë fund luftës

14:08 Bota 4 komente

VIDEO: Rusia nuk ndalet, sulmon me dronë zjarrfikësit ukrainas

13:10 Bota 2 komente

Izraeli do të eksportojë gaz me vlerë 35 miliardë dollarë në Egjipt

12:24 Bota

Në Gaza mbijetojnë vetëm më të fuqishmit – të tjerët mbesin duarbosh

12:10 Bota 3 komente

Para një jave vendimtare

11:40 Bota

Zelensky kërkon takim ballë për ballë me Putinin për t’i dhënë fund luftës

11:18 Bota 4 komente

Presidenti brazilian reagon pas rritjes së tarifave: Nuk kam ndërmend të poshtërohem nga Trump, do e telefonoj vetëm nëse…

10:30 Bota 2 komente

Hyjnë në fuqi tarifat e reja të Trumpit, preken edhe vendet e Ballkanit Perëndimor

09:53 Bota 3 komente

Sistemi sekret që përdor Hamasi për të shpërndarë pagat e qeverisë

09:16 Bota 2 komente

FBI arreston ushtarin amerikan, tentoi të spiunonte te rusët pikat e dobëta të tankut 'Abrams'

09:10 Bota